"Joko zikin bat dago ezbeharra aprobetxatu nahi izan duena bere joko politikorako"
Josu Erkoreka Eusko Jaurlaritzako bozeramaileak adierazi du "Zaldibarko ezbeharragatik" Jaurlaritzaren aurka egitea "joko zikina" egitea dela. Asteazken honetan Radio Euskadiko 'Boulevard Informativo' saioan egin dioten elkarrizketa batean, Erkorekak esan du Jaurlaritza "une oro" izan dela gai horri oso adi, eta Verter Recycling enpresaren jarrera gaitzetsi du. "Ez du laguntzarik eman", salatu du.
"Lehendakaria lehen egunetik izan da gaiari adi", nabarmendu du Erkorekak, "bai eta erakundeetako gainerako karguek ere". Bozeramaileak kontrakoa diotenei erantzun die, "Twitterren bidez" ari direnei tartean. Batzuen iritziz, luizia gertatu den inguruan "desinformazioa" da nagusi, baina Jaurlaritzako bozeramaileak azpimarratu du "ia-ia lehen egunetik" hitz egin dutela senideekin: "Egoera zein den jakinarazi zaie, hasieratik". Hori bai, onartu egin du "hobeto" egin zitekeela, "seguru".
"Airearen eta uraren kalitatea ona da. Zabortegiko goialdea egonkortzea da premiazkoena, itzaltze-zerbitzuek sua itzali ahal izan dezaten". Su hori, Erkorekaren esanetan, "ura erabiliz itzaltzen ez diren gaiak erretzen ari da, ura behar duten gaiak, alegia".
Ura erabiltzeak arriskuak ekar litzakeela onartu du Erkorekak, zaborretan izan lezakeen eraginagatik. Luizia gertatu den inguruko etxeetan ezin dute txorrotako urik edan, baina, esan duenez, hori "neurri prebentiboa da". Eibarko, Zaldibarko eta Ermuko uraren kalitatea ona dela berretsi du, informazio hori "lehen unetik" ez zutela zabaldu onartu arren.
Enpresaren jarrera gaitzetsi du
Horrez gain, Verter Recycling enpresa gaitzetsi du; izan ere, "ez die laguntzarik eman lan- eta ingurumen-ikuskatzaileei", horren esanetan. Jaurlaritzaren ustez, enpresarekin izandako harremana "oso eskasa" izan da: "Ostegun arratsaldean ere ez genuen topatzen beharrezko informaziorik zuen baliozko solaskiderik". Une honetan, harremana dute enpresarekin, esate baterako aurretik izandako luizien gaineko informazioa trukatzeko. Ingurumen Sailak bazekien irregulartasunak zeudela, baina ez zuen mendi-magaleko balizko ezegonkortasunaren gaineko daturik; amiantoak "baimena" zuen, baina beste gai "arriskutsu" batzuk, aldiz, baimenik gabe utzi izan dituzte zabortegian.
Jaurlaritzako bozeramaileak gogora ekarri du egoera konpontzeko eskatu diotela enpresari: "Dena den, baliteke guk neurriak hartu behar izatea. Ez gara geldirik geratuko".
Bestalde, lehendakariak apirilaren 5eko hauteskundeak deitu berritan, Jaurlaritzak Espainiako Gobernuari eskatutako transferentzien inguruko datarik ez du eman Erkorekak.
Albiste gehiago politika
De Andresek EAJri eta PSEri ohartarazi die ez dela bateragarria EH Bilduren "bikotekide izatea" eta poliziari eraso egiten dietenen aurka egotea
EAEko PPren presidenteak "etikoki argiago" jokatzea eskatu die bi alderdiei, "ezinezkoa delako" koalizio abertzalearen "bikotekide izan", eta Ertzaintzari eraso egiten diotenen "aurka" daudela esatea.
PPk onartu du Madrilgo Biltzarraren presidenteorde Ana Millan ez dela Politika Zientzietan lizentziaduna
Noelia Nuñez popularrak, Jose Maria Angel Valentziako sozialistak eta Ignacio Higuero Extremadurako kontseilariak dimisioa eman dute azken asteetan, euren ikasketei buruzko informazio ofiziala faltsua omen da eta.
Maider Etxebarriak EH Bilduri leporatu dio "hautesleen zati bati aurre egin nahi ez izatea" eta GKSri "hauspoa ematea"
Maider Etxebarria Gasteizko alkateak EH Bilduri leporatu dio "hautesleen zati bati aurre egin nahi ez izatea" eta GKS kolektiboari "hauspoa ematea", Ertzaintzari "zilegitasuna kendu" baitio. Alkateak hitzok esan ditu Radio Euskadin egindako elkarrizketa batean, uztailaren 23an izandako istiluei buruz galdetuta.
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.