PSNko militanteen % 89 Nafarroan Gobernua osatzeko akordioaren alde agertu da
PSNko militanteen % 89 Nafarroan Gobernua osatzeko lortutako akordioaren alde agertu da igande honetan. Koalizio gobernua osatzeko ituna Geroa Baik, Podemosek, Izquierda-Ezkerrak eta PSNk sinatu zuten, baina Izquierda-Ezkerra ez da koalizio gobernuko kide izango. Dena dela, EH Bilduren abstentzioa ezinbestekoa da Maria Chivite hautagai sozialista Nafarroako Gobernuko presidente izendatzeko.
Alderdi sozialistak jakitera eman duenez, boto-emaileen % 89,34k eman dio babesa Chivite buru izango lukeen "gobernu aurrerakoiari". Halaber, militanteen % 10,16k koalizio gobernua osatzeko akordioaren kontra bozkatu dute, eta % 0,5ek boto zuria eman dute.
Emaitzen berri izan ostean, militanteen "parte hartzea eta babesa" eskertu ditu Chivitek, eta "edozein barne prozesuren aurrean beti erakusten duten konpromisoarekin" erantzun dutela nabarmendu du.
"Arreta gizarte politiketan, berrikuntzan, berdintasunean eta lurralde-kohesioan jartzen duen akordioa argi eta garbi babestu dute militanteek, gobernu plural, ezkertiar eta aurrerakoi baten alde eginez", azpimarratzen dute iturri sozialistek.
Alderdi sozialistaren militanteek 10:00etatik 18:00ak arte izan dute botoa emateko aukera, eta igande gauean eman dute emaitzaren berri.
Babesak bilatzeko bilera sorta egingo du Hualdek
Unai Hualde Nafarroako Parlamentuko presidenteak bilera sorta deitu du astelehen honetarako. Hala, 10:30etik aurrera eta 15 minutuko tartearekin, Parlamentuan ordezkatuta dauden talde guztietako bozeramaileekin bilduko da (Izquierda-Ezkerra, Podemos, EH Bildu, Geroa Bai, PSN eta Navarra Suma). Ondoren, Maria Chiviteren hautagaitza proposatuko du.
Inbestidura saioa, gutxienez, hiru egun geroago egin behar da. Hortaz, bilera sorta astelehenean egiten bada, inbestidura saioa ostegunean edo ostiralean has daiteke. PSNk ostegunean izatea nahi du.
EH Bilduren abstentzioa nahitaezkoa da
PSNk 11 eserleku ditu, Geroa Baik 9, Podemosek 2 eta Izquierda-Ezkerrak 1. Guztira, beraz, 23 ordezkari batzen dituzte, baina ez dute gehiengo osorik (26 parlamentari).
Hori dela eta, Chivite Nafarroako presidente izendatzeko ezinbestekoa da EH Bilduren abstentzioa. Koalizio abertzaleak adierazi du inbestidura "ahalbidetzearen aldekoa" dela, baina erabakia bere militantziaren esku utzi du, eta kontsulta loteslea deituko du datozen egunetan.
PSNk, Geroa Baik eta Podemosek ostiralean sinatu zuten koalizio gobernua osatzeko akordioa. Adostutako gobernuak 13 departamentu izango ditu. Horietatik 8 PSNren esku egongo dira, 4 Geroa Baik zuzenduko ditu eta Podemosek gidatuko du azkena.
Ahal Duguk asteburuan egin du bi egun iraun duen bozketa telematikoa, asteleheneko 20:00ak arte, militanteek programa akordioa eta Nafarroako Gobernuan sailburu batekin sartzea berrets dezaten.
Izquierda-Ezkerrak beste hiru indar politikoekin batera sinatu du legegintzaldiko akordioa, eta Maria Chiviteren alde egin du, baina uko egin dio koalizio gobernuko kide izateari.
PPk eta Ciudadanosek EH Bilduren aurka egin dute larunbat honetan, militantziari "beharrezkoak diren abstentzioen bidez" hautagai sozialistaren inbestidura "ahalbidetzea" proposatu ostean.
Javier Esparza Navarra Sumako hautagaiak Radio Euskadin esan duenez, Nafarroan EAJk irabaziko du. "Argi dago EAJ izango dela hitzarmen honekin Nafarroan indartsuena", esan du Esparzak.
Gainera, EH Bildu ez dela "doan" abstenituko eta "pentapartitoa" egingo dutela gaineratu du.
PSNk ukatu egin du EH Bildurekin harremanetan jarri izana
Nafarroako sozialisten arabera, "PSNk ez du Bildurekin bilerarik edo elkarrizketarik izan, ez alderdi bezala, ezta bitartekariekin ere", Nafarroako Gobernuari buruz negoziatzeko, eta, horien hitzetan, koalizio hori "ez da bazkide bat" sozialistentzat.
Nafarroako sozialisten esanetan, alderdiak daukan "konpromiso bakarra" Geroa Bai; Podemos eta Ezkerrarekin da. "Indar horiek beste batzuekin biltzen badira, ez dute egingo, inondik inora, bitartekari bezala; beraz, PSN ez dago lotuta besteek izandako konpromiso edo elkarrizketengatik", esan dute.
"Aurreko laukoak izan lezakeen edozein bilera edo harremanetik" urrundu da PSN. Izan ere,"hautetsontziek esan dute ez duela herritarren babesik Parlamentuan gehiengoa osatzeko".
PSNk gaineratu duenez, "inbestidura eta legealdian zehar proposatuko diren ekimenek Parlamentuaren bozketak gainditu beharko dituzte".
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.