Bilbao ez omen da oroitzen nork erabaki zuen Habiditeren hitzarmenak atzera botatzea
Jose Luis Bilbao Bizkaiko ahaldun nagusi ohi eta egun Kontuen Euskal Auzitegiko presidente denak EAEko Justizia Auzitegi Nagusian deklaratu du Habiditeren aferaren harira, eta esan du ez duela oroitzen nork erabaki zuen 2006an sinatutako hitzarmenak atzera botatzea.
Bilbaok ordu erdiz deklaratu du auzitegian. Jabyer Fernandez Habiditeren arduradunak Aldundiari 30 milioi euroko kalte-ordaina eskatzen dio, Alonsotegin etxe aurrefabrikatuak ekoizteko fabrika baten sorkuntzarako hitzarmenak urratzeagatik.
"Ez dut oroitzen. Adin bat dugu dagoeneko, eta hori duela 12 urte baino gehiago izan zen", adierazi du Bizkaiko ahaldun nagusi ohiak.
Jabyer Fernandezen abokatuak galdetu dio ea bera izan zen pertsonalki Habiditerekin sinatutako hitzarmenak ez betetzea erabaki zuena, eta Bilbaok erantzun dio Gobernu Kontseiluaren ebazpena izan zela, bera ez zelako "superman".
Bestalde, onartu du balitekeela Fernandezek gutun bat bidali izana, baina ez dakiela, ahaldun nagusi postuan "gutun, idatzi eta dokumentu asko" jasotzen direlako.
Aldundiak eta Habiditek desadostasunen bat izan ote zuten galdetuta, Bilbaok esan du "arazo serioa" egon zela Jabyer Fernandezen "taldeko enpresek obrak utzi zituztenean", eta Iurbenor auziarengatik.
Gaineratu duenez, desadostasunak ez ziren Alonsotegiko lantegiarengatik sortu, baizik eta Foru Ogasunak ez zituelako 40 milioi eurotik gora jaso BEZaren bidez Jabyer Fernandezen erruz.
Bestalde, Aldundiak Habiditeri trinkotze sistema jakin bat zuten lurrak eman beharko ote zizkion galdetuta, erantzun du bera "Sarrikoko ekonomialari soila" dela, eta ez duela "ezer ere ulertzen lurren trinkotzeaz".
Jabyer Fernández
Jabyer Fernandez Habiditeren arduradun zenak ere deklaratu du gaurko saioan, eta enpresak eta Aldundiak sinatutako hitzarmenak "zehatzak" zirela eta proiektua aurrera eramateko "datak" jarrita zeudela azpimarratu du. Azaldu duenez, Aldundiak "sekula ez" zion ohartarazi hitzarmenak atzera botako zituztela, eta "sekula ez da inolako kexarik izan" Habiditeren jardunaren inguruan.
Fernandezek argitu du hitzarmenetan 12 hilebeteko epea aipatzen zela Aldundiak lantegia eraikitzeko lurrak emateko, trinkotutako lurrak gainera.
Baina, kritikatu duenez, Aldunditik jaso zuena izan zen ez zegoela "interesik", eta "proiektua geldirik zegoela agerian geratu zen" Aldundiak "Bruselan bere burua salatu zuenean".
Fernandezek adierazi duenez, "mugarri" izan zen Jose Luis Bilbaori 20019ko otsailean igorri zion gutuna. Hitzarmenak urratzen ari zirela adierazi zion Bilbaori, eta ahaldun nagusiak "oso gogo txarrez" hartu zuen.
Zure interesekoa izan daiteke
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.