Kataluniako gatazka konpontzeko amnistia eta elkarrizketa aldarrikatu ditu Torrak
Quim Torra Kataluniako presidente ohiak babes helegitea aurkeztu du Auzitegi Konstituzionalean, atzo Auzitegi Gorenak berretsi zuen urtebete eta erdiko inhabilitazioa berehala bertan behera uztea eskatuz.
Helegitean Gonzalo Boye Quim Torraren abokatuak kautelazko neurri gisa kondena bertan behera gelditzea galdegin du, kondena betearazteak Torrari eta beste pertsona batzuei eragingo lieken "kalte konponezina" argudiatuta.
Auzitegi Gorenak Quim Torra Kataluniako presidentea gaitasungabetu zuen atzo, Kataluniako Auzitegi Nagusiak desobedientziagatik ezarritako urtebete eta erdiko kartzela zigorra berretsita. Kataluniako auzitegiak 2019ko abenduan zigortu zuen Torra, hauteskunde garaian eraikin publikoetatik lazo horiak kentzeko Espainiako Hauteskunde Batzordeak emandako agindua ez betetzeagatik.
Bestalde, Quim Torrak Lledonerseko espetxean dauden preso independentistak bisitatu ditu goizean eta kartzelatik ateratzean amnistia lege bat onartzeko deia egin die Espainiako Gobernuari eta alderdi politikoei.
"Kataluniako gatazka politikoa amnistiaren eta autodeterminazio eskubidearen bidez konpontzeko dei egiten diot agintean 11 hilabete egin dituen historiako Gobernu progresistenari", adierazi du.
Halaber, oinarrizko eskubideak arriskuan daudela pentsatzen duten alderdi politiko guztiei ere zuzendu zaie, amnistia legearen alde egin dezatela eskatuz. "Oinarrizko eskubideak errespetatzeari dagokionez, Espainia beti da salbuespena", kritikatu du.
Horrela, bada, Kataluniako gatazka politikoari irtenbidea emateko elkarrizketa mahaia behingoz osa dezala galdegin dio.
"Egiten dizkigutenak eginda ere, negoziazio mahai horretan egongo gara, betiere autodeterminazioaz eta amnistiaz hitz egiteko bada. Eta dena idatziz nahi dugu. Argazkiak egiteaz eta ustezko elkarrizketa irudikatzeko soilik balio duten bilerez nazkatu gara", ohartarazi du.
Auzitegi Gorenean bere inhabilitazioaren aurkeztu duten errekurtsoari buruz galdetuta, Torrak onartu du ez duela itxaropen handirik, "Espainiako justizia independentismoaren aurka dagoelako".
Alabaina, "urrats hau ezinbestekoa da Europara heltzeko eta han seguru gaude irabaziko dugula", erantsi du.
Zure interesekoa izan daiteke
Italiatik datozen bidaiarien kontrol aleatorioak egiten jarraitzen dute Bilbon
Larunbat goizean ezarri dituzte kontrolak Bilbon, Malagan, Sevillan, Alacanten, Valentzian, Balearretan eta Kanarietan. Madrilgo eta Bartzelonako aireportuetan, aldiz, ordu batzuk lehenago hasi ziren ausazko kontrolak egiten.
Vivasek Ceutako mugaren kontrola indartzeko eta gutxienez 1.000 agente izateko eskatu du
Polizia Nazionaleko eta Guardia Zibileko indarrak nabarmen handitzeko eta uztailaren 30eko sarrera masiboa berriro ez gertatzeko neurriak hartzeko eskatu dio Ceutako presidenteak Espainiako Gobernuari.
30 urteko kartzela-zigorra eskatu dute ETAko bost buruzagi ohirentzat Gregorio Ordoñez hiltzeagatik
Akusatuek ETAko buruzagitza osatzen zuten, eta 1995eko urtarrilean Donostiako PPko zinegotzia hiltzea erabaki zuten, Fiskaltzaren idazkiaren arabera.
Elkarrekin Donostia afari solidarioen debekua helegite bidez auzitan jartzea aztertzen ari da
Araua neurrigabea dela eta zalantzazko oinarri juridikoak dituela uste du koalizioak. EH Bilduk, berriz, Kaleko Afari Solidarioak plataformako boluntarioen aurkako "jazarpena" salatu eta debekua bertan behera uzteko eskatu du.
Robles, Marlaska, Bolaños eta Albares Kongresuan agertuko dira abuztuaren amaieran, Ceutako migrazio-krisia dela eta
Espainiako Gobernuak lau ministroen ezohiko agerraldiak eskatu ditu, uztailaren 30ean Ceutan hasitako migrazio-krisiaren kudeaketaren berri emateko.
EAE adingabe migratzaileak hartzeko Estatuak ezarritako kupoaren gainetik dago, eta Nafarroa, berriz, azpitik
Arabak, Bizkaiak eta Gipuzkoak 843 adingabe atzerritar artatzen dituzte egun, berez dagokiona baino 65 gehiago. Aldiz, azken datuen arabera, Foru Erkidegoa bere gaitasunaren % 30 inguruan dago.
Ceutako migrazio krisiaren aurretik alertak jaso zituen ala ez galdetu dio epaileak Guardia Zibilari
Iustitia Europak jarritako salaketaren ondorioz abiarazi ditu izapideak Auzitegi Nazionalak, eta bizi direnen eta hildakoen kokapenari buruzko informazioa eskatu du.
Melgosa: "Estatuaren lehen betebeharra da adingabeak familiekin itzultzeko bideak agortzea"
Eusko Jaurlaritzako Berdintasun, Justizia eta Gizarte Eskubideetako sailburuak nabarmendu du ez zaiola "zentzuzkoa iruditzen lehen erantzuna (Espainiako Gobernuarena) adingabe horiek (Ceutan daudenak) beren familietatik urrun, milaka kilometrotara, eramatea".
Grande-Marlaska eta Robles kargugabetzea eskatu du Telladok: "Ceutan gertatu den guztiaren erantzuleak dira"
Miguel Tellado Alderdi Popularraren idazkari nagusiak, Gasteiztik, Fernando Grande-Marlaska Espainiako Gobernuko Barne ministroa eta Margarita Robles Defentsa ministroa kargugabetzea eskatu du, Ceutako migrazio krisiaren aurrean ez dutelako "ezer egin".
Gizon bat atxilotu dute, Bilbon Cake Minuesaren kontrako derrigortze eta gorroto delituak egitea egotzita
Okdiario hedabideko kazetaria Mundialeko finalaren egunean Bilbon egiten ari ziren euskal selekzioaren aldeko manifestazio batean zegoen.