Gernikara, azken helmugara, iritsi da presoen eskubideen aldeko bizikleta martxa
Euskal presoen eskubideak aldarrikatzea helburu duen bizikleta martxak hirugarren eta azken etapa egin du. Gernikan bukatu du ibilbidea, eguerdian.
9:00etan Lekeitotik abiatu, eta Munitibarren ekitaldia egin ondoren, Gernikara iritsi dira eguerdian. 12:30ean, Foru Plazan, bizikleta martxari amaiera jarri dion ekitaldia egin dute.
Bertan, Inaxio Oiartzabalek eta Joseba Azkarragak aldarrikatu dute "Euskal Herriaren gehiengoak euskal presoei ezartzen zaien eskubideen urraketari bukaera jarri nahi diola".
Orain Presoak dinamikaren baitan deituriko bizikleta martxa honekin, pedalkadaz pedalkada, elkarbizitzaren eta bakearen aldarria Euskal Herriko herrietan zabaltzea da helburua. Hiru eguneko bizikleta martxa honek Luhuso eta Gernika lotu ditu, "salbuespen neurriak" bukatzeko. Presoen aldeko dinamika herritarren artean ezagutarazteko, erakundeei presioa egiteko eta urruntzearen aldeko borrokan indarrak hartzeko baliatu nahi dute martxa.
"Espetxe politika honekin amaitu eta salbuespen neurriak behin betiko bertan behera uzteko noranzkoan eman behar ditugu urratsak, edota, kasu honetan, pedalkadak", azaldu zuten aurkezpen prentsaurrekoan antolatzaileek.
Larunbatean, Zarautz-Lekeitio
Atzo, larunbata, bigarren etapa egin zuten parte-hatzaileek. Sare elkarteak bigarren urtez antolatutako Orain Presoak Tour ekimenean parte hartzen duten txirrindulariak kostaldean ibili ziren, eta Zarauztik eta Getariatik igaro ondoren, Zumaiara heldu ziren.
Ondoren, Urola Kosta atzean utzi, eta Elgoibarren bazkaldu zuten. Indarrak hartu ostean, aurrera jarraitu zuten Lekeitiora bidean. 18:30 aldera iritsi ziren Bizkaiko udalerrira, eta ekitaldi bat egin zuten han.
Iazko bizikleta martxan, Mont de Marsango eta Zaballako kartzelak lotu zituzten. Aurten, uztailaren 19a eta 21a bitartean, elkarbizitzaren eta bakearen ikur diren bi herri batu nahi izan dituzte: Luhuso eta Gernika; Luhuso, gizarte zibilaren konpromisoaren eredu, eta Gernika, bizikidetzaren eta bakearen eredu eta sinbolo.
Hiru etapa:
Uztailak 19: Luhuso-Zarautz
Uztailak 20: Zarautz-Lekeitio
Uztailak 21: Lekeitio-Gernika
Ibilbidean zehar, geldialdiak egin dituzte, etapa osoak egin nahi ez zituzten pertsonak martxara batu zitezen, tarte txiki baterako bazen ere.
Zure interesekoa izan daiteke
Lehendakariak eta Sanchezek aldebiko batzorde berri bat egingo dute abuztua baino lehen
Maria Ubarretxena Eusko Jaurlaritzako bozeramaileak nabarmendu du balio handikoak direla adostutako bi eskumen eskualdaketak.
Auzitegi Gorenak 24 urteko kartzela-zigorra ezarri dio Jose Luis Abalosi eta 19koa Koldo Garciari, ustelkeriagatik
Auzitegi Gorenak aho batez eman du epaia, eta Victor de Aldama enpresaburuari ere eragin dio, lau urte eta erdiko kartzela-zigorra ezarri baitiote.
Botere Judizialaren Kontseiluak atea zabaldu du Peinado epaileari espedientea irekitzeko, Poliziari egindako aipamenengatik
Eusko Jaurlaritzak eta Espainiako Gobernuak trafiko azterketen eta nekazaritza aseguruen transferentzia sinatuko dute astelehen honetan
Azterketen eta aztertzaileen antolaketa, zirkulazio-baimenak ematea eta ibilgailuen matrikulazioa eskualdatuko dira, baita bide-azterketa eta berreziketarako zentroen kudeaketa ere. Nekazaritzako aseguruei dagokienez, ENESAren funtzioak bere gain hartuko lituzte Jaurlaritzak.
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.