Urkulluk "euskal autogobernua eguneratzeko" helburua helarazi dio Felipe VI.ari
Iñigo Urkullu lehendakariak Felipe VI.a erregeari gaur arratsaldean adierazi dionez, "orain euskal autogobernua eguneratzeko eta Estatu eredu berri batean aurrera egiteko helburua eta aukera dago".
Erregeak Iñigo Urkullu hartu du astearte honetan Zarzuela Jauregian, eta azken horrek "Euskadin akordio zabal bat eta Estatuarekin itun berri bat egiteko unea" dela helarazi dio. "Euskal Herriaren Eskubide Historikoak sinbolizatzen dituen harreman eredu berezi eta aldebikoaren modernizazioa hitzartzea da kontua, adostutakoa beteko dela bermatuko duen itun eta aldebikotasun sistema ezarriz", adierazi dio lehendakariak, Eusko Jaurlaritzak azaldu duenez.
Lehendakariaren arabera, helburua da "etorkizuneko akordio/itun politiko bat lortzea, Euskadiren errealitate nazionala eta euskal autogobernuaren berezitasuna aitortzeko, Estatuarekin aldebiko harremana izateko eta Euskadi Basque Countryren nazioarteko presentzia eta proiekzioa bultzatzeko".
Aipatu iturrien arabera, erregearekin legealdi berria hasten den unean egiten den bilera "kortesia instituzionalaren" esparruan kokatu behar da, eta "adeitasun" giroan egin da, bi ordu eta erdiz.
Lehendakariak pandemiaren egoeraren berri ere eman dio Felipe VI.ari, eta autogobernuaren eta euskal erakundeen "garrantzia" nabarmendu du egoera horri aurre egiteko orduan.
Horren harira, "ikasitako ikasgaietako" bat elkarlaneko gobernantza indartzeko beharra izan omen da, hau da, erantzukizunak "argiago" definituko dituen eta erakundeen arteko harremanak harmonizatuko dituen eredu bat.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.