Ramiro Gonzalezek susperraldi ekonomikoa mantentzearen alde egin du
Ramiro Gonzalez Arabako ahaldun nagusi izateko hautagaiak bere esanetan aurreko legegintzaldian abiatutako susperraldi ekonomikoa mantentzearen alde egin du, Araba "lehiakortasunean" buru eta Europan erreferente izango den lurralde bihurtzeko.
EAJren hautagaiak hurrengo legegintzaldirako erronkak finkatu ditu: hazkunde ekonomikoa, kalitatezko lana, gizarte kohesioa eta lurralde oreka.
Hautagai gisa egindako hitzaldian, ekonomia eta gizarte nabarmendu ditu. Garapena, hazkunde ekonomikoa eta kalitatezko enplegua aipatu ditu, gizarte kohesioa helburu. Gizarte politikak aldarrikatu ditu, zahartzean azpimarra eginez, eta lurraldeen arteko oreka gauzatu ahal izateko zerbitzuak berdintzearen eta ekonomia dibertsifikatzearen alde egin du. Fiskalitateari dagokionez, Ekarpenen Legearen erreforma aipatu du lehentasun gisa, eta hobekuntzak iragarri ditu fiskalitate "justuago eta progresiboagoa" izateko.
EAJk eta PSE-EEk osatutako koalizioko gobernuak gehiengo absolutua izateak "indarra" ematen diola ziurtatu du Ramiro Gonzalezek inbestidurako hitzaldian. Gonzalezen esanetan, bi alderdietako boto-emaileek EAJ eta PSE-EE koalizio gobernuak lau urtean egindako lana babestu dute 2019ko foru hauteskundeetan.
Dena dela, datozen lau urteetan ere gainerako alderdiekin "akordio zabalak" lortzeko borondatea izaten jarraituko duela gaineratu du.
Ramiro Gonzalez Arabako ahaldun nagusi izendatuko dute berriro, EAJren eta PSE-EEren babesarekin. Jeltzaleek eta sozialistek gehiengo absolutua dute Batzar Nagusietan (51 batzarkideetatik 27).
Jeltzaleek eta sozialistek Gobernua osatzeko akordioa negoziatzen jarraitzen dute, baina, azken xehetasunen faltan, akordioa egintzat ematen da. Ezustekorik ez badago, beraz, azken lau urteetako koalizioko gobernua errepikatuko dute.
Oraindik ez dute zehaztu alderdi bakoitzak zenbat sail zuzenduko dituen. Aurreko legegintzaldian, jeltzaleek zazpi ordezkari izan zituzten foru gobernuan, eta sozialistek, ostera, bi.
Iragan legegintzaldian ez bezala, EAJk (17 batzarkide) eta PSE-EEk (10 batzarkide) gehiengo absolutua dute Batzar Nagusietan. Ondorioz, egonkortasuna bermatuta dute datozen lau urteetan.
Ramiro Gonzalezen aukeraketa bermatuta dago, baina EH Bilduk ahaldun nagusirako bere hautagaia aurkeztu du: Kike Fernandez de Pinedo. Hautagaiak bere hitzaldia baliatu du bere alderdiak ordezkatzen duen "gobernu-alternatiba" ikusarazteko.
Osoko bilkura 10:00etan hasi da, eta bozketa 17:30ean egingo dute, aurreikuspenen arabera.
Zure interesekoa izan daiteke
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.