Puigdemont: 'Epaiak bi milioi pertsona baino gehiago kondenatu ditu'
Carles Puigdemont Kataluniako Generalitateko presidente ohiak adierazi du 'proces' auziko epaiak erakutsi egiten duela Estatuaren estrategia "jazarpena eta mendekua" direla.
"Auzitegi Gorenak Gobernuko, Parlamentuko eta Kataluniako erakunde sozial garrantzitsuenetako hainbat kideren kontra ebatzitako epaiak erakutsi egiten du bide demokratikoa hautatu duten hiritarren aurkako estrategia jazarpena eta mendekua direla", esan du Puigdemontek, Bruselan egindako agerraldi batean, Kataluniako Gobernuak Belgikako hiriburuan duen ordezkaritzan.
Horren esanetan, epaiak "2017ko urriaren 1ean autodeterminazio erreferenduma posible egin zuten bi milioi pertsonak kondenatu ditu".
Puigdemonten esanetan, gainera, Auzitegi Gorenaren epaiak egiaztatu du, "inoiz baino gehiago, beharra dugula benetan askea den herrialde batean bizitzeko".
"Mobilizatu behar gara, eta gure ahotsa sentiarazi behar dugu. Modu asko daude, eta guztiak izan behar dira demokratikoak, ez indarkeriazkoak", adierazi du. "Inoizko gogorren erantzun behar dugu", esan du, eta galdegin du azaroaren 10eko hauteskundeak "gaitzespeneko, duintasuneko eta sendotasuneko erantzuna" izatea.
Europa, "isilik, indarkeriaren aurrean"
Puigdemontek Europaren jarrera gaitzetsi du; leporatu dio "isilik" geratu dela, "bozkatzera irten zen herri batek 2017ko urriaren 1eko erreferendumean jasandako indarkeriaren aurrean".
"Europa honek espainiar Estatuaren soinuan dantza egiten du, eta saihesten du bi milioi europar herritarren baino gehiagoren ordezkariak Europako Parlamentuan egotea", adierazi du.
Carles Puigdemontek berretsi duenez, epaiak baieztatu du "Espainiak uko egiten diola elkarrizketa abiatzeari"; horren aurrean, aukera bakarra da "beldurrik gabe mobilizatzea".
Galderarik gabeko agerraldia egin du Puigdemontek, prentsaren aurrean, Belgikan; hain zuzen, beretan bizi da 2017an espainiar Justiziarengandik ihes egin zuenetik. Auzitegi Gorenak, agerraldia egin baino ordu batzuk lehenago sinatu du proces auziaren epaia, eta 9 eta 13 urte arteko kartzela-zigorrak ezarri dizkie lider independentistei. Gainera, astelehen honetan ere, Llarena epaileak haren aurkako agindu europar eta nazioartekoa eman du.
Agerraldian, Belgikan ere dauden Toni Comin, lluis Puig eta Meritxel Serret kontseilari ohiak ere izan dira, Puigdemonten aldamenean.
Zure interesekoa izan daiteke
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak lekuko gisa deklaratzera deitu du Mazon
Horrez gainera, "bere borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.