PSOEk % 41,3ko boto zuzena izango luke, eta PPk %13,7koa
CISen azken inkestaren arabera, PSOEren boto-asmoak gora egiten jarraitzen du; izan ere, bozen % 41,3 eskuratuko lituzke. PPk, berriz, bigarren postua berreskuratuko luke, Ciudadanosen beherakada areagotu eta laugarren postura jaitsi baita.
Emaitza horiek utzi dituzte Ikerketa Soziologikoen Zentroak uztailaren 1etik 11ra bitartean bildutako iritziek, gaur ezagutzera eman dutenez.
PSOEk botoen % 39,5 beharrean % 41,3 lortuko lituzke azken inkestaren arabera. PPk, berriz, portzentaje berdina lortuko luke, % 13,7ko boto-asmo zuzena, eta bigarren postua bereganatuko luke, Ciudadanosen beherakadak eraginda, hilabete batean % 15,8tik 12,3ra igaro baita. Unidas Podemosek zertxobait hazi egiten da % 13,1era arte, eta Ciudadanosen aurretik kokatzen da.
Vox bosgarren indar politiko gisa mantentzen da CISen, baina hamarren batzuk behera egin ditu, % 5,1etik 4,6ra, hain zuzen ere. Ondoren, ERCk ia puntu bat egin du gora (% 3,9tik 4,5era).
Zazpigarren lekuan JxCat agertzen da, boto asmoan % 1,2tik % 1,6ra igotzen delarik. EAJk, ostera, hamarren bat behera egin du (% 1,4).
Presidentea aukeratzeko gehiengo osoaren baldintza ezabatzeko, Konstituzioa erreformatzeko aukeraz berriro galdetu die inkestak herritarrei, nahiz eta inbestiduraren aurreneko bozketan soilik beharrezkoa izan.
Inkestatuen % 49,9 Konstituzioa erreformatzearen alde agertu dira. % 27,1ek, aldiz, ez du beharrezkoa ikusten, eta % 23k ez daki edo ez du erantzuten.
Egoera politikoa, arazo nagusien artean
Aurreko hilean bezalaxe, egoera politikoa kezka iturri da herritarren artean. 1985etik portzentaje handiena izan du.
Horrela, inkestatuen % 38,1ek politikariak, alderdiak eta politika herrialdeko hiru arazo nagusien artean kokatu dituzte, iragan hilabetean baino sei puntu gehiago.
Egoera politikoa txarra edo oso txarra dela esan dute inkestatuen % 64,2k, ekainean baino hamar puntu gehiago, eta % 4,4k bakarrik uste dute egoera politikoa ona ala oso ona dela; ekainean % 10 ziren.
Hala ere, politika bigarren kezka iturria da herritarrentzat, langabeziaren atzetik. Langabezia arazo nagusi bezala agertzen da berriro; izan ere, inkestatuen % 61,8k aipatu dute.
Zure interesekoa izan daiteke
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.