'Ametsa ez zapuzteko aukera aprobetxatzea' eskatu die Torrak alderdiei
"Errepublikaren ametsa ez zapuzteko aukera aprobetxatzea" eskatu die Quim Torra Generalitateko presidenteak alderdiei. Hauteskundeak aurreratzeko unea ez dela uste du, baina 'proces' auziaren epaiak "ziklo aldaketa" ekar dezake.
Vilaweb egunkari digitalean iritzi artikulu bat argitaratu du Kataluniako buruzagiak. "Kataluniarentzako askatasun etorkizun bat nahi duten alderdiei ametsa ez zapuztea" eskatu die Torrak. Erakundeetatik epaiari erantzuna emateko, Kataluniako hauteskundeak aurreratzea baztertu du agintariak.
"Etor daitezkeen hauteskundeetan pentsatzeko unea ez da", adierazi du Torrak, "hurrengo belaunaldietan" baizik; izan ere, "haiengatik hartu behar dira gaurko erabakiak". "Gure gaurko ametsen kalitatea gure seme-alaben eta iloben bizi-kalitatea baldintzatuko du", ohartarazi du.
Ametsak errealitate izateko "konpromisoa" hartzera gonbidatu ditu Kataluniako alderdiak. "Proposamen zehatzak egin guztioi konfiantza eta indarra itzultzeko", hau da, "Kataluniako Errepublika aitzakiarik eta beldurrik gabe egin behar dugu", erantsi du.
Quim Torraren hitzetan, "epaiak errefusatzeko Kataluniako gizartea berriz mobilizatzea oso litekeena da". Horregatik, protestak "beti bezala, zibismoarekin, errespetuarekin, modu baketsuan eta ausart" egiteko deia egin du.
"Izan daitezken probokazioetan ezin gara erori", gaineratu du. "Kataluniako askatasunaren etsaiek oldarkor eta zakar nahi gaituztela ikusi dugu", nahiz eta "guk borroka irabazteko modu bakarra zutunik, baketsu eta uste sendo demokratikoekin izango dela jakin".
Albiste gehiago politika
Ainhoa Unzuk ordezkatuko du Ramon Alzorriz PSNren Parlamentuko bozeramaile bezala
Unzuk iragarri duenez, lehenik eta behin, "nire talde parlamentarioko kide bakoitzarekin hitz egingo dut, erabakia ezagutzen baitute", eta, ondoren, Foru Gobernua osatzen duten gainerako talde politikoen bozeramaileekin.
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosen hitzetan, Cerdan eta Garciaren “ustelkeria dinamika” Nafarroatik zetorren, eta “erabili” egin dute
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok Ministerioan jarri zuten, eta, ondoren, "presioa" egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak, eta uda honetan bertan hasiko da lanean.