Espainiak 40.000 milioi euroraino handitu du gastu militarra, eta gehien gastatzen duten 15 herrialdeen artean dago
Centre Delàsek astelehen honetan aurkeztu duen txosten batean esparru militarra bideratutako gastuak gehitu dizkio Defentsa Ministerioko aurrekontuari; hala nola ikerketarako partidak, atzerriko operazioak, partida industrialak eta abar. Horrek guztiak partida osoa BPGaren % 2,42ra igotzen dutela salatu du.
Centre Delàs d’Estudis per la Pau erakundeak astelehen honetan aurkeztu duen txostenaren arabera, Espainiaren gastu militarra 39.476 milioi eurokoa izan da 2025ean, Espainiako Gobernuak emandako datuaren (33.000 milio) gainetik. Urtebetean % 35eko igoera izan du.
NATOrekin BPGaren % 2ra iristeko hartutako konpromisoa betetzeko, Ministroen Kontseiluak duela urtebete onartu zuen Defentsa Ministerioaren aurrekontua 10.471 milioi euro handituko zuela eta, guztira, 33.123 milioi euroko gastua egingo zuela. Urte amaieran Ministerioak egindako likidazioaren arabera, berriz, azken aurrekontua 23.041 milioi eurokoa izan zen, BPGaren % 1,44koa, 2023tik luzatutako hasierako aurrekontuari aparteko kredituak gehituta.
Delàs zentroak, ordea, 39.476 milioira igo du zenbatekoa, esparru militarrekotzat jotzen dituen beste gastu batzuk gehitu ditu eta; hala nola ikerketa eta garapeneko gastuak, atzerriko operazioak, partida industrialak eta lotutako finantza-kostuak. Horrelako gastuak ez dira Defentsako aurrekontuan sartzen normalean, beste Ministerio batzuen aurrekontuetan egon ohi baitira.
Beraz, kalkulu horren arabera, urte bakarrean, BPGaren % 0,88tik % 2,42ra igo da, eta Espainia gastu militarrean eta armen sektorean gehien gastatzen duten munduko 15 herrialdeen zerrendan sartu da.
Txostenaren aurkezpenean, Pere Ortega Centre Delàsko ikertzaileak ohartarazi du gastu horrek murrizketak ekarriko dituela etxebizizan, osasunean eta hezkuntzan, eta "herritar guztien ongizateari" eragingo diola.
Israelekiko lotura militarrak
Era berean, Israelgo enpresek Espainiako programa militarretan duten parte-hartzeari buruz dagoen "gardentasun falta" salatu du txostenak.
Txostenean jarritakoaren arabera, Espainiaren eta Israelen arteko harreman militarrak geldiarazteko onartutako lege-dekretua "ez da eraginkorra"; izan ere, A400M garraio-hegazkinaren, A330 MRTT hegaldiko hornikuntza-hegazkinaren, C295 zaintza- eta patruila-hegazkinaren eta SIRTAP drone taktikoaren programetatik armak transferitzeari buruzko bazterketa-klausula aplikatu zen.
Bestalde, Alys Samson Israelekiko merkataritza-harremana eten dadila eskatzen duen kanpainaren ordezkariak salatu duenez, dekretua "ez da tresna eraginkorra izaten ari" harreman militarrak eteteko. Gogorarazi du Defentsa Ministerioak ez duela Israelgo enpresei esleitutako kontraturik baliogabetu, tartean aipatu ditu SILAM sistemari lotutako 700 milioikoa eta bonbekin lotutako 200 milioikoa.
Zure interesekoa izan daiteke
Eusko Jaurlaritzak eta Espainiako Gobernuak trafiko azterketen eta nekazaritza aseguruen transferentzia sinatuko dute astelehen honetan
Azterketen eta aztertzaileen antolaketa, zirkulazio-baimenak ematea eta ibilgailuen matrikulazioa eskualdatuko dira, baita bide-azterketa eta berreziketarako zentroen kudeaketa ere. Nekazaritzako aseguruei dagokienez, ENESAren funtzioak bere gain hartuko lituzte Jaurlaritzak.
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.