Alarma egoera ezartzeko Ministroen Kontseilua deitu du igande honetarako Sanchezek
Pedro Sanchez Espainiako Gobernuko presidenteak ezohiko Ministroen Kontseilua deitu du gaurko, 10:00etan, alarma egoera onartzeko, Iñigo Urkullu EAEko lehendakariak eta Maria Chivite Nafarroako presidenteak eskatu zioten bezela. PPk gobernatzen ez dituen Espainiako beste autonomia erkidegoetako presidenteek ere eskatu diote azken egunotan Sanchezi alarma egoera ezartzea, eta Espainiako presisdentea, ostiralean bertan jada, beharrezkoak neurri guztiak onartzeko prest agertu zen. Ezustekorik ezean gaur aurrera egingo duen dekretuak, 15 egunerako ezarriko du alarma egoera, eta hori kudeatzea erkidegoen esku geratuko da. Hala, tokian tokian erabakiak hartu ahal izateko, aterki juridikoa izango dute.
Sanchez Erroman izan da asteburuan, Vatikanoan Frantzisko aita santuarekin biltzeko. Hala ere, orain dela bi aste Carmen Calvo presidenteordeak deitu zuen alarma egoera Madrilen mugikortasuna murrizteko helburuarekin. Hori ere ezohiko Ministroen Kontseilu batean onartu zuten.
Gobernuak ez du Kongresuaren oniritzia alarma egoera onartzeko, baina bai, ordea, 15 egunetik aurrera luzatzeko. Zentzu horretan, Salvador Illa Osasun ministroak baieztatu du alarma egoeraren iraunkortasuna bermatzeko "babes argiak" bilatzen ari direla, instrumentu juridiko hori arazorik gabe erabili ahal izateko, esaterako, gaueko mugikortasuna Espainiako lurralde osoan edo zati batzuetan murrizteko. Neurri hori zenbait erkidegok hartu dute dagoeneko.
Gobernuko presidenteak ostiralean esan zuenez, "prest" dago beharrezkoak diren neurriak hartzeko, eta arrisku "larrian" dauden autonomia erkidegoei eskatu die berriro alarma egoera eskatzeko pandemiaren kontra borrokatzen jarraitzeko beharrezko ikusten dutenean.
Ostegunean, Gobernuak eta autonomia erkidegoek lau arrisku mailako erantzuna emateko sistema bat onartu zuten; maila bakoitza bere neurriekin. Alerta maila altuenean, hain zuzen, alarma egoera erabiltzeko aukera aintzat hartzen da, "ezohiko" neurriak hartu ahal izateko.
Urkullu izan da Espainiako Gobernuari alarma egoera onartzeko eskatzen lehenengoa. Chivite ere eskaera hori batu zaio. Biek eskatu dute horren kudeaketa autonomia erkidego bakoitzaren esku uzteko.
Gainera, Kataluniak, Kantabriak, Asturiasek, Extremadurak, Errioxak, Gaztela-Mantxak, Valentziak eta Melillak ere eskaera egin dute. Momentuz, PPk gobernatutako erkidegoek ez dute alarma egoera eskatu. Hala ere, Gaztela eta Leonek etxeratze agindua bezalako neurriak hartu ditu, eta Madrilek gaueko bilerak debekatu ditu.
Babes parlamentarioa
Momentuz, Gobernuak Ciudadanosen babesa eskuratu du berriz alarma egoera ezartzeko. Ines Arrimadasek telefonoz deitu dio Sanchezi, "kontrola" eta konfinamendu berri bat saihestuko duten neurri "irmoak" har ditzan eskatuz, eta bere alderdiko hamar diputatuen babesa eskainiz.
Hala ere, Ciudadanos eta EAJren babesarekin ez da nahikoa gehiengo absolutura heltzeko. Beste alderdien botoa ere beharko luke Gobernuak.
Albiste gehiago politika
PPk "autogobernuari buruz" hausnartzea eskatu du, "ondo kudeatu" behar baita, "ongizatea ekarri ekartzen duen arren"
Laura Garridok EAEk dituen eskumenei eta horiek kudeatzeko moduari buruzko "hausnarketa" egiteko eskatu du, "arazoak" ditugulako eskumenak ditugun eremuetan. Legebiltzarreko PPren bozeramailearen ustez, "oso argia" da etxebizitzaren auzian, besteak beste. "40 urte daramatzagu EAJrekin eta PSErekin Jaurlaritzan, eta jarraitu dituzten politikek ez dute etxebizitzaren arazoa konpondu, haien legeek tenkarazi dute merkatua", gaineratu du.
Begoña Gomez herri epaimahai batek epaitzea proposatu du Peinado epaileak, diru publikoa bidegabe erabiltzea egotzita
Datorren larunbatean epaitegira joateko dei egin dio, 18:00etan, aurretiazko agerraldia egin dezan. Espainiako Gobernuak Peinadoren erabakia kritikatu du, "surrealista" dela iritzita, eta epaimahai inpartzial batek "gauzak dagokien tokian" jarriko dituela espero du.
Kongresuak atzera bota du migrazio eskumena Kataluniako Gobernuaren esku uzteko Juntsek eta PSOEk adostutako lege proposamena
Podemosek lege testuaren aurka bozkatu du PPrekin eta Voxekin batera, "arrazista" dela iritzita. Horiei Sumarreko bi diputatu batu zaizkie, boto diziplina hautsita. Miriam Nogueras Juntseko bozeramaileak muturreko eskuina eta muturreko ezkerra kritikatu ditu Kataluniaren aurkakoak direla iritzita.
Albiste izango dira: EAEko aireportuen kudeaketa, Palestinaren aldeko manifestazioa Zinemaldian, eta NBEren Batzar Orokorra
Gaurkoan Orain-en albiste izango direnen laburpena, bi hitzetan.
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".