Espainiako "monarkia berritzeko" erreforma bat egin nahi du Sanchezek
Pedro Sanchez Espainiako Gobernuko presidenteak astearte honetan nabarmendu duenez, Felipe VI.a Espainiako erregeak monarkiaren gardentasuna, eredugarritasuna eta kontu-ematea hobetzeko "bide-orri bat" finkatu du. Ildo horretatik, Espainiako Gobernuaren babesa duela ziurtatu du, baina ez du argitu Ministroen Kontseiluak horren inguruko Koroaren Lege bat proposatuko duen ala ez.
Urtearen balantzea egiteko Moncloa Jauregian egindako agerraldian, erakundea "XXI. mendeko Espainiara egokitutako monarkia parlamentario konstituzionalera" egokitzeko Zarzuelak behar besteko urratsