Parlamentak atzera bota du Torraren aurkako zentsura mozioa
Ez da ezustekorik izan, eta Kataluniako Parlamentuak atzera bota du Quim Torra Generalitateko presidentearen aurkako zentsura mozioa, ekimena sustatu duen Ciudadanosen eta PPren aldeko botoa soilik jaso baitu.
Bozketa publikoa izan da, eta diputatuek banan-banan eman dituzte kontrako 76 boto (JxCat, ERC, Catalunya en Comú Podem eta CUP), eta aldeko 40 (Ciudadanos eta PP).
Bozketan ezustekorik egon ez den moduan, aurreikusitako gidoia jarraituko du saioak, talde independentistak zentsura mozioari indarra kentzen, "engainua" zelakoan, eta Ciudadanos PSCri egurra ematen, Torraren aurka jo ostean.
Carlos Carrizosa Ciudadanosen Parlamentuko taldearen presidentearen hitzaldiak ireki du saioa, eta Torrari bizikidetza arriskuan jartzea leporatu dio. Parlamentuan zeuden, saioa zuzenean jarraitzen Ciudadanoseko (Albert Rivera, Ines Arrimadas), PPko (Cayetana Alvarez de Toledo) eta JxCateko (Laura Borras) ordezkari ezagunak.
Ondorengo txanda Kataluniako Gobernuko kideren bati zegokion, baina ez da Torra izan hitza hartu duena, Meritxell Budo Presidentzia kontseilaria baizik. Gainera, zituen 30 minutuetako 10 bakarrik erabili ditu.
Budok "nahita" egin du hitzaldi "laburra", "erakundeak interes alderdikoiekin erabiltzearen aurkako" jarrera erakusteko. Izan ere, Budok uste du Ciudadanosek azaroaren 10eko hauteskundeetarako erabili duela Parlamentua.
Eztabaidaren beste edozein unetan, Torrak eta Gobernuko gainerako ordezkariek erantzuteko aukera zuten, baina uko egin diote.
Gero etorri da Lorena Roldanen hitzaldia, Torraren postua hartzeko Ciudadanosek zuen hautagaia, eta ordu eta laurdenean presidentaren aurka jo du "biolentoak txalotzeagatik", atxilotu dituzte CDRetako kideei erreferentzia eginez.
Mozioak aurrera egiteko gutxieneko boto kopurutik urrun bazegoen ere, Roldan behin eta berriz zuzendu zaie sozialistei abstentzioaz gogoeta egin zezaten eta, 2017ko "urriaren 8ko izpiritua" berreskura zezaten (Espainiaren batasunaren aldeko manifestazioa egin zuten konstituzionalistek Bartzelonan), Torra kargugabetzeko aldeko botoa ematea "agindu morala" zela argudiatuta.
Icetak (PSC), baina, ez du bat egin "Lorena Roldanen porrotarekin", "propaganda operazioa" eta "oportunista" zelako, hauteskunde orokorretarako aurreikuspen txarrak iraultzea bilatzen zuelako soilik, bere esanetan.
Jessica Albiach Catalunya en Comu Podemen ordezkariak errefusatu egin du zentsura mozioa "kanpaina ekitaldia" zelako: "Kataluniak ez du liskar gehiago nahi".
Independentisten aldetik, Albert Batet JxCaten taldeko presidenteak Roldani leporatu dio Parlamenta "inkestetan gora egiteko tranpolin" bezala erabiltzea.
Sergi Sabira ERCren ordezkariak esan du Ciudadanosek "sekula ez" duela lortuko Katalunian agintzea, "hori ez delako telebista irabazten, eta zuek ez duzuelako adostasunik sortzen".
CUPen kasuan, Vidal Aragones diputatuak esan du zentsura mozioa "engainu elektoralista" zela, eta Ciudadanosi "indarkeria errelatoa" sortzen eta "independentismoa kriminalizatzen" saiatzea egotzi dio.
Parlamentuan azken urteotan bozkatu den laugarren zentsura mozioa izan da eta, beste kasuetan bezalaxe, ez du aurrera egin.
Zure interesekoa izan daiteke
Auzitegi Nazionalak Belateko lanen esleipena ikertuko du
Koldo auziaren instrukzioaren ardura duen epaileak gaur jakinarazi du erabakia. UPNk eta PPk Maria Chiviteren dimisioa eskatu dute.
EAJren "legatua" bere egin nahi dutenei mezua, Estebanek: "Ez da oinordetzan hartzen, defendatu nahi izan ez zena"
Ekitaldi politikoa egin dute jeltzaleek Bilbon, Sabino Aranak EAJ sortu zuela 131 urte bete direnean. "Atzo mespretxatu zituenak, gaur ez du haien txapela janzteko eskubiderik", esan du, zuzenean aipatu gabe, baina EH Bilduri erreferentzia eginez.
Arabako Aldundiak Manzanosko saihesbidea ireki du eta herriko trenbide-pasaguneko trafikoa kendu
Arabako ahaldun nagusi Ramiro Gonzalezek eta Mugikortasun Jasangarriaren eta Bide Azpiegituren Saileko foru diputatu Jon Nogalesek Manzanosko saihesbidea inauguratu dute astelehen honetan. Proiektuak 3,8 milioi euroko inbertsioa izan du, eta horri esker, Añanako kuadrillako herri hori zeharkatzen duen trenbide-pasaguneko ibilgailuen trafikoa itxi egin dute.
Villarejoren defentsak dio Kitchen operazioa legezkoa izan zela
Komisario ohiaren defentsak ukatu egin du sarearen helburua Barcenas PPren diruzain ohiari alderdiaren material konprometituta lapurtzea zela, eta Barcenasi berari egotzio dio auzia sortzea, "komunikabideei begira". Fiskaltzak 19 urteko kartzela-zigorra ezarri nahi dio komisario ohiari.
Espainiako Gobernuak etxebizitzaren dekretua onartzea irailera atzeratu du, babes nahikorik ez duelako
Astearte honetan Ministroen Kontseiluan onartzekoa zen testuak Sumar, PSOE, EAJ, Junts eta Podemosen proposamenak biltzen ditu; besteak beste, alokairu-kontratuak luzatzea, lurzoruaren legea erreformatzea, pizgarri fiskalak ezartzea eta etxegabetzeak etetea.
Sanchezek adierazi du "ordu zailak" datozela suteen kudeaketan
Pedro Sanchez Espainiako Gobernuko presidenteak Vall d'Uixon (Castello) piztutako sutea kontrolatzeko Aginte Postu Aurreratua bisitatu du. Aipaturiko sutearen ondorioz, 6.500 hektarea erre dira eta 16.000 pertsona baino gehiago ebakuatu dituzte. Horrez gain, Serra d'Espada inguruan 65.000 pertsona konfinatu dituzte.
Klima larrialdiari aurre egiteko estatu ituna "lehentasun nazionala" dela adierazi du Sanchezek
Espainiako gobernuburuak babesleku klimatikoen sarearen aurkezpenean adierazi duenez, alderdi politikoei eta eragile sozialei behin eta berriz eskatuko die klima larrialdiari aurre egiteko estatu itunera batu daitezela.
Pedro Sanchez: "Larrialdi klimatikoak hil egiten du"
Babesleku Klimatikoen Sarearen aurkezpenean, Espainiako Gobernuko presidenteak adierazi du "udak gero eta gogorragoak, suntsigarriagoak eta hilgarriagoak" direla.
Biktimen ondorengoek eta Otxandioko Udalak sarraskiaren aitortza eskatu dute
Duela 90 urte, frankisten altxamendua izan eta lau egunera, Otxandio bonbardatu zuten. Gaur, eraso faxista hark hildako 61 pertsonak gogoratu dituzte herrian, horietako asko haurrak. Biztanleria zibilaren aurkako lehen aire-erasoa izan zen gerra hartan.
Pradalesek Agirre lehendakariaren "arrastoari eta balioei jarraitzeko" deia egin du
Imanol Pradales lehendakariak Jose Antonio Agirre lehendakariaren "bideari jarraitzeko" deia egin du. Haren baloreak eta haren lantaldeak erakutsitako umiltasuna eta egiteko modua eredugarri jo ditu Pradalesek.