Delclauxen eta Aldayaren bahiketengatik zigortutako preso bat Iruñera eramango dute
Espetxeetako Idazkaritza Nagusiak Francisco Jose Ramada Estevez ETAko presoa Murtziatik Iruñera eramatea baimendu du astelehen honetan, koronabirusagatik ezarritako osasun-baldintzek ahalbidetuta. Ramada Estevezek Cosme Delclaux abokatuaren eta Jose Maria Aldaya enpresariaren bahiketengatik zigortu zuten, eta "Langraiz bidea"ri heldu zion. Halaber, Iñigo Gutierrez Carrillo eta Maria Lizarraga Merino presoak Valentziatik Madrilera eramatea onartu du. Barne Ministerioaren mendekoa den erakundeak ziurtatu du espetxe-legaltasuna bete dutela hiru preso horiekin.
Francisco Jose Ramada Estevezek 2010ean utzi zuen ETAko presoen gizataldea, "Langraiz bidea"ri helduta. Murtzia I. Espetxe Zentrotik Iruñeko kartzelara eramango dute. 2001eko urtarrilaren 13an sartu zuten kartzelan, eta 26 urte eta hiru hilabeteko zigorra ezarri zioten, atentatuak, bahiketak eta banda armatuarekin kolaboratzea egotzita.
2020ko irailean beteko ditu zigorraren hiru laurdenak. Murtzia I. espetxeko Tratamendu Batzordeak bigarren gradura pasatzea proposatu du, bai eta haren familia-loturatik gertuko zentro batera eramatea.
Iñigo Gutierrez Carrillo Madril VI. Espetxe Zentrora eramango dute, Aranjuezera, Valentziako kartzelatik. ETAko preso hau 2008ko uztailaren 27an espetxeratu zuten, eta 14 urteko zigorra ari da betetzen, banda armatuarekin kolaboratzeagatik eta armak eta munizioa gordetzeagatik. 2019ko urtarrilean bete zituen zigorraren hiru laurdenak, eta, Espainiako Barne Ministerioaren hitzetan, "espetxe-legaltasuna onartu du".
Valentziako Espetxe Zentroko Tratamendu Batzordeak Espetxe Araudiko 100.2 artikuluko lehen gradua ezartzea proposatu du, bai eta Madril VI. kartzelako familien modulura eramatea ere.
Maria Lizarraga Merino ere eramango dute Aranjuezera, Madril VI. espetxera, Valentziatik. 2008ko abenduaren 18an espetxeratu zuten, eta 19 urte eta 13 hilabeteko zigorra ezarri zioten, legez kontra elkartu, dokumentu publikoa faltsutu, lehergailuak izan, armak legez kontra eduki, lapurreta eta ebasketa delituak egotzita.
Kasu honetan, zigorraren hiru laurdenak 2024ko urtarrilean beteko ditu. Valentziako Espetxe Zentroko Tratamendu Batzordeak bigarren gradura aurreratzea proposatu du, eta Madril VI. kartzelako familien modulura eramango dute.
Fernando Grande-Marlaska Barne Ministeriora iritsi zenetik, ETAko 30 bat preso eraman dituzte Euskaditik gertuko kartzeletara, Espainiako Gobernuak baimenduta.
Maiatzaren 11n, esaterako, Espetxeetako Idazkaritza Nagusiak terrorismoagatik zigortutako Alvaro Juan Arri Pascual eta Josune Oña Ispizua presoak lekualdatzea baimendu zuen (30 eta 25 urteko zigorrak dituzte, hurrenez hurren, atentatu delituak egotzita). Jose Ramon Foruria Zubialdea, berriz, hirugarren gradura edo erdi-askatasuneko erregimenera pasatu zuten.
Apirilaren 30ean, koronabirusak eragindako alarma-egoera indarrean zegoela, Espetxeetako Zuzendaritza Nagusiak ETAko beste hiru preso hirugarren gradura pasatzea baimendu zuen: Javier Aguirre Ibañez, Yagoba Codo Callejo eta Fernando Alonso Abad.
Zure interesekoa izan daiteke
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.