EH Bilduk eta Podemosek azalpenak eskatuko dizkiote Arriolari Zaldibarkoagatik
EH Bilduren eta Elkarrekin Podemosen Legebiltzarreko taldeek azalpenak eskatuko dizkiote Iñaki Arriola Ingurugiro, Lurralde Antolaketa eta Etxebizitza sailburuari atzo Zaldibarko zabortegian izan zen lur-jausiagatik. Oraindik bi langileren bila ari dira hondakinen artean.
Mikel Otero EH Bilduren legebiltzarkideak elkartasuna helarazi nahi izan die desagertutako langileen senideei, eta salatu du gertakariak agerian utzi dituela "Eusko Jaurlaritzaren hondakinen kudeaketa ereduak dituen gabeziak".
Oterok prentsa-ohar batean azaldu duenez, Ingurugiro Sailak hainbat kontu argitu behar ditu zabortegiarekin lotuta, "ez baitago erabat argi" amiantoa jasotzeko baimenik ba ote zuen, eta izatekotan, segurtasun protokoloak bete ote dituen.
"Beharrezko ekimen guztiak aurkeztuko ditugu zer gertatu zen erabat argitzeko eta, beharrezkoa izango balitz, ardurak eskatzeko", azpimarratu du.
Jose Ramon Becerra Elkarrekin Podemosen ordezkariak, berriz, Arriolaren premiazko agerraldi eskaera sartu du, Legebiltzarrean azalpenak eman ditzan.
Becerrak jakin nahi du ea nola den posible "Jaurlaritzak baimendutako zabortegi bat behera etortzea", eta nola izan zitzakeen hondakin arriskutsuak.
PPk Bizkaiko Batzar Nagusietan duen taldeak ere azalpenak lehenbailehen emateko exijituko dio Aldundiari, eta "berriro gerta ez dadin Jaurlaritzari zer eskatuko dion jakinarazteko".
Azaldu duenez, Imanol Pradales Lurralde Garapenerako eta Azpiegituretako diputatuaren premiazko agerraldia eskatuko du.
Era berean, ELAk eta LABek "aurreikuspen eta prebentzio falta" salatu dute, eta hondakinak kentzen ari ziren langileek neurri berezirik hartu gabe lan egin zutela material arriskutsua zegoela ohartu arte.
Ekologistak Martxanek hondakin biltegien jarraipenik ez egitea egotzi die euskal administrazioei, eta "erabateko kontrol gabezia" dagoela salatu du.
"Euskal administrazioek ez dute beharrezko kontrola egiten zabortegien gainean, ezta horietan uzten dituzten substantzien inguruan ere, baimenak eman eta gero", adierazi du Ekologistak Martxanek ohar batean.
Talde ekologistak azaldu duenez, Jaurlaritzak 2016an eman zuen zabortegi pribatua irekitzeko baimena, eta arriskutsuak ez diren hondakinak izan beharko lituzke, nahiz eta "bazekien" amiantoa zegoela.
Hiru urtera lehenengo irregulartasunak atzeman omen zituen Jaurlaritzak, eta horren aurrean, ekologistek galdetu dute ea neurririk hartu zen horiei aurre egiteko.
Zure interesekoa izan daiteke
PPk zalantzan du gehiengo osoa Andaluziako hauteskundeetan, faborito nagusia bada ere
6.812.902 dira Andaluziako hauteskunde autonomikoetan botoa emateko eskubidea duten andaluziarrak —2022an baino 171.046 gehiago—. Parlamentua 109 diputatuk osatuko dute, eta 25 alderditako eta hiru koaliziotako hautagaitzak aurkeztu dira.
Barkosek iritzi dio itunpekoen inguruko akordio politikoa izango litzatekeela "egokiena"
Zehaztu du Geroa Baik ez duela jarrera aldatu 2015etik, alegia, "gobernu plural eta aurrerakoi baten aldeko apustua" egiten jarraitzen duela, eta akordio programatikoa dela irtenbidea. "Horretan ari gara lanean, hezkuntza kalitatea hobetzeko eta euskararen alde egiteko", nabarmendu du.
