ETAk hil zuen Ertzaintzako buruzagi baten kasua berrireki dute
Villacisneros Fundazioak eskatuta, Auzitegi Nazionalak berriro ireki du Carlos Diaz Arcocha Ertzaintzako buruzagi ohiaren kasua. 1985eko martxoaren 7an hil zuen ETAk, Gasteizen, kotxe azpian jarritako bonba bat zartarazita.
Fundazioaren arabera, Auzitegi Nazionaleko Santiago Pedraz Instrukzio Auzitegi Zentraleko buruak 18/1985 kasuaren ikerketa berrirekitzea agindu du orain dela 35 urteko hilketagatik.
Magistratuak otsailaren 18an hartu zuen erabakia, hildakoaren alaba, Teresa Diaz Bada, akusazio partikular gisa azaldu ondoren irailean.
Ikerketa ireki ondoren, eginbide berriak egingo dira "Xira" komandoko kideen erantzukizun kriminala zehazteko, baita ETAko Jose Javier Arzicuren Ruiz (Kantauri) eta Soledad Iparraguirre (Anboto) kideena ere.
"35 urte geroago, Auzitegi Nazionalak sumarioa irekitzea lortzeak aurkako sentimenduak pizten ditu. Asebetetzea, batetik, justizia egin dezaten, eta etsipena, bestetik, terrorismoaren biktimek pairatzen duten abandonu instituzionalagatik", adierazi du Fundazioko presidenteak, Iñigo Gomez-Pinedak.
Horren arabera, "orain inoiz baino beharrezkoagoa da izuzko 50 urte hauek espainiarrentzat zer izan diren gogoratzea. Gezurrezko istorio baten eraikuntza erakargarria da askorentzat, eta erantzukizun penalik ez izateak nazionalismoari interesatzen zaion tesia indartzea eragotzi behar dugu, norbait hiltzea gaizki dagoena dioela baina justifikatzen duena".
Kasua berriz irekitzeak sortzen duen asebetetzea "neurri batean lausotuta dago ETAren krimenen % 40 argitu gabe daudela jakiteak sortzen duen etsipenarekin, eta gaurko gizarteak eta politikak ez doaz horiek argitzeko bidean", adierazi du.
Azaldu dutenez, Villacisneros Fundazioak urteak daramatza terrorismoaren biktimei laguntza legala eskaintzen oraindik egile gabe dauden sumarioak berriz ireki daitezen. Diaz Arcocharen kasuarekin, dagoeneko zazpi kasutan azaldu dira akusazio partikular gisa.
Zure interesekoa izan daiteke
EAJk salatu du pintaketak agertu direla Mendaroko batzokian
Pintura beltza baliatuz, besteak beste, "EAJ español. Faxistak kanpora!" idatzi dute pintaketa horietan, baita igitaiaren eta mailuaren irudia egin ere.
Omenaldia egin diete Gerra Zibilean hildako Iruñeko zinegotzi eta udal langileei
Gerra Zibilean fusilatu zituzten Iruñeko udal beharginei omenaldia egin diete gaur haien senitartekoek Nafarroako hiriburuan, eta gertatu zenari buruz kontatutakoa "gezurra" dela esan dute ekitaldian. "Ez da egia gerran denok galdu genuela, irabazleak egon baitziren. Horregatik, egia, justizia eta ordaina aldarrikatzen jarraituko dugu", azpimarratu dute.
Alain Iriart hautatu dute Euskal Hirigune Elkargoko lehendakari
Hiriburuko (Lapurdi) ezker abertzaleko auzapeza bederatzi urtez lehendakari izan den Jean-Rene Etchegarayri gailendu zaio. Bigarren bozketan lortu du Iriartek Lehendakaritza, aurrenekoan ezein hautagaik ez baitu gehiengo osorik lortu. Iriartek alkate izateari utziko diola iragarri du, Elkargoan buru-belarri aritzeko.
Jean-Rene Etchegaray eta Alain Iriart, Euskal Hirigune Elkargoko lehendakari izateko borrokan
Bi hautagaiek bildu dituzte boto gehien lehen bozketan: Etchegarayk 99 eta Iriartek 80. Etxeleku jeltzalea eta Lesellier eskuin muturreko hautagaia ez dira bigarren bozketara aurkeztu, eta lehenengoak iragarri du Iriarten alde egingo duela.
Frantziako Fiskaltzak bete beharrekoa ez den bost urteko zigorra eskatu du Josu Urrutikoetxearentzat
Frantziako estatutik behin betiko kanporatzeko ere eskatu du fiskalak; defentsak, berriz, ez kanporatzeko deia egin du. Auzia epaiaren zain geratu da. Uztailaren 2an emango dute jakitera.
Sanchezek eskatu du EB-Israel akordioa bertan behera uzteko, eta Netanyahuk Espainia kanporatu du Gazarako koordinazio zentrotik
Espainiako Gobernuko presidenteak ohartarazi du Israel nazioarteko zuzenbidea "nabarmen" urratzen ari dela Palestinan eta Libanon. Israelgo lehen ministroak, bestalde, Israelgo Armadako soldaduak difamatzea leporatu dio Espainiari.
Fiskaltzak ETAko buruzagi ohi Marisol Iparragirreri emandako erdi-askatasuneko erregimenaren aurka egin du
Fiskaltzak Espetxe Araudiaren 100.2 artikuluaren aplikazioa berrikusteko eskatu du; txostenak, baina, ez du Eusko Jaurlaritzaren erabakia eten.
Chivitek asteazkenean sinatuko du Hithiumen inbertsioa Nafarroan gauzatzeko akordioa, Pekinen
Horren helburua 400 milioi euroko inbertsioa eta 1.000 lanposturaino beharko dituen bateria enpresa ezartzeko urratsak aurreratzea da.
Fiskaltzak helegitea jarri du Konstituzionalean, Garcia Ortiz fiskal nagusi ohiaren aurkako epaiaren kontra
Ministerio Publikoaren arabera, Garcia Ortizen errugabetasun printzipioa urratu da prozesuan zehar eta ez dago froga nahikorik Alberto Gonzalez Amadorren abokatuak bidalitako mezu elektronikoa Fiskaltzak bidali zuela esateko.
Aitor Estebanek euskal selekzioen ofizialtasuna aldarrikatu du, “nazioarte mailan ikusgarritasuna izateko”
EAJren EBBko presidentea Mendozan izan da, Munduko Pilota Txapelketa antolatu duen hirian. Pilotako euskal selekzioaren ofizialtasuna lortu izanak duen “garrantzia” nabarmendu du bertan.