Junqueras: 'Guztiz gailenduko gara, baina ez dakigu noiz'
Europako Justizia Auzitegiaren epaiak espetxetik ateratzeko, aske geratzeko eta Europako Parlamentura itzultzeko aukera ematea espero du Oriol Junqueras ERCko buruzagiak. Immunitatea aitortu zion Europako Auzitegiak ostegunean.
Biharamunean, Catalunya Radiok egindako elkarrizketan, epaiarekin pozik agertu da Junqueras. "Garaipenak guztiz gailenduko garela esaten digu, baina ez dakigu noiz", azpimarratu du ERCko buruzagiak.
Hala ere, Junquerasek "zuhurtzia" eskatu du. Elkarrizketa idatziz egin diote Lledonerseko (Bartzelona) espetxean, kazetariak eta buruzagi politikoak kristala erdian zutela.
Auzitegi Gorena "gauzak legez ez egiten" ikustera "ohituta" dagoela adierazi du; izan ere, proces auziko zigortuak "hasiera batetik erabat baliogabetutako prozesu judizial" baten biktimak izan ziren.
"Egin genuen guztia legezkoa izan zen, autodeterminazio erreferendum bat egitea Zigor Kodean ez dagoelako jasota, eta nazioarteko legediak aitortutako eskubide legitimo bat da", esan du Junquerasek.
"Egindako ezer ez zen delitua izan", errepikatu du. "Berriz saiatzeko eskubidea irabazi dugu", gaineratu du ERCko buruzagiak.
Esquerrak aldebakarreko bidea utzi duela esan du PSOEk azken egunetan. Independentistak aldeaniztuneko negoziazio baten alde beti agertu izan direla nabarmendu du Junquerasek.
Zentzu horretan, politikari preso independentistek "Estatuarekin negoziatzeko borondatea" sekula galdu ez dutela azaldu du.
Dolors Montserrat (PP) edo Fiskaltza Junquerasen askatasunaren aurka agertu dira dagoeneko. ERCko buruzagiaren ahotan, fiskalak epaiketan zehar "erretrataturik geratu ziren jadanik". Montserratek edo Meritxell Batet Kongresuko presidenteak diputatu gisa aritzerik ez duela begietara esatea gustatuko litzaiokeela erantsi du.
"Nire eskubideak urratu zituzten, eta aske uzten didatenean zergatik gertatu zen begietara esatea nahiko nuke", azpimarratu du buruzagiak. Era berean, indultua errefusatu du: "Gorde dezatela"; izan ere, azkenean "Europako justiziak" erabakiko du, "gertatzen ari den bezala".
Europako Parlamentura itzuli nahi duela onartu du Junquerasek, "Katalunia defendatzeko". ERCko buruzagia eurodiputatu izan zen jadanik.
Kataluniako independentzia defendatzeari sekula utziko ez diola nabarmendu du Junquerasek. Azkenik, Quim Torra Generalitateko presidenteari ezarritako kargu publikoan aritzeko debekua mintzagai izan du ERCko buruzagiak. Junquerasen hitzetan, pankarta bat kendu nahi ez izanagatik inhabilitatzeak "Espainiako Justiziaren maila agerian utzi du".
Zure interesekoa izan daiteke
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.