Kartzelatu egin dute Itxaso Zaldua ETAko preso ohia
Santiago Pedraz Auzitegi Nazionaleko epaileak kartzelatu egin du Itxaso Zaldua ETAko preso ohia, Manuel Gimenez Abad Aragoiko PPko presidente ohiaren hilketa parte hartu izana egotzita. 2001eko maiatzaren 6an Zaragozan hil zuen ETAk.
Espainiako Poliziak atzo atxilotu zuen Zaldua, Auzitegi Nazionalaren aginduz, hilketa horrekin zerikusia izan dezakeelakoan. Hain zuzen ere, hilketa horretan "gutxienez" kolaboratzaile izan zela ebatzi du Pedraz epaileak.
Ondorio horretara iristeko, Frantziako agintariek Espainiakoen esku utzitako dokumentazioa hartu omen dute oinarri.
Hernaniarrak kartzela-zigorra bete zuen 2005etik 2017ra ETAko kide izateagatik.
EH Bilduk adierazi du gisa horretako atxiloketek ez dutela "tokirik Euskal Herrian". Horixe adierazi du Twitterren Zalduaren atxiloketari erreferentzia eginez, eta gaineratu du "espetxeak husteko garaia" dela, "ez betetzekoa". "Gaurkoa bezalako atxiloketek ez dute tokirik Euskal Herrian", azpimarratu du koalizio independentistak.
Arkaitz Rodriguez Sorturen buruzagiak galdetu du ea "noizko Estatuen aldetik bide politiko eta demokratiko hutsekiko apustua".
Era berean, LABek esan du "iraganeko errezetekin tematuta dauden aurrean, preso eta iheslarien aferari behin betiko konponbidea emateko garaia" dela. Horregatik, Zaldua "lehenbailehen askatzea" eskatu du.
Bestalde, atxiloketaren aurka protesta egiteko, Sare euskal presoen eskubideen aldeko plataformak manifestazioa egin zuen atzo, 19:00etan, Hernaniko Gudarien plazan.
Zure interesekoa izan daiteke
50 urte Franco gabe: horrelakoak izan ziren diktadorearen azken bost asteak
1975eko azaroaren 20an hil zen Francisco Franco, ia lau hamarkadatan Espainian gobernatu zuen diktadorea. Bere bizitzako azken asteetan ageriko egin ziren arazo mediko batzuen ondorioz hil zen. Espainia, gainera, krisi politiko zein sozial sakon baten erdian zegoen.
Francoren heriotzaren ondorengo uneak gogoratu dituzte euskal kulturako aurpegi ezagunek
EITBk hainbat pertsona ezagun elkarrizketatu ditu, une haietako bizipenak nola gogoratzen dituzten jakiteko. Besteak beste, Xabier Amuriza, Mariasun Landa eta Bernardo Atxagarekin izan gara.
EH Bilduk dio faxistei argi eta garbi esango dietela hemen herri duin bat dagoela eta ez direla pasako
“Euskal Herria Askatasun Haizea” leloa izango duen manifestazioa Bilboko Kasilla plazatik abiatuko da datorren larunbatean, 17:30ean. Muturreko eskuinari aurre egiteko bide bakarra kalera irten eta gurea dena defendatzea dela esan du Oskar Matute diputatuak.
Jordi Pujol ospitaleratu dute, pneumoniak jota
Kataluniako presidente ohiak azaroaren 24an du epaiketa, hainbat hamarkadatan zehar ezkutuan pilatutako dirutzagatik.
Bizkaiko PPk "oso zail" ikusten du Aldundiaren aurrekontuak babestea
Amaya Fernandez Bizkaiko PPren presidenteak lurralde historikoaren "gainbehera" kritikatu du, "hamarkada batean 3.000 enpresa galdu direlako", eta egungo aurrekontu proiektuak horretara eraman duten politiketak sakontzen dituela esan du.
Politikariak ere izan dira Euskal Selekzioaren eta Palestinaren arteko partidaren atarian
Ordezkari politikoak ere izan dira Euskal Selekzioaren eta Palestinaren arteko partidaren atarian. Besteak beste, Pello Otxandiano EH Bilduko bozeramailea Eusko Legebiltzarrean, Aitor Esteban EAJren EBBko lehendakaria eta Eneko Andueza PSE-EEko idazkari nagusia izan dira bertan.
Imanol Pradales: "Munduari esaten diogu nazio bat garela eta ofizialtasuna nahi dugula"
Imanol Pradales lehendakaria ere izan da Euskal Selekzioaren eta Palestinaren arteko partidan. Atarian, horren izaera aldarrikatzailea azpimarratu du, elkartasuna adierazi dio Palestinako herriari, eta Euskal Selekzioaren ofizialtasuna lortzeko lanean direla esan du.
Espainiako Gobernuak auzitegietara eramango du Ayuso, kontzientzia eragozleen erregistroarekiko duen jarreragatik
Emakumeek abortatzeko duten eskubidearen aurka "modu erreakzionarioan aritzea" eta Trumpen antzeko portaera izatea leporatu dio Osasun ministroak Madrilgo presidenteari.
De Andres: "Poliziari baliabideak eman behar dizkiogu eta legeak onartu behar ditugu, delituak behin eta berriz egiten dituztenak kanporatzeko"
EAEko PPko presidenteak esan du indarkeriaz egindako lapurreta gehienetan gaizkileak atzerritarrak direla, eta delituak behin eta berriz egiten dituztenak kanporatzearen alde agertu da. Horretarako, popularrek askotan eskatu dute legea aldatzeko, horren arabera.
Euskadin landa-eremuko lana erakargarri egitea eskatu du Anduezak, gazteek alde egin ez dezaten
Landaguneetako enplegua modernizatu behar dela azpimarratu du PSE-EEko idazkari nagusiak Oionen (Arabako Errioxa). Halaber, emakumeek nekazaritza-ustiategietan duten funtsezko papera nabarmendu du. Sektorearen gogortasuna gorabehera, teknologia berriek erakargarri eta errentagarri bihur dezaketela gaineratu du.