Traperok Puigdemonten atxiloketa prestatzeko agindua eman zuen
Josep Lluis Trapero Mossoen nagusiak esan du 2017ko urriaren 25ean Carles Puigdemont Kataluniako presidente ohiaren atxiloketa prestatzeko agindua eman ziola bere bigarrenari mezu batean, independentzia aldarrikatuz gero egoera horri aurre egiteko, nahiz eta ez zuen uste Aldebakarreko Independentzia Adierazpenik (DUI) egingo zuenik.
Horixe adierazi du Traperok sedizioa leporatuta egin dioten galdeketan, Auzitegi Nazionalean. Miguel Angel Carballo fiskalak zalantzan jarri du Puigdemont atxilotzeko asmoa zutenik, auziaren instrukzioan ez baitzuen halakorik adierazi.
Mossoen nagusiak erantzun dio auziko dokumentazioan agertzen dela 2017ko urriaren 25ean Ferran Lopez komisarioari bidali zion mezua, eta bertan eskatzen ziola Puigdemont eta Govern-eko gainerako kideak atxilotzeko plana egitea, balizko Aldebakarreko Independentzia Adierazpenaren aurrean.
Gainera, Parlamentak DUIa onartu zuenean, Traperok Jesus Maria Barrientos Kataluniako Justizia Auzitegi Nagusiko presidenteari eta Jose Maria Romero de Tejada Kataluniako fiskal nagusiari deitu omen zien, gertatutakoa "larria" zelako, eta "edozein agindu" betetzeko prest zegoela helarazteko.
Ez zizkion datu fiskalak eman Generalitateari
Esquadra Mossoek uko egin zioten iruzur fiskalagatik auzipetutakoen datuak eta hoteletako eta apartamentuetako erregistroak Ekonomia Departamentuaren esku uzteari, Traperok jakinarazi duenez.
Mossoen nagusiak azaldu duenez, 2017ko uztailean Oriol Junqueras buru zuen Ekonomia Departamentuko arduradunak Mossoen buruekin elkartu ziren Generalitateak segurtasun eta aduanen "erabateko eskumena"” izateko asmoa zuelako.
Departamentuak hoteletan eta apartamentuetan izena emandako pertsonen datuak nahi zituen, Generalitateari zergak ordaintzen ote zizkioten jakite aldera.
Beste eskaera Katalunian zerga iruzurragatik auzipetutakoei buruzko informazioa izan zen: "Bilera horietara ni joan nintzen, eta ezetz esan genuen, agintari judizialena zela informazioa, ez zutela zertan eskuratu, eta interesa bazuten agintari judizialei eska ziezaiotela".
Mosso batzuek ez zuten agindutakoa bete
Bestalde, auzipetuak azpimarratu du ez duela zalantzarik Mossoek U-1eko erreferenduma galarazteko ahal zuten guztia egin zutela. Halere, horietako batzuek, ehun baino gutxiagok, "zegokiena baino gutxiago" egin zuten, "arrazoi ideologikoengatik".
Baliabide nahikorik izan ez arren, Guardia Zibilarekin eta Espainiako Poliziarekin "elkarlanean" egindako operazioan mossoek ahal zuten guztia egin zutela berretsi du, eta ez zutela "ezer arrarorik" egin.
Hala ere, Traperok aitortu du agenteetako batzuek, 10ek, 20k edo 100ek, baina ez askoz gehiagok, "zegokiena baino gutxiago" egin zutela "arrazoi ideologikoengatik".
Zure interesekoa izan daiteke
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.