Podemosen babesa lortzen saiatuko da Sanchez, baina koalizio gobernua proposatu gabe
Pedro Sanchez Espainiako Gobernuko jarduneko presidentea elkarte eta gizarte eragileetako ordezkariekin biltzen hasiko da ostegun honetan, gero Unidas Podemosi aurkeztuko dion “proposamen ireki bat” egiteko. Gobernu programa horren bitartez, gobernua kanpotik babestea proposatu nahi dio Sanchezek Pablo Iglesias buru duen koalizioari.
Hautagai sozialistaren inbestidura saioak porrot egin eta sei egunera, Unidas Podemosi proposamen berri bat egiteko prest agertu da gaur buruzagi sozialista. PSOEren militantziari idatzitako eskutitz batean, Sanchezek gobernua osatzeko konpromisoa duela jakinarazi die, eta hauteskundeak errepikatzea galaraztea bere "lehentasun nagusia" dela ziurtatu du.
“Ez dugu amore emango. Datozen asteetan bide horretatik jarraituko dut, akordioa lortzeko konbentzimendua eta erantzukizuna baitaukat”, azpimarratu du buruzagi sozialistak. Testuinguru horretan, Portugal edota Danimarkaren moduko gobernuak jarri ditu eredu bezala. Herrialde horietan, alderdi sozialdemokratak bakarrik daude gobernuan, baina alderdi aurrerakoiek gobernua kanpotik babesten dutenez, egonkortasuna ematen diete eta gobernu programa betetzea bermatzen dute.
Sindikatuekin eta gizarte eragileetako ordezkariekin izango dituen elkarrizketak alde batera utzita, datozen egunetan alderdi nagusietako buruzagiei deitu eta haiekin harremanetan jartzea da Sanchezen asmoa, irailean inbestidura saio berri bat egitekotan presidente izendatzeko aukerarik izango duen jakiteko.
Sanchezen iritziz, Unidos Podemosek aitzaki desberdinekin baztertu zituen proposamen guztiak aurreko inbestidura saioan, "kontuan hartu gabe" sozialistak "aurrekaririk gabeko eskaintza" egiten ari zirela.
"Hala ere, Gobernu aurrerakoia aurrera atera daiteke", azpimarratu du Pedro Sanchezek, eta hauteskundeak errepikatzea saihestuko lukeen akordioa lortzea posible dela ziurtatu du.
Pedro Sanchezek militantziari idatzi dion gutuna. Argazkia: EFE
Sanchezi erantzun dio Podemosek
Bestalde, Pablo Echenique Podemoseko Gobernu Ekintza idazkariak azpimarratu duenez, "negoziatu gabe boterearen % 100 bereganatzea" proposatzen du Sanchezek bere gutunean.
Twitter bidez zabaldu duen mezu batean, Echeniquek adierazi du Sanchezek gutunean “Portugal moduko gobernu programa” aipatzen duenean, buruzagi sozialistak “boterea osorik” bereganatu nahi duela, Unidas Podemosekin “ezer negoziatu gabe, PSOE gehiengo osotik urrun badago ere".
"Titularrak hobeto ulertzeko: Gobernu portugaldarrak boterea osorik bereganatzen duen gobernua esan nahi du, negoziatu gabe, halabeharrez, nahiz eta gehiengo osotik urrun egon, eta eskuineko alderdiekin nahi dutenean akordioak lortzeko abantailarekin", esan du Echeniquek sare sozial horretan. Gauzak horrela, alderdi moreak uko egin dio sozialisten proposamen berri hori aztertzeari.
Para entender mejor los titulares:
— ¿¿¿¿¿ ¿¿¿¿¿¿Q¿¿ ¿¿ (@pnique) July 31, 2019
"Gobierno a la portuguesa" significa "Gobierno en el que acaparo el 100% del poder, sin negociar, porque sí, aunque esté lejos de la mayoría absoluta y con la ventaja de tener las manos libres para pactar con la derecha cuando me dé la gana".
Albiste gehiago politika
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.