Konfinamendua saihesteko "diziplina soziala" eta "batasuna" eskatu ditu Sanchezek
Bigarren konfinamendua saihesteko bideak "diziplina soziala" eta "batasuna" direla azpimarratu du Pedro Sanchez Espainiako Gobernuko presidenteak. "Beharrezkoa den edozein neurri" hartzeko prest agertu da, alarma egoerari erreferentzia eginez, "aste eta hilabete oso gogorrak" datozelako.
Adierazpen instituzionala irakurtzeko agerraldia egin du Sanchezek Moncloa jauregian. Alderdien eta erakundeen arteko “batasun handiena” bultzatzen saiatuko dela agindu du buruzagiak, bigarren olatuari aurre egiteko.
“Pandemiaren aurrean batasuna erresistentzia gakoa da”, esan du Espainiako gobernuburuak. Bestalde, osasun krisia hasi zenetik Estatuan hiru milioi pertsona kutsatu direla aitortu du Sanchezek, nahiz eta estatistika ofizialek milioi bateko kopurua eman.
Espainia martxoaren 14an baino hobeto prestaturik dagoela adierazi du Sanchezek. Hala ere, egoera “larria” dela onartu du. “Ausardiarekin, diziplina sozialarekin eta ezinbesteko zein beharrezko batasunarekin” jokatu behar dela nabarmendu du.
Neurririk iragarri gabe, “osasun publikoaren babesa, neurrien ondorio ekonomiko eta sozial txikiak eta Konstituzioak babesten dituen eskubide eta askatasunen bermearen arteko oreka bilatu” behar dela uste du Sanchezek.
“Argiago esanda: positiboak gelditzeko beharrezko neurriak hartu behar ditugu kalte ekonomiko txikiena eraginez eta askatasun pertsonalak ahalik eta gutxien mugatuz. Eta beharrezkoak diren neurri guztiak hartzeko prest gaude”, ohartarazi du alarma egoera ezartzeko aukerari erreferentzia eginez.
Osasun Ministerioak eta erkidegoek ezarritako larrialdi maila ezberdinei dagokionez, lurralde bat maila larrienera heltzen denean, 4. mailara, alegia, salbuespeneko neurriak hartzea beharrezkoa izango da, baita “alerta egoera aktibatzeko aukera” ere, Sanchezek ziurtatu duenez.
Mugikortasuna, bilera sozialak eta familiarrak zein gaueko aisialdia ahalik eta gehien mugatzeko beharra azpimarratu du agintariak, infekzio foku nagusiak direlako: “ez dago beste irtenbiderik. Ez dago beste aukerarik”.
Zure interesekoa izan daiteke
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.
Ordezkaritza politiko zabal batek eta gertukoek Garaikoetxea agurtu dute Iruñeko hiletan
Nafarroako eta EAEko ordezkaritza politiko eta instituzional zabala izan da Carlos Garaikoetxea lehendakariaren hiletan, besteak beste, Maria Chivite eta Imanol Pradales. Garaikoetxea joan den astelehenean hil zen, Iruñean, 87 urte zituela, eta hileta-elizkizuna Xabierko San Frantzisko parrokian izan da.
Erakunde eta ordezkari politikoek, euskal gizartearekin batera, agur esan diote Carlos Garaikoetxeari Ajuria Enean
Carlos Garaikoetxea lehendakariaren hil-kapera 10:00etan zabaldu dute Ajuria Enea jauregian, eta lau orduz egon da irekita. Juan Jose Ibarretxe, Iñigo Urkullu eta Patxi Lopez lehendakariak bezala, Euskal erakunde eta talde politiko guzti-guztietako ordezkariak gerturatu dira Ajuria Enera, Garaikoetxeak egindako ekarpena aitortzera, baita Euskal Herriko hamaika lekutatik iritsitako herritarrak ere.
Lehendakariak eta politikaren ordezkari nagusiak, banan-banan, Garaikoetxearen familiari doluminak ematera sartu dira
Urkulluk, Ibarretxek, Patxi Lopezek, Otegik, Ortuzarrek, Garridok, Anduezak eta Turullek Garaikoetxearen familiari doluminak eman dizkiote, Ajuria Enean.
Carlos Garaikoetxearen hilkutxa Ajuria Enera iritsi da
Lehendakariaren hilotza Gasteizen dago jada. Asteazken goizetik zabalik dago hil-kapera Ajuria Enean.
Garaikoetxearen pasadizo ezezagunenak: 28 egunez Gasteizko kale batek haren izena izan zuen eta telefonoa ziztatu zioten
Artxiboko hainbat datu eta erreportajek agerian uzten dituzte lehendakariaren ibilbidean oso ezagunak ez diren gertaerak. Adibidez, Gasteizko kale batek haren izena izan zuen 28 egunez eta telefono linea ziztatu egin zioten.
Garaikoetxeak jasotako Euskadi eta gaurkoa: langabeziak behera egin du, eta hezkuntzak zein euskarak, hobera; baina gizartea zahartu egin da
Diktaduraren osteko lehen Eusko Jaurlaritzak oso bestelako gizartea kudeatu behar izan zuen. 1981ean, herritarren heren bat Euskaditik kanpo jaioa zen; 18 urtetik gorakoen erdiak ziren. Ume ugari zeuden: 14 urtetik beherakoak biztanleriaren % 24 ziren. Baina langabezia etengabe ari zen hazten.
Zuzenean: Carlos Garaikoetxeari agurra, Ajuria Enean
Euskal gizartearen ordezkaritza zabala bertaratuko da Gasteizera, Ajuria Enea jauregira, Carlos Garaikoetxea lehendakariari azken agurra emateko. Besteak beste, honakoak joango dira: Imanol Pradales lehendakaria, bere aurreko hiru agintariak, Eusko Legebiltzarraren presidentea eta Mahaiko kideak. Politikari eta herritar ugari ere bertaratuko dira.