Puigdemont aske utzi du Belgikako justiziak, bermerik ezarri gabe
Belgikako justiziak bermerik ezarri gabe aske utzi du gaur Carles Puigdemont Generalitateko presidente ohia, epailearen aurrean deklaratu ostean. Puigdemontek bere borondatez deklaratu du gaur goizean, Auzitegi Gorenak igorri zuen atxilotzeko eta Espainiaratzeko europar aginduaren harira.
Presidente ohiaren bulegoak jakinarazi duenez, 09:00etan bertaratu da Puigdemont Justizia belgikarraren egoitzan.
Aipatu iturriek azaldu dute presidente ohia "prozedurari dagozkion pauso ofizial guztiak jarraitzen" ari dela, eta jakinarazpena jaso duenean "errefusatu" egin duela Espainiako agintarien esku uztea.
Epailearen aurretik igaro ostean aske utzi dutela iragarri du Kataluniako presidente ohiak: "Baldintzarik gabe libre utzi naute. Belgikako justiziaren esanetara nago".
Bermerik ez diote ezarri, baina bai pare bat baldintza: Belgikatik ateratzeko asmoa badu hala jakinarazi beharko dio agintaritzari, eta bizileku finkoa izango beharko du Belgikan.
Espainiak euroagindua berriro noiz bidali zain
Bruselako Fiskaltza Espainiako Justiziak euroagindua eta gainerako dokumentuak itzultzearen zain dago. Astelehenean igorri zuen euroagindua Pablo Llarena Espainiako Auzitegi Nagusiko magistratuak, 'proces'eko politikariei 13 urtera arteko kartzela-zigorrak jarri zizkietela zabaldu ostean.
Fiskaltzak, ondoren, "azterketa sakona" egingo du, Belgikako Ministerio Publikoak azaldu duenez.
Auzitegi Nazionalak 2017ko azaroan eman zuen lehen atxiloketa euroagindua, Puigdemontek Belgikara ihes egin eta berehala. Hala ere, segituan geratu zen bertan behera, auzia Gorenera eraman zutenean.
2018ko martxoan berriro jarri zuten martxan, eta Alemanian atxilotu zuten Puigdemont, baina bertako auzitegiak errefusatu egin zuen matxinadagatik atxilotzea. Orduan, Llarenak ukatu egin zuen diru publikoa bidegabe erabiltzeagatik atxilotzea, beste auzipetuekiko injustua izango litzatekeelako.
Llarena: "Puigdemontek ez immunitaterik"
Bien bitartean, Pablo Llarena 'proces' auziko epaile instruktoreak jakinarazi du berehala jakinaraziko diola Belgikako justiziari Puigdemontek ez duela immunitaterik ez baita Europako Parlamentuko diputatua.
Llarenaren hitzetan, Generalitateko presidente ohia ez zen Hauteskunde Batzorde Nagusira joan akta jasotzera (hala egin behar dela jasotzen du Hauteskunde Legeak), eta beraz, ez da eurodiputatua.
Bista, hilaren 29an
Ostiral honetan ere, Bruselako Fiskaltzak jakinarazi du hilaren 29an egingo dutela bertan Puigdemonten bista, lehen instantziako epaileak erabaki dezan Kataluniako presidente ohia Espainiako justiziaren esku utziko duen ala ez.
Auzitegiak hartu duen erabakiaren aurrean, nolanahi ere, helegitea jarri ahal izango da: lehenik, Apelazio Auzitegiaren aurrean; gerora, Kasazio Auzitegiaren aurrean. Bi kasuetan, Aretoak 24 ordu ditu erabakitzeko helegitea onartzen duen ala ez, eta beste 15 egun erabaki bat hartu eta ondorioztatzeko estradizio-agindua gauzatu ahal duen ala ez.
Zure interesekoa izan daiteke
Laugarren Xedapen Iragankorra indargabetzeko tramitea hasi du UPNk
Cristina Ibarrola UPNko presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapen hori ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago eskatu behar zaio grebari amaiera emateko”
Eneko Andueza PSEko idazkari nagusia kritiko agertu da Monica Garcia Osasun ministroa jokatzen ari den paperaz medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko Faktoria saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta EAJrekin ikusteko dago”.
Javier De Andres: "Euskararen exijentzia mailak euskal gizarteak benetan eskain ditzakeenen gainetik daude"
Euskadiko PPko presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Bere ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik daudela".
Sanchezek Aznarren aurka egin du Espainia Irakeko gerran sartzeagatik eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak lekuko gisa deklaratzera deitu du Mazon
Horrez gainera, "bere borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre 'Anbotori' espetxe araudia aplikatu zaiola esan du Ubarretxenak
Eusko Jaurlaritzako bozeramaileak azaldu duenez, Iparragirrek beste edozein presoren tratamendu bera jaso du, eta ez da inolako neurri diskrezionalik hartu. Aipatu du ulertzen dutela ETAren biktimei eragin ahal izan dien mina. Hala ere, gogorarazi du neurri horrek birgizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.