Rajoy berriro azalduko da epaitegian PPren 'B kutxa'ren gaineko azalpenak emateko
Mariano Rajoy Espainiako Gobernuko presidente ohiak berriro ere eman beharko ditu azalpenak PPren 'B kutxa'ren gainean; izan ere, lekuko moduan azaldu beharko da Barcenas auziaren epaiketan. Prozesu horretan, Genova kaleko PPren egoitza nazionala berritze-lanak ordaintzeko diru beltzik erabili ote zen epaituko dute. Prozesu horretan, Espainiako beste presidente ohi batek ere deklaratuko du, Jose Maria Aznarrek hain zuzen ere; Aznar lehen aldiz azalduko da epaiketa batean PPren ustezko finantziazio irregularragatik.
Gurteleko lehen aroa epaitu zuen auzitegiak (alegia, 1999-2005 bitarteko aroa), 2018an emandako epaian, zalantzan jarri zuen Rajoyren adierazpenaren sinesgarritasuna; espainiar presidente ohiak PPn 'B kutxarik' egotea ezeztatu zuen, epaiketa horretan ere lekuko moduan deklaratu zuenean. Orduan, Rajoy Espainiako presidente zegoen; historian, lehen aldiz azaldu zen epaiketa batean presidente bat, karguan zegoela.
Auzitegiak antzemandako sinesgarritasunik ezak bultzatu zuen Rajoyren aurkako zentsura-mozioa; PSOEk behar zuen babesa batu zuen, mozio horrek arrakasta izan eta Rajoy Espainiako Gobernuko presidentetzatik kentzeko.
Barcenas auziko epaiketan (diruzain ohiaren paperak izango ditu abiapuntu, eta oraindik ez dago zehaztuta noiz egingo duten), PPko lau idazkari nagusi ohik deklaratuko dute: Francisco Alvarez Cascosek, Javier Arenasek, Angel Acebesek eta Maria Dolores de Cospedalek. Lehen hirurak Gurtel auzian ere azaldu ziren.
Arenasek, Alvarez Cascosek edo Rajoy berak, Gurteleko epaiaren arabera, adierazi zuten aipatutako paper horiek "sinesgarritasunik" ez zutela, eta ezeztatu egin zuten alderdian 'B kutxa'rik egotea.
Zure interesekoa izan daiteke
GKSk milaka gazte mobilizatu ditu Bilbon eta Iruñean, "faxismoaren aurka"
"Faxismoaren eta estatuen autoritarismoaren aurka" lelopean manifestazio jendetsuak egin dira bi hiriburuetan. Dozenaka bandera gorri eraman dituzte bertaratuek eta faxismoaren zein inperialismoaren kontrako oihuak bota dituzte.
EAJk liskarretik at dagoen euskal politika defendatu du, Anduezak Pasaiako Portuari buruz egindako adierazpenen ostean
Datozen hauteskundeen atarian PSE-EE urduri egon daitekeela uste du Joseba Diez Antxustegik, EAJk Eusko Legebiltzarrean duen bozeramaileak, eta azpimarratu du jeltzaleek ez dutela liskar politikotik sustatuko euskal politikan.
EAJk eta EH Bilduk ikuspuntu kontrajarriak dituzte iraungitako txertoen inguruan
Zer gertatu den eta zer egin behar den argitu ostean kaltetuekin hitz egin dutela esan du Joseba Diez Antxustegik, Eusko Legebiltzarreko EAJren bozeramaileak. EH Bilduk horren berri jakitera eman izan ez balu, paziente horiek berriro txertatuko ote lituzketen galdetu du Arkaitz Rodriguez EH Bilduko legebiltzarkideak.
Zaldibar Argitu plataformak auziaren mamia ikertzeko eskatu eta hortik "desbideratzeko ahaleginak" salatu ditu
Arantza Baigorri EH Bilduren Zaldibarko alkate ohia ikerketapean dagoela jakin ostean, oharra atera du herritarren plataformak. Horren ustez, alkate izandakoak edo horren alderdiak azalpenak eman beharko dituzte, baina lehentasuna da luizia eta bi langileren heriotza eragin zuten faktoreak ikertzea.
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".
'Herritu' ekimena aurkeztu die Gure Eskuk gizarte eragileei
Euskal komunitatea sendotzeko beste jauzi bat emateko sortu zen udazkenean 'Herritu' dinamika, eta atxikimendu gehiago eskuratzeko lanean jarraitzen du Gure Eskuk. Gaur Euskal Herriko hainbat gizarte eragileren aurrean egin dute aurkezpena, Bilbon. "Norberaren euskal herritartasuna adierazteko tresna bat da eta euskal komunitatea trinkotzea du helburu", esan du Gure Eskuk.