Gure Eskuren eta sindikatuen elkarretaratzeak 'larrialdi demokratikoari' erantzuteko
Kataluniako erreferenduma zigortzeko ebazpenaren aurrean (9 eta 13 urte arteko zigorrak ezarri ditu Espainiako Auzitegi Gorenak), Gure Eskuk elkarretaratzeak antolatu ditu gaur, astelehena, arratsaldean herri eta auzoetako plazetan, eta larunbaterako, manifestazioa Donostian. "Larrialdi demokratikoari" Euskal Herrian ere erantzun behar zaiola adierazi du elkarteak, ohar batean.
Gure Eskuren arabera, epaia ez ezik, prozesu judiziala bera ere ez da justua izan: “Arbitrariotasunez beteta izan da, funtsik gabeko akusazioetan oinarritu da eta behin-behineko espetxealdiarekin presoen eskubideak urratu dira, Nazio Batuen Erakundeko Atxiloaldi Arbitrarioei buruzko lantaldeak salatu duenez”.
Horregatik, epaiketa “politiko” honen amaiera justu bakarra absoluzioa zela uste du Gure Eskuk, baina Espainiako Estatuak “larrialdi demokratiko batean” gaudela erakutsi du, elkarteak gaineratu duenez.
“Kriminalizazioa”
Zigor epai honek ate handi bat zabaldu du, Gure Eskuren hitzetan, “eskubide zibil, politiko eta kolektiboak kriminalizatzeko: manifestazio eskubidea, adierazpen askatasuna, protestarako eskubidea, bozkatzeko eskubidea edota autodeterminazio eskubidea. Kriminalizazio hau erabat onartezina da, eta oinarrizko eskubideak erabiltzea ezin da delitua izan demokrazian”.
Auzitegi Gorenaren ebazpenaren aurrean, “gure helburua berretsi baino ezin dugu egin: gure etorkizuna erreferendum bidez erabaki nahi dugu, eta hori lortzeko bidean ez dugu atzera egingo”, adierazi du Gure Eskuk.
Elkarretaratzeak
Gaur arratsaldean “elkarretaratze zaratatsuak” antolatu ditu elkarteak “herri eta auzoetako plazetan”, eta urriaren 19an, larunbatarekin, manifestazioa izango da Donostian, auziko presoen askatasunaren alde, oinarrizko eskubideen alde eta herrien eskubide kolektiboen alde.
Sindikatuen atxikimendua
ELA, LAB, Steilas, ESK, Etxalde eta Hiru sindikatuek gogor kritikatu dute Gorenaren ebazpena, eta lantokietan protestak egiteko deia zabaldu dute datorren ostiralerako, urriaren 18rako.
Ohar bateratu batean zabaldu dutenez, langileak mobilizatzeaz gain, bat egin dute Gure Esku plataformak deitutako protesta guztiekin.
Gainera, sindikatuek elkarretaratze eta ekitaldi publikoa egingo dute astearte honetan, 11:30ean, Bilboko Arriaga plazan, eta "demokraziaren eta askatasunaren aurkako ebazpenari buruz gehiengo sindikalak egiten duen irakurketa" plazaratuko dute, sindikatuetako idazkari nagusiak bertan direla.
Albiste gehiago politika
De Andresek EAJri eta PSEri ohartarazi die ez dela bateragarria EH Bilduren "bikotekide izatea" eta poliziari eraso egiten dietenen aurka egotea
EAEko PPren presidenteak "etikoki argiago" jokatzea eskatu die bi alderdiei, "ezinezkoa delako" koalizio abertzalearen "bikotekide izan", eta Ertzaintzari eraso egiten diotenen "aurka" daudela esatea.
PPk onartu du Madrilgo Biltzarraren presidenteorde Ana Millan ez dela Politika Zientzietan lizentziaduna
Noelia Nuñez popularrak, Jose Maria Angel Valentziako sozialistak eta Ignacio Higuero Extremadurako kontseilariak dimisioa eman dute azken asteetan, euren ikasketei buruzko informazio ofiziala faltsua omen da eta.
Maider Etxebarriak EH Bilduri leporatu dio "hautesleen zati bati aurre egin nahi ez izatea" eta GKSri "hauspoa ematea"
Maider Etxebarria Gasteizko alkateak EH Bilduri leporatu dio "hautesleen zati bati aurre egin nahi ez izatea" eta GKS kolektiboari "hauspoa ematea", Ertzaintzari "zilegitasuna kendu" baitio. Alkateak hitzok esan ditu Radio Euskadin egindako elkarrizketa batean, uztailaren 23an izandako istiluei buruz galdetuta.
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.