Hauteskunde autonomikoak baino hilabete geroago erroldatu zen Maroto Sotosalbosen
PPk Senatuan duen bozeramaile Javier Maroto 2019ko ekainaren 26an erroldatu zen Sotosalbosen (Segovia), hauteskunde autonomikoak baino hilabete geroago; hots, popularrek Gaztela Leonen senatari bat izango zutela jakin zenean.
Horixe da, hain zuzen, Javier Marotoren errolda-agirian agertzen dena, Cadena Ser irrati-kateak eta eldiario.es egunkari digitalak gaur bertan jakinarazi eta Efe albiste agentziak baieztatu duenez.
Apirilaren 28ko hauteskundeetan, Javier Marotok Kongresuan zeukan eserlekua galdu zuen, eta 28 urte geroago, ordezkaritza gabe utzi zuen PP Araban.
Handik denbora gutxira, maiatzaren 26an egindako hauteskundeetan, Gaztela Leonek senatari bat lortu zuen. 35 urteren ondotik, PSOEk hauteskundeak irabazi zituen, nahiz eta ez zuen gobernua zuzentzeko aukerarik izan, PPk eta Ciudadanosek akordioa hitzartu zutelako.
Lau urte lehenago egindako hauteskundeetan baino senatari bat gutxiago lortu zuten, beraz, popularrek, eta Javier Maroto proposatu zuten kargu horretarako. Horrela, uztailaren 26an senatari izendatu zuten, PPren eta Ciudadanosen babesarekin.
Esan bezala, Maroto hilabete lehenago erroldatu zen Sotosalbosen, Accenture enpresako goi-kargu baten etxean, aipatu udalerriarekin inongo lotutarik ez zuen arren, udal-iturriek jakitera eman dutenez.
Izan ere, senatari izateko ezinbestekoa zuen Gaztela Leonen erroldatuta egotea. Helburu bakarra, horrenbestez, senatari izatea zen, eta, besteak beste, PSOEk gogor kritikatu du errolda aldaketa. Horregatik, errolda baliogabetzea eskatu dute sozialistek, senatari kargua gal dezan.
Bien bitartean, Marotok, kazetarien aurrean, uztailaren 31n esan zuen bere errolda legezkoa dela, eta iragarri zuen Sotosalbosen etxea alokatu duela, handik sarritan ibiliko delako.
Legea bete duela ziurtatu du Marotok
Testuinguru horretan, "errolda-agiria legezkoa" dela ziurtatu du Marotok, eta ohiko bizilekua aldatzeko prozesua "mundu guztiak” ikusi duela gaineratu du.
Segoviako PPko militanteekin bazkaldu aurretik, kazetarien aurrean egindako agerraldian, Marotok jakinarazi du SOS Arrazakeriak aurkeztu duela bere erroldatzearen inguruko zalantzak jasotzen dituen salaketa.
Zehazki, ondorengoa esan du Marotok: "Haserre daude nirekin, Gasteizko Alde Zaharreko erakunde honetako lokal batean erroldatuta zeuden 2.000 pertsona erroldatik baja eman genituelako Gasteizko alkatea nintzenean. Lokala ureztatu zenean, Polizia bertaratu zen, baina han ez ziren 2.000 pertsona bizi".
Agintari popularrak gaineratu duenez, migratzaile horiei ofizioz baja emateko izapide bat abiatu zuten orduan, "2.000 pertsona horiek ez zutelako egiaztatu SOS Arrazakeriaren lokal horretan bizi zirela".
Zure interesekoa izan daiteke
2030eko Munduko Futbol Txapelketa hartzeko Bilboren hautagaitzari buruzko zalantzak onartu ditu Etxanobek
Elixabete Etxanobe Bizkaiko ahaldun nagusiak Euskadi Irratian adierazi duenez, inplikatutako erakundeek "hausnarketa sakona" egiten jarraitzen dute Bilbo 2030eko Munduko Futbol Txapelketaren egoitzetako bat izateko aukerari buruz. Bestalde, sozialistek eta popularrek Etxanoberen zalantzak kritikatu dituzte eta aukera "historikoa" dela uste dute.
