Itxaso Zaldua preso ohi hernaniarra atxilotu dute Auzitegi Nazionalaren aginduz
Itxaso Zaldua preso ohi hernaniarra atxilotu du Espainiako Poliziak Auzitegi Nazionalaren aginduz, auzi berri bat ireki baitu bere aurka, Manuel Gimenez Abad PPren Aragoiko buruaren hilketarena hain zuzen ere, Efe albiste-agentziak jakinarazi duenez.
Gimenez Abad 2001eko maiatzaren 6an hil zuten Zaragozan, eta epaileak uste du Zalduak harremanen bat izan dezakeela hilketa harekin. Ondorio horretara iristeko, Frantziako agintariek Espainiakoen esku utzitako dokumentazioa hartu omen dute oinarri.
Bihar eramango dute Santiago Pedraz epailearen aurrera, sekretupean gorde duten auzi baten barruan deklaratzera, Efe albiste-agentziak iturri juridikoak aipatuta jakinarazi duenez.
Hernaniarrak kartzela-zigorra bete zuen 2005etik 2017ra ETAko kide izateagatik.
EH Bilduk adierazi du gaurkoa bezalako atxiloketek ez dutela "tokirik Euskal Herrian".
Horixe adierazi du Twitterren Zalduaren atxiloketari erreferentzia eginez, eta gaineratu du "espetxeak husteko garaia" dela, "ez betetzekoa". "Gaurkoa bezalako atxiloketek ez dute tokirik Euskal Herrian", azpimarratu du koalizio independentistak.
Bestalde, Arkaitz Rodriguez Sorturen buruzagiak galdetu du ea "noizko estatuen aldetik bide politiko eta demokratiko hutsekiko apustua".
Era berean, LABek esan du "iraganeko errezetekin tematuta dauden aurrean, preso eta iheslarien aferari behin betiko konponbidea emateko garaia" dela. Horregatik, Zaldua "lehenbailehen askatzea" eskatu du.
Bestalde, atxiloketaren aurka protesta egiteko, Sare euskal presoen eskubideen aldeko plataformak manifestazioa deitu du gaur, 19:00etan, Hernaniko Gudarien plazan.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.