Esako urtegia handitzeko lanen segurtasuna bermatuta dagoela esan du Espainiak
Teresa Ribera Espainiako Gobernuko Trantsizio Ekologikorako ministroak asteazken honetan esan duenez, Esako urtegia (Nafarroa) handitzeko lanak "segurtasun berme handienekin amaitzen ari dira; lanen gaineko kontrola areagotu da, ingurua tresna berrienekin monitorizatu da eta txosten teknikoak alderatu dira".
"Ziur aski, azken 30 urteetako lanik zainduena izango da", esan du ministroak Kongresuan, Gobernuaren kontrolerako saioan, Idoia Sagastizabal EAJko diputatuari erantzunez. Izan ere, "inguruko udalerrien segurtasuna bermatzeko" asmoz, "Esako urtegian jada eraikitako lur-solteen presa berria betetzea gelditzea aurreikusten ote duen" galdetu dio jeltzaleak Trantsizio Ekologikorako ministroari.
"Obra publikoarekin eta, bereziki, presekin zerikusia duten gai guztien inguruko kezka eta jarraipena partekatzen dugu", esan du ministroak. Izan ere, urtegi horren segurtasunarekin lotuta zalantza ugari dituela adierazi du EAJko diputatuak, horren inguruan iritzi kontrajarria duten txosten teknikoak daudela gogora ekarriz.
Ildo horretan, txosten batzuek diote luiziak hutsalak direla eta inguruan gertatzen diren lurrikarek ez dutela inolako eraginik, ezta gero eta ohikoagoak diren muturreko fenomeno meteorologikoek ere; beste batzuek, ordea, "guztiz kontrakoa adierazten dute", EAJko diputatuaren arabera, eta "inguruko udalerrien segurtasuna ez dagoela bermatuta" ohartarazten dute.
Testuinguru horretan, Trantsizio Ekologikorako ministroak azaldu duenez, "ezinezkoa da" iraileko azken mugimendu sismikoak Esako urtegian amaitzen ari diren obrekin zerikusia izatea. Nolanahi ere, horrelako obrek "ahalik eta zuhurtasun handiena" behar dutela gaineratu du, "ez bakarrik diseinuan, baita gauzatu bitartean ere".
Bestalde, Nafarroako Gobernuak ontzat jo du Ribera ministroak asteazken honetan izan duen "jarrera prebentiboa eta zuhurra". Foru Exekutiboaren asteroko bileraren ostean egindako prentsaurrekoan, Javier Remirez bozeramaileak adierazi du ministroak ez duela "handitze lana geldiarazteaz" hitz egin. Bere esanetan, "Nafarroako Gobernuak beti esan duena berretsi du, besteak beste, obraren segurtasuna lehenesten dugula, gure herritarren segurtasuna delako".
Albiste gehiago politika
EAJk jakinarazi du Miguel Telladok PPrekiko harremanari berriro heltzea eskatu diela
PPk Kongresuan duen bozeramaileak eta Maribel Vaquero EAJko homologoak elkarrizketa labur bat izan dute gaur arratsaldean. Jeltzaleak onartu egin du PPren ordezkariarekin hitz egitea kortesia parlamentarioagatik.
Cerdan kartzelan sartzen ikustea “irudi mingarri zein etsigarria” da Espainiako Gobernuarentzat
Ministroen Kontseiluaren osteko prentsaurrekoan, Pilar Alegria bozeramaileak onartu du irudi hori "gertaera erabat lotsagarri eta izugarrien" ondorioa dela. Berretsi du "Gobernuak ustelkeriari aurre egiteko lanean” jarraituko duela, “justiziarekin ahalik eta gardentasun handienarekin kolaboratzen eta beharrezkoak diren azalpen guztiak ematen".
15 arlotako proposamenak biltzen dituen lan-dokumentua aurkeztu dio Podemosek lehendakariari
Imanol Pradales eta Richar Vaquero alderdi morearen koordinatzaile nagusi berria bildu dira. Hainbat gai izan dituzte hizpide, besteak beste, etxebizitza, zerbitzu publikoak, industria-politika, ekologia, fiskalitate progresiboa, immigrazioa, zaintza eta osasuna, hezkuntza publikoa eta ustelkeriaren aurkako borroka.
Eusko Jaurlaritzak "oraingoz" ez du 'Koldo auzi'ko enpresekin lotutako kontraturik atzeman
Santos Cerdan espetxeratu eta biharamunean Maria Ubarretxena Eusko Jaurlaritzaren bozeramaileak egoera politikoa dela eta kezkatuta dagoela adierazi du beste behin, eta ikerketa azken bururaino eramatea eskatu. Halaber, azpimarratu du Espainian gobernu bat dagoen bitartean Eusko Jaurlaritzak gobernu horrekin lanean jarraituko duela.
Yolanda Diazek "lotsagarritzat" jo du Cerdanekin gertatutakoa, eta ustelkeria herrialde arazoa dela esan du
Espainiako Gobernuko bigarren presidenteordeak honako hau eskatu dio Pedro Sanchezi: krisiaren larritasuna ikusita, aferari ezin zaio "epelkeriaz heldu; erregenerazio demokratikorako neurri sendoak hartu behar dira", eta erabateko eta errotiko aldaketa baten beharra azpimarratu du.
EAJ 'Koldo auzia'ri buruzko informazio gehiago izateko zain dago, erabaki bat hartu aurretik
Iñigo Ansola EAren Bizkaiko presidenteak adierazi duenez, Santos Cerdan PSOEko Antolakuntza idazkari ohia kartzelan sartu ostean, EAJ informazio gehiago izateko eta Pedro Sanchezek Kongresuan egitekoa den agerraldiaren zain dago, "egoera aztertzeko eta hurrengo pausuak erabakitzeko".
Sumar PSOErekin bilduko da koalizioa aztertzeko, asteazkenean
Demokrazia biziberritzeko eta Espainiako Gobernuaren agenda soziala bultzatzeko neurriak eskatuko dizkio Sumarrek PSOEri.
PPk Sanchezen bazkideekin bilera erronda egingo du, PSOE babesten jarraitzen duten jakiteko
"Bere bigarrenak espetxean egin du lo, baina Sanchezek jarraitu nahi du. Zentzugabekeria da", ohartarazi du PPren buruak, X sare sozialean zabaldutako mezu batean.
Gamarrak PPren idazkari nagusia izateari utziko dio asteburu honetan; nork ordezkatuko du?
Hala ere, Alberto Nuñez Feijooren hurbileko izaten jarraituko du Gamarrak; izan ere, alderdiaren Justizia arloa zuzenduko du, ziurrenik. Miguel Tellado da Gamarra ordezkatzeko hautagaietako bat, PPk Kongresuan duen bozeramailea bera.
Zergatik uste du epaileak Cerdanek “egozten zaizkion gertakarietan” parte hartu zuela? Atzemandako zantzuak, hemen
Ikerketa egiten ari den Leopoldo Puente epailearen iritzian, sozialisten buruzagi ohia “arduratzen zen eraikuntzako enpresei dirua eskatzeaz”. “Nolabaiteko nagusitasunezko harreman bertikala zeukan Abalosekin eta Garciarekin”, dio ebazpenean, eta uste du haiei ematen ziela jasotako dirua.