Mikel Zabalzaren gertukoek "justizia, aitortza eta erreparazioa" eskatu dute
Mikel Zabalzaren lagun talde batek "justizia, aitortza eta erreparazioa" eta heriotzaren "egian aurrerapausoak emateko" eskatu dute, 35. urteurrenean. Zabalza hilik agertu zen Bidasoa ibaian Guardia Zibilak atxilotu eta 20 egunera, 1985ean.
Mikel Zabalza Herri Ekimeneko kideek eskaera horixe egin dute Donostiako Altza auzoan egindako agerraldi batean. Bertan bizi zen Zabalza, eta "Mikelen txokoa" ekimenaren berri ere eman dute. Izen hori jasoko du hildakoa oroitzen duen eskultura dagoen lekuak, eta beste "artelan" bat ere jarriko dute. Inaugurazioa abenduaren 19an izango da.
Prentsaurreko batean azaldu dutenez, izen horrekin Mikelen eta berekin atxilotu zituzten pertsonen memoria "gorde" nahi dute: Patxi eta Aitor Zabalza, Idoia Aierbe, Manuel Vizcay, eta Ion Arretxe.
Horren harira, gogorarazi dute Donostiako Udalak "konpromisoa" hartu zuela "Mikelen familiari memoria ekimenetan laguntzeko eta horrekin lotutako mozio bat onartu" zuela.
"Udalak horren harira egin dizkiogun eskaerak hainbatetan ukatu dituen arren, azkenean, udal barrutiko aurrekontu parte-hartzaileei esker, 'Mikelen txokoa' egin behar da. 35 urte itxaron behar izan dugu Udalaren eta herri ekimenaren arteko lankidetza lortzeko", gaitzetsi dute.
"Urteak pasatu dira, baina zalantza, gezur eta isiltasun gehiegi dago gertakari hauen inguruan. Horregatik, egian, justizian, aitortzan eta erreparazioan aurrera egiteko garaia da", gaineratu dute.
Horri begira, Mikel Zabalza Herri Ekimenak hainbat jarduera antolatu ditu, tartean "emakumea eta tortura" gaitzat dituen mahai-ingurua, eta Herreratik Bidebietara ibilaldia egingo dute Idoia Aierberen omenez.
Gaurko agerraldian parte hartu dutenek gogorarazi dute "Non dago Mikel?" dokumentala ere "egia eta memoria sustatzeko ezinbesteko tresna" direla.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.