Ordoñezen alarguna: "Zerbait txarto egin dugu haren diskurtsoa balekoa bada oraindik"
'Gregorio Ordoñez. Bizitza posiblea' izenburupean, gaur inauguratu dute Donostiako Miramar Jauregian ETAk duela 25 urte hildako PPko buruzagiaren omenezko erakusketa. Ekitaldian, Ana Iribar alargun eta Gregorio Ordoñez Fundazioko presidenteak esan duenez, senarra zenaren diskurtsoak "balekoa eta eraginkorra" izaten jarraitzen du, 25 urte pasatu diren arren. Iribarren iritzian, "horrek esan nahi du zerbait txarto egin dugula edo ondo egiteari utzi diogula".
PPko buruzagi ugari hurbildu dira Donostiara erakusketa irekitzeko ekitaldira. Bertan izan dira, besteak beste, Pablo Casado PPren egungo presidentea, Jose Maria Aznar Espainiako gobernuburu izandakoa eta Maria San Gil Euskadiko PPren presidente ohia. Iñigo Urkullu lehendakaria ere izan da ekitaldian.
Ana Iribarrek nabarmendu duenez, "garrantzitsua" da senarra zena gogoan hartzea, eta erantsi du "harrigarria" dela "25 urte pasatu badira ere, haren diskurtsoak balekoa eta eraginkorra izaten jarraitzea. Horrek esan nahi du du zerbait txarto egin dugula edo ondo egiteari utzi diogula".
Txarto egin denaz galdetuta, Iribarrek esan du "terrorismoaren biktimekin lotutako egiteko asko" daudela oraindik, eta adibide gisa aipatu ditu "euren kasua argitu ez duten 300 familia horiek".
BIDEOA: Ordezkaritza gorena ekarri du PPk Gregorio Ordoñezen omenaldira
"ETAren diskurtso politikoak ezin du lekurik izan gizartean"
Era berean, gogorarazi du Ordoñezek esan ohi zuela "HBk eta ETAk ez zutela lekurik Euskadin, gauza bera zirelako, eta baztertu egin behar genituela, politikoki zein sozialki. Aldatu beharreko gauzak aldatzeko denok ekin behar genuela esaten zuen".
Ingurumari horretan, Arnaldo Otegi EH Bilduko koordinatzaile nagusia kritikatu du "iragan terrorista" duelako. Iribarren ustez, "ez da onargarria atentatu terroristekin lotura duten pertsonak Legebiltzarrean, udaletan, Kongresuan jesartzea. Ez da duina demokraziarentzat. Gregorio Ordoñezek ausardia handiz egin zion aurre ETAren diskurtso politikoari, eta uste dut diskurtso horrek ez duela lekurik izan behar gure gizartean eta demokrazian".
Adierazi duenez, Ordoñezen hilketak "hauteskunde kutsua izan zuen, horrela esan zuten hedabide guztiek". Izan ere, gogorarazi du Donostiako alkategai izango zela iragarri eta lau egunera hil zuela ETAk, eta 1995ean PP izan zela "indar bozkatuena" Gipuzkoako hiriburuan. "Argi dut alkate izango zela, hori zuen helburu", erantsi du.
Iribar, Ordoñezen erretratu bati begira, gaur. Argazkia: EFE
Erakusketa ikusi ondoren, Alfonso Alonsok "lagun" eta "adibide erabakigarri" bezala nabarmendu du Ordoñez, gizartea "askatasunaren alde eta ETAren kontrako borrokan" bultzatu zuena.
Horrez gain, Jose Maria Aznar Gobernuko eta PPko presidente ohiak Ordonezek "ausardia" aldarrikatu du, "bizitzen ari gharen garai gogorrei" aurre egiteko eredutzat hartuz.
Gregorio Ordoñezen hilketa gaitzesten ez dutenak "ezin dira solaskide politikoak izan eta ezin dute gobernurik jarri, ezta Nafarroa bezalako erkidegoetako aurrekontuak egin ere", adierazi du Pablo Casado PPko presidenteak.
300 objektu
Gregorio Ordoñez nor izan zen eta "ETAk hil izan ez balu nor izatera irits zitekeen" azaldu nahi du erakusketak. Ordoñezen beraren 300 bat objektu, argazki eta hauteskunde kanpainetako material jaso dituzte. Hiru aretotan dago banatuta: aurrenekoa atentatuaren ingurukoa da, bigarren batek Ordoñezen biografia politikoa errepasatzen du ("Donostiako Udalean eta Legebiltzarrean"), eta hirugarren batek, pertsonalenak, familia giroko argazki eta oroitzapenak jasotzen ditu.
Erakusketa Bruselara, Madrilera eta beste leku batzuetara eramango dute, Iribarrek iragarri duenez.
Zure interesekoa izan daiteke
Estebanek uste du hauteskunde orokorrak izango direla Espainian 2026an
La Sextan egindako elkarrizketa batean, EAJko presidenteak esan du Espainiako hauteskunde orokorrak aurreratu egingo direla. 2026an egingo direla iragarri du; bere hitzetan, Espainiako legegintzaldiak ezin baitio gehiago eutsi. EAJren buruak azpimarratu du Pedro Sanchezek ezin duela "bere burua ostruka baten antzera ezkutatu, ezta VOXen atzean ere".
Extremadurako bozek hauteskunde ziklo berri bat abiatuko dute gaur Espainiako Estatuan
09:00etan zabaldu dituzte hauteslekuak. 890.985 herritarrek dute botoa emateko eskubidea: 556.424k Badajozen eta 334.561ek Caceresen. Inkesten arabera, PPk irabaziko ditu bozak, gehiengo osorik lortuko ez badu ere, eta PSOEk zartakoa jasoko du. Voxek eta Unidasek, aldiz, gora egingo dute, inkestek iragarritakoa betez gero.
Ernaik eskuin-muturraren igoeraren aurka antolatzeko deia egin die gazteei
Bilbon egindako mobilizazioan, gazte erakundeak ideia erreakzionarioak eta euskararen aurkako erasoak salatu ditu. Itsas Kapitaintzaren aurrean, Espainiako bandera bat erre eta Bilbo euskalduna, antifaxista eta feminista aldarrikatu du. Era berean, ELAk eta LABek martxorako deitu duten greba orokorrarekin bat egin du, eta independentzia helburu dutela antolatzeko deia egin die gazteei.
Alderdiak mokoka berriro, Mancisidor arartekoaren izendapena eta PP-EH Bildu liskarra tarteko
Javier De Andres EAEko PPko buruzagiak aitortu duenez, "akaso exterminio hitza erabiltzea ez zen egokiena izan". Dena dela, EH Bildu "anomalia politiko bat" dela esan du PPk. Koalizio abertzaleak EAJren eta PSE-EEren "ekidistantzia" salatu du.
PSE-EEk dio EH Bilduk behin betiko aldendu behar duela ezker abertzaleko gazte batzuek egindako ekintzetatik
Urteko balantzea egin du Jose Ignacio Asensiok, eta pozik agertu da PSE-EEk Gipuzkoako Aldundian eta Jaurlaritzan egindako lanarekin eta lortutakoarekin. Hala ere, arduratua ere badagoela dio: azkenaldian ezker abertzalearen gazteek izandako jarrera aurpegiratu dio EH Bilduri, eta horrekin amaitzeko eskatu dio.
EH Bilduk politikan dauden ate birakariak salatu ditu
EH Bilduren ustez, aste honetan ikusitakoa ez da inolaz ere politika eredugarria. PPrekin izandako talkaz gain, Ararteko berriaren aukeraketa eta ate birakarien gaia jarri dituzte adibide gisa. Nerea Kortajarenak esan du horrela ez direla euskal herritarrak ordezkatzen.
Javier De Andresek onartu du "agian" ez zirela "oso egokiak" izan EH Bilduri esandako hitzak
Santiago Lopez Alderdi Popularreko legebiltzarkideak Radio Euskadiko Parlamento de las Ondas saioan parte hartu du, eta, besteak beste, ostegunean Legebiltzarrean izandako polemika izan du hizpide.
Txomin Letamendi, frankismoan torturen ondorioz hildako gudaria, omendu dute ostiral honetan Ondarroan
Gogora Institutuak frankismoaren biktimatzat aitortu berri du; izan ere, Letamendi, orain 75 urte hil zuen polizia frankistak, Madrilen, torturatua. EAJko kide eta frankismoaren kontrako erresistentziaren ikur izan zen. Haren gorpua berreskuratu ondoren, Artxandan zabaldu zituzten bere errautsak.
Sanchez: "Oso albiste ona da, herritarrengan eragina duten gaiak sustatzeko estrategia indartzen du eta"
Espainiako Gobernuko presidenteak balioan jarri du lehendakariak Makroeskualde Atlantikoa abian jartzeko egindako lana, sinergiak sustatuko baititu parte hartzen duten eskualdeen artean, hala nola azpiegiturak, konektibitatea edota komunikazioak hobetzeko.
Otegi, "harrituta" EAJren eta PSE-EEren isiltasunaren aurrean, PPk "benetako asmoak" erakutsi ostean
Koalizio abertzalearen idazkari nagusiak adierazi du harrituta jarraitzen duela "24 orduren ostean, EAJ edo PSE-EE bezalako indarren isiltasunarekin". Bere arabera, hemen "ez dago arazo bat EH Bilduren eta PPren artean: bloke atzerakoia da Euskal Herriarekin arazo bat duena".