EH Bildu prest agertu da Estatuko aurrekontuak negoziatzeko
EH Bilduko koordinatzaile nagusi Arnaldo Otegi prest agertu da Estatu espainiarreko 2021eko aurrekontuak negoziatzeko, eta, hala badagokio, horiek adosteko.
Otegik prentsaurrekoa eman du EH Bilduren Mahai Politikoaren bileraren ostean, Mertxe Aizpurua diputatuarekin batera. Azken honek bilera telematikoa izan zuen Pedro Sanchez Espainiako presidentearekin irailaren 3an, eta Carmen Calvo presidenteordearekin bilduko da datorren astean.
Izan ere, Gobernua osatzen duten alderdiekin negoziatzeko eta aurrekontuak aurrera atera ahal izateko akordioak erdiesteko asmoa erakutsi du koalizio abertzaleak. Halere, argi utzi dute negoziazio horietan hiru irizpide jarriko dituztela mahai gainean: lurraldetasunarekin lotutako eztabaida konpontzea, gizarte politikak sustatzea eta espetxe-politikan aldaketak bideratzea.
Otegiren hitzetan, Estatu espainiarrak ezohiko egoera bizi du pandemiaren eraginez, eta horrek ondorio sozial eta ekonomikoak ekarri ditu, "COVID-19ak aspalditik zetorren krisia larriagotu baitu". Ildo horretan, Otegik uste du aurrekontuen negoziazioan ere, pandemiari eta berorren ondorioei aurre egitea dela lehentasuna.
"Jendearen interesak erdigunera eramatearen aldeko apustua egingo dugu, aurrekontuen eztabaidan ere", nabarmendu du.
Nolanahi dela, esan du aurrekontuen negoziazioan "jokoan dagoela" Gobernuaren jarrera zein izango den ezagutzea, alegia, "zentsura mozioa erraztu zuen taldearen barruan" jarraituko duen ala beste "eragile politiko" batzuengana joko duen. "Horrek argituko du zein den Estatu espainiarrak datozen urteetan hartuko duen norabidea", bukatu du.
Zure interesekoa izan daiteke
GKSk milaka gazte mobilizatu ditu Bilbon eta Iruñean, "faxismoaren aurka"
"Faxismoaren eta estatuen autoritarismoaren aurka" lelopean manifestazio jendetsuak egin dira bi hiriburuetan. Dozenaka bandera gorri eraman dituzte bertaratuek eta faxismoaren zein inperialismoaren kontrako oihuak bota dituzte.
EAJk liskarretik at dagoen euskal politika defendatu du, Anduezak Pasaiako Portuari buruz egindako adierazpenen ostean
Datozen hauteskundeen atarian PSE-EE urduri egon daitekeela uste du Joseba Diez Antxustegik, EAJk Eusko Legebiltzarrean duen bozeramaileak, eta azpimarratu du jeltzaleek ez dutela liskar politikotik sustatuko euskal politikan.
EAJk eta EH Bilduk ikuspuntu kontrajarriak dituzte iraungitako txertoen inguruan
Zer gertatu den eta zer egin behar den argitu ostean kaltetuekin hitz egin dutela esan du Joseba Diez Antxustegik, Eusko Legebiltzarreko EAJren bozeramaileak. EH Bilduk horren berri jakitera eman izan ez balu, paziente horiek berriro txertatuko ote lituzketen galdetu du Arkaitz Rodriguez EH Bilduko legebiltzarkideak.
Zaldibar Argitu plataformak auziaren mamia ikertzeko eskatu eta hortik "desbideratzeko ahaleginak" salatu ditu
Arantza Baigorri EH Bilduren Zaldibarko alkate ohia ikerketapean dagoela jakin ostean, oharra atera du herritarren plataformak. Horren ustez, alkate izandakoak edo horren alderdiak azalpenak eman beharko dituzte, baina lehentasuna da luizia eta bi langileren heriotza eragin zuten faktoreak ikertzea.
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".
'Herritu' ekimena aurkeztu die Gure Eskuk gizarte eragileei
Euskal komunitatea sendotzeko beste jauzi bat emateko sortu zen udazkenean 'Herritu' dinamika, eta atxikimendu gehiago eskuratzeko lanean jarraitzen du Gure Eskuk. Gaur Euskal Herriko hainbat gizarte eragileren aurrean egin dute aurkezpena, Bilbon. "Norberaren euskal herritartasuna adierazteko tresna bat da eta euskal komunitatea trinkotzea du helburu", esan du Gure Eskuk.