Krisia “gainditutzat” eman dute Nafarroako Gobernuan
Hezkuntza itunduaren harira joan den ostegunean parlamentuan izandako haustura konpontzeko goi-bilera egin dute exekutiboa osatzen duten hiru alderdiek.
Pandemien Itunari "behin betiko bultzada" ematea eskatu du Pedro Sanchezek, "osasun globala indartzeko"
Espainiako Gobernuko presidenteak Munduko Osasun Erakundearen (MOE) 79. mundu batzarrean parte hartu du, Genevan (Suitza). Bertan, munduko herrialde guztietan osasuna hobetzeko neurriak hartzearen alde egin du eta lan egitea arreta ona jasotzea jaiotako herrialdearen mende egon ez dadin.
Andaluziako hauteskundeen gakoak: PSOEren hondoratzea, PPren garaipen gazi-gozoa eta Voxen “lehentasun nazionala”
PSOEk laugarren kolpea jarraian jaso du hauteskunde autonomikoetan, eta inoizko emaitzarik txarrena lortu du. PPk nagusi dela berretsi du, baina Vox beharko du berriro.
Bizkaiko Foru Barriaren bosgarren mendeurrenaren ospakizuna, Gernikako Batzar-etxean
Imanol Pradales lehendakaria eta Elixabete Etxanobe Bizkaiko ahaldun nagusia "gaitasun berriak" dituen euskal autogobernuaren alde mintzatu dira Gernikan, egungo erronkei aurre egiteko (migrazioa aipatu dute, berbarako) eta "garapen nazional osoa" lortzeko, Bizkaiko Foru Barriaren V. mendeurrena ospatzeko Batzar-etxean egindako ekitaldian. Hitzordu horretan, foru-sistemak duen balioa nabarmendu dute, elkarlanean eta berme juridikoetan oinarritutako eredu gisa.
PPk nabarmendu du Moreno "bermea" dela; PSOEk, berriz, Monteroren etorkizunaren inguruan erabaki beharko du
PPk "historikotzat" jo du hauteskundeen emaitza. Sozialistek, aldiz, onartu egin dute emaitzak ez direla nahi zituztenak, eta Voxek politikak aldatzea eta "nazioa lehenestea" eskatu du. Bestalde, Maillok (Por Andalucia) dimisioaren aukera baztertu du, eta Jose Ignacio Garciak (Adelante) iritzi dio Por Andaluciarekin batuta "emaitza txarragoak" lortuko zituela.
Zuzenean: Bizkaiko Foru Barriaren bosgarren mendeurrenaren ospakizun ekitaldia
Bizkaiko Foru Barriak 500 urte egin dituela ospatzeko ekitaldi nagusia egingo da gaur, Gernikan, eta zuzenean ikusi ahal izango da ETB1en eta orain.eus-en, 11:00etan.
Etxanobe, Bizkaiko Foru Barriaz: "Gaur egun daukagun autogobernuaren oinarria bertan dago, gure arbasoek duela 500 urte idatzitako horretan"
Bizkaiko Foru Barriaren bosgarren mendeurrenean, Bizkaiko ahaldun nagusiak orduko bizkaitarrek "kontraste bidez eta elkarrekin hitz eginda" idatzitako testua goraipatu du, "pertsonen eskubideen defentsan testu juridiko oso aurreratua izan zen".
Albiste izango dira: Bizkaiko Foru Barriaren 500. urteurrena, Bizum dendetara iritsi da eta PPk Voxen babesa beharko du Andaluzian
Gaurkoan Orain-en albiste izango direnen laburpena, bi hitzetan.
Itunpeko ikastetxeen harira sortutako krisia bideratzen saiatzeko bilera egingo dute arratsaldean Nafarroako Gobernua sostengatzen duten alderdiek
Gimeno Hezkuntza kontseilariak itunpeko ikastetxeetan 14 ikasgela ixteko zuen asmoa bertan behera utzi zuten osteguneko bozketan Geroa Baik eta EH Bilduk. Abstenitu egin ziren, eta UPNren lege proposamena atera zen aurrera.