Juan Carlos I.aren aurkako beste ikerketa bat abiatu du Auzitegi Goreneko Fiskaltzak
Auzitegi Goreneko Fiskaltzak bere gain hartu du Juan Carlos I Espainiako errege emerituari buruz Ustelkeriaren aurkako Fiskaltzak abiarazi duen ikerketa berria.
Eldiario.es agerkari digitalak gaur argitaratu duenez, Juan Carlos I.az gain, Sofia erregina emeritua eta haien beste hainbat senide ere badaude ikerketapean, euren izenean ez dauden kreditu txartelak erabiltzeagatik.
Komunikabide horren arabera, 2016an, 2017an eta 2018an egin zituzten ordainketa txartel horiekin, hau da, Juan Carlos I.ak abdikatu ostean. Horrenbestez, ustezko delituak erregeak bortxaezintasuna galdu eta gero egin ziren eta, ondorioz, posible da Juan Carlos I.a auzipetzea eta epaitzea.
120.000 eurotik gorako gastua egin zutela eta deklaratu gabeko dirua omen denez, delitu fiskala egotzi diezaiekete.
Dolores Delgado Estatuko fiskalburuak astearte honetan agindu dio Ustelkeriaren aurkako Fiskaltzari auzia Auzitegi Goreneko Fiskaltzaren esku utz dezala, "ikerketarekin azkeneraino jarrai dezan".
Espainiako errege emerituari buruz bere gain hartzen duen bigarren auzia da; izan ere, joan den ekainean, Ustelkeriaren aurkako Fiskaltzak beste ikerketa bat jarri zuen abian, legez kanpoko komisioak kobratzea eta dirua paradisu fiskaletan gordetzea egotzita.
Edonola ere, litekeena da auzi hori Juan Carlos I.aren kontrako prozesu judizial penala abiatu gabe artxibatzea.
Bestalde, Fernando Grande-Marlaka Espainiako Gobernuko Barne ministroak gai horri buruz hitz egitea saihestu du eta botereen arteko banaketa eta Fiskaltzaren ikerketa "errespetatzeko" eskatu du.
Halaber, egungo erregea Felipe VI.ena dela gogoratu eta haren lana goraipatu du.
Albiste gehiago politika
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosen hitzetan, Cerdan eta Garciaren “ustelkeria dinamika” Nafarroatik zetorren, eta “erabili” egin dute
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok Ministerioan jarri zuten, eta, ondoren, "presioa" egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak eta uda honetan bertan hasiko da lanean.
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".