Pedro Sanchezek eskua luzatu dio EAJri eta legegintzaldia amaitzeko "bidelagun ona" dela dio
"Zuk jakingo duzu nola iritsi nahi duzun hauteskunde deialdira, bidelagunak nahi dituzun ala ez, presidente", galdegin dio Vaquerok. "Jakina, bidelagunak nahi ditut, gainera, onak, Euzko Alderdi Jeltzalea bidelagun ona da", erantzun dio Sanchezek.
Kontrol saioan, Maribel Vaquero EAJren bozeramailearengana hurbiltzeko keinu batekin erantzun dio Sanchezek, egungo aritmetika parlamentarioarekin hauteskunde-lehentasunei nola eutsiko dien galdetuta. "Jakina, bidelagunak nahi ditut, eta, gainera, bidelagun onak, eta EAJ bidelagun ona da", adierazi du Espainiako presidenteak, jeltzaleekin lankidetza mantentzeko borondatea azpimarratuz.
Atzo, EAJk bertan behera utzi zuen PSErekin egitekoa zen bilera, eta ez da data berririk jarri, sozialistek Aitor Esteban EAJren presidentearen irudi manipulatu bat zabaldu izana salatzeko. Euskal sozialistek sareetan argitaratu zuten, eta EAJk "lotsagarria" dela adierazi eta errespetu faltatzat jo zuen.
Horri gehitu behar zaio EAJ abstenitu egin dela etxebizitza-dekretuaren bozketan; izan ere, mugimendu horrek agerian uzten du alderdiak Exekutiboarekin duen harremana hoztu dela.
Testuinguru horretan, Sanchezek tentsioa murriztu nahi izan du, eta EAJren babesa izaten jarraitzeko borondatea duela adierazi du, Espainiako Gobernuak ekimen nagusiak aurrera ateratzeko akordioen beharra baitu Kongresuan.
"Zuk jakingo duzu nola iritsi nahi duzun hauteskunde deialdira, bidelagunak nahi dituzun ala ez, presidente", esan du Vaquerok. "Jakina, bidelagunak nahi ditut, eta, gainera, bidelagun onak, eta EAJ bidelagun ona da", erantzun dio Sanchezek.
Sanchezek azpimarratu du bere Gobernuak lehentasunak gauzatzeko elkarrizketaz, sendotasunez eta era eraikitzailean jardun behar duela.
"Eta nik eskertu egiten diot EAJri jarrera eraikitzaile hori izatea", adierazi du. Horren ostean, azpimarratu du Moncloan eman dituen ia zortzi urteetan bultzada eman zaiela transferentziei eta Gernikako Estatutua betetzeari, "historian ez bezala".
"Ez gai txikiekin, baizik eta sakoneko gaiekin, orain Euskadiko Gobernuaren kudeaketan erronka dakarten funtsezko gaiekin", gaineratu du Sanchezek.
"Errespetua"
Maribel Vaquero EAJk Kongresuan duen bozeramaileak Pedro Sanchez Espainiako Gobernuko presidenteari eskatu dio bere alderdia errespetatzeko eta bion arteko harremanak "zaintzeko", bai edukian, bai forman, datozen hauteskunde orokorretara "lagunduta" iritsi nahi badu.
"Agian, legegintzaldiaren amaieran, lehentasuna faxismoaren eta trumpismoaren aurka harresi bat altxatzea da, eta legitimoa eta beharrezkoa da. Hori da gure helburua ere, baina ez dugu lortuko funtsaz gain formak zaintzen ez baditugu eta elkar errespetatzen ez badugu ", esan du Vaquerok, Kongresuko kontrol saioan.
"EAJk ez ditu txantxak gustuko"
Patxi Lopez PSOEk Kongresuan duen bozeramaileak adierazi du ziur dagoela egoera bideratuko dela.
"Ziur nago koalizio-gobernu batean bazkideak garela, aurrera atera diren politika handietan ere bazkideak garela eta dena bideratuko dela", esan du.
Bestalde, Gabriel Rufian ERCk Kongresuan duen bozeramaileak Kongresuko korridoreetan adierazi duenez, euskal sozialistak oker zeuden, "EAJk ez ditu txantxak gustuko".
Zure interesekoa izan daiteke
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Ildo horretatik, ziurtatu du ez direla maiatzeko hauteskunde autonomikoekin eta udalekoekin bat etorriko, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten eta euskara lekua irabazten joan den arren legeak bere horretan dirau, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administartiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.
Diez Antxustegik espero du enplegu publikoaren legea onartzea eta gerora "ebaluazio bateratua" egitea proposatu dio EH Bilduri
EAJk Legebiltzarrean duen bozeramailearen hitzetan, jeltzaleek egindako proposamena "zuhurragoa" da eta segurtasun juridiko handiagoa ematen du. Behin onartuta, "ebaluazio bateratua" egitea proposatu dio EH Bilduri, "nahikoa ez bada" hartu beharreko neurriak aztertzeko.
Otxandiano, Enplegu Publikoaren Legeaz: "Akordiorik ez badago, lehendakariarekin bilera bat eskatuko dut egoera desblokeatzeko"
"Akordioaren parametroak argi daude", Otxandianoren ustez, eta "akordiorik eza ez da aukera bat eta arduraz jokatzeko momentua da", erantsi du. "Lirika eta erretorikaren gainetik, Agirre lehendakariaren izpiritua eta ondare politikoa hiru herrialde hauetan benetan praktikan jartzeko borondatea dago", EH Bilduko bozeramailearen arabera.
18 pertsona hil dira Israelgo Armadak Libano hegoaldearen aurka egindako bonbardaketetan
AEBrekin lortutako akordio-memorandumari eutsiz, Iranek eskatu du Israelek atzera egiteko eta erasoak bertan behera uzteko. Israelgo Gobernuak, bere aldetik, behin baino gehiagotan adierazi du akordio horrek ez duela bera lotzen.