Gorrotxategi: 'Urkulluk biltzarrera joan beharko luke, eraikitzeko unea baita"
Miren Gorrotxategi Elkarrekin Podemos-IU koalizioaren lehendakarigaiak baieztatu du uztailaren 31n egingo duten presidenteen biltzarrean egon beharko lukeela Iñigo Urkulluk, "eraikitzeko garaia delako, eta ez nork bere zilborrari begiratzeko unea".
Cadena Ser irrati katean egin dioten elkarrizketan, Gorrotxategik uztailaren 12ko hauteskundeetako emaitzak aztertzeko denbora ere hartu du. Elkarrekin Podemosek sei eserleku galdu zituen, orduan.
Ildo horretan, ukatu egin du Pablo Iglesiasen lidergoa ez dagoela bermatuta: "Bozetako emaitzak uste baino okerragoak izan badira ere, ez dute Iglesiasen lidergoarekin zerikusirik".
Gorrotxategiren ustez, "pandemiarekin bizi dugun egoera honetan, oso zaila da mezu politikoak helaraztea", eta "gainera abstentzioak ez die guztiei berdin eragiten, ezkerreko alderdiak izaten baitira kaltetuenak".
Modu horretan, Podemosen proiektua Euskadin "bermatuta" dagoela defendatu du, "nahiz eta barne gatazkak izan".
Era berean, azpimarratu du EAJ eta PSE-EEren arteko akordioa iritsi bitartean, EH Bildurekin batera hiruko gobernua osatzeko aukera dagoela. "PSE-EEk aukeratu beharko du EAJren makulu izanda eskuineko gobernu kontserbadore bat sortu nahi duen ala hirukoaren alde egiten duen", gaineratu du.
Bukatzeko, eta Iñigo Urkulluk uztailaren 31ko biltzarrera ez joateko hartutako erabakiaren harira, Gorrotxategik gogorarazi du lehendakariak, pandemian zehar, bere haserrea erakusteko erabili izan dituela Pedro Sanchezekin izandako bilerak.
"Etengabe Sanchezekin haserre dagoen lehendakaria da. Afera alderdikoiak dira, eta krisi sozial eta ekonomiko bati aurre egin beharrean gauden honetan, kontu horiek ez dira onak", berretsi du.
Zure interesekoa izan daiteke
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.