Anduezak dio EH Bilduk ez duela erantzunik euskal herritarren lehentasunetarako, "marketin kanpaina asko egin arren"
Eneko Andueza PSE-EEko idazkari nagusiak esan du EH Bilduk ez duela erantzunik euskal herritarren lehentasunei eta beharrei erantzuteko, "marketin kanpaina asko egin arren". Gainera, koalizio soberanistari leporatu dio "diagnostiko eta plan asko egin arren, ezer gutxi egitea benetako herri proiektu bat falta zaielako". Anduezak baieztatu du koalizio subiranista espezialista dela arazoak konpondu beharrean areagotzen, zaborraren kudeaketarekin, atez-atekoarekin, egin zuten bezala.
Eusko Jaurlaritzak "kea saltzen" duela salatu du Sumar Mugimenduak, eta inkesta bat egingo du herritarren "kezkak jasotzeko"
Sumar Mugimenduak salatu duenez, Eusko Jaurlaritzak "dena ondo doala esaten digu, baina kea saltzen ari zaizkigu". Hori dela eta, euskal herritarren "benetako kezkak" jasotzeko inkesta ireki bat martxan jarriko dutela iragarri du.
EH Bilduk 60.000 etxebizitza mobilizatzea eta eraikitzea proposatu du hamar urtean, horietatik 30.000 berriak
Etxebizitzaren aldeko aliantza publiko-komunitario handia iradoki du, arrazoizko prezioak bermatzeko, euskal erakundeek, banku-fundazioek eta borondatezko gizarte-aurreikuspeneko erakundeek (BGAE) osatua, eta, horrela, Araban, Bizkaian eta Gipuzkoan etxebizitza publikoa sustatzeko.
Hauteskundeak, Andaluzian: zer du jokoan alderdi bakoitzak M17an?
Gauerdian amaituko da hauteskunde kanpaina Andaluzian. Inkesta guztiek Juanma Moreno PPko hautagaia jotzen dute irabazle, baina ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin, azken unera arte ahalegindu nahi du azken urteotan galdutako boto-emaileak berreskuratzen.
Euskadiko zerga turistikoa 6 egunekoa izango da, eta etxebizitza turistikoak gehiago zergapetuko ditu
Podemosek zazpi zuzenketa adostu ditu EAJrekin eta PSE-EErekin, tasa turistikoa "progresiboagoa, malguagoa eta udalentzat erabilgarriagoa" izan dadin.
Pradalesek Osasun ministroari egotzi dio medikuen grebaren erantzukizuna
Monica Garcia Espainiako Gobernuko Osasun ministroa defendatzea aurpegiratu dio Imanol Pradales lehendakariak Jon Hernandez Sumarreko legebiltzarkideari, medikuen greba "berak eragindakoa" izan arren.
Etxebizitza planarekin lursailak eta etxebizitza pribatuak "desjabetu" nahi dituen argitzeko eskatu dio Pradalesek EH Bilduri
Imanol Pradales lehendakariak Eusko Legebiltzarreko kontrol saioan erantzun dio EH Bilduk etxebizitza eskuratzeko krisiari buruz egindako galderari. Pello Otxandianok esan duenez, etxebizitzaren alorrean "gauza asko egin behar dira", baina "nagusia" prezioak jaistea da, "errenta ertaineko langileei benetan eskuragarriak diren etxebizitzak" eskaintzeko.
Euskadin inbertsio ekonomiko iraunkorra arintzeko legea iragarri du Pradalesek
Ekimenaren helburua "autobide arautzaile bat" sortzea da, epe administratiboak legezko berme guztiekin murriztea eta herrialdearen garapen ekonomikorako lehentasunezkotzat jotzen diren proiektuak bizkortzea ahalbidetuko duena.