Kritikak gorabehera, Lopez de Abetxuko preso ohiaren hitzaldiari eutsi dio Sarek
Azken egunetan jasotako kritikak gorabehera, Jose Ramon Lopez de Abetxuko ETAko preso ohiaren hitzaldiari eustea erabaki du euskal preso, iheslari, eta deportatuen eskubideen aldeko Sare herritarrak. Hitzaldia gaur da EHUk Gasteizen duen campusean. Biktimen elkarteak, hainbat alderdik eta Jesus Loza Espainiako Gobernuak EAEn duen ordezkariak ekitaldia bertan behera uzteko eskatu dute, "iraingarria" delakoan.
Joseba Azkarraga Sareren bozeramaileak berretsi du biktimei errespetu osoa diela, baina adierazpen askatasuna exijitu du ekimenari eusteko.
Lopez de Abetxukorena ez dela "hitzaldi" bat izango azpimarratu du, preso egon zenean gaixotasun larria "nola bizi izan zuen azalduko" duela, besterik ez.
"Ikuspuntu medikutik egoera horretan dauden presoen egoera zein den adierazteko modua besterik ez da", zehaztu du.
"Erabateko errespetua" agertu du biktimekiko, "beti egin dudan moduan", eta inork ezin diela kontrakoa leporatu adierazi du.
Azkarragak biktimak "modu alderdikoian" ez erabiltzeko eskatu die "erabat normala den ekimen honen aurrean ahotsa altxatu dutenei".
"Biktimek babesa eta errespetua behar dute", gaineratu du.
EHU
EHUk, berriz, "ETAren biktimen sentimenduak aintzat hartzeko, sentsibilitatez jokatzeko eta horiei min egin diezaieketen keinuak baztertzeko" eskatu dio Sareri.
EHUk argitu du ez dituela ekitaldiak "aurretik epaitzen", unibertsitatean egiten diren arren; izan ere, eskaerak egiten dizkiotenean onartu egiten omen ditu "elkarte antolatzaileak legalak badira eta pertsona fisikoek judizialki eskubide zibilen murrizketarik ez dutenean".
Hitzaldia (12:30ean) dago antolatuta, Gasteizko campuseko Elurreta eraikinean. Lopez de Abetxuko preso ohiak eta Txema Matanzas abokatuak hartuko dute parte "Larriki gaixo dauden presoak etxera!" izenburua duen mahai-inguru horretan.
Ordu laurden lehenago, Carlos Urquijo Espainiako Gobernuak EAEn zuen ordezkari ohiak buru duen Esteban de Garibay elkarteak elkarretaratzea deitu du protesta egiteko.
Auziaz galdetuta, Josu Erkoreka Eusko Jaurlaritzako bozeramaileak Radio Euskadin esan duenez, "juridikoki hitzaldia legezkoa da, baina etikoki eta terrorismoaren biktimekiko elkartasunari erreparatuta, umiliagarria eta mingarria ote den aztertu beharko litzateke".
Ildo beretik mintzatu da Radio Vitorian Cristina Gonzalez Arabako PSE-EEko idazkari nagusia. "Legalki, kartzelatik kanpo dago eta hitzaldia eman dezake, baina etikoki uste dut mingarria dela biktimentzat eta terrorismoaren aurka borrokan ibili garenontzat. Giza eskubideen egunean hiltzaile batek presoek kartzelan duen egoeraren inguruan hitz egiten entzutea mingarria da", adierazi du.
Zure interesekoa izan daiteke
Bi orduko atzerapenez hasi da Ministro Kontseilua, Sumarreko ministroak alokairuaren luzapena dekretutik kanpo uztearen aurka agertu direlako
Bilera hori egiteko zain, Ministroen Kontseiluak mahai gainean duen lege dekretuak neurri fiskal sorta bat jasotzen du, besteak beste erregaien, argiaren eta gasaren BEZa % 10era jaistea ekarriko lukeena.
Euskadik, Gaztela-Mantxak eta Kanariek bitartekotza independentea proposatu diote Osasun ministroari, greba medikoa desblokeatzeko
Euskadiko, Gaztela-Mantxako eta Kanarietako osasun-arduradunek gutun bat bidali diote Monica Garcia Osasun ministroari. Bertan, Pazienteen Erakundeen Plataformaren bitartekaritza independentea proposatu dute, greba-batzordearen eta Ministerioaren arteko elkarrizketa errazteko eta greba desblokeatzeko.
Ministroen Kontseiluak neurri ekonomikoak adostuko ditu gaur, Ekialde Hurbileko gerraren eragina arintzeko
Lege-dekretua datorren ostegunean onartu beharko dute Kongresuan. Lau arlotan egituratutako plan zehatza jarriko dute mahai gainean: egiturazko neurriak, zerga-paketea, sektore kaltetuentzako berariazko laguntzak eta pertsona zaurgarrientzako laguntzak biltzen dituena.
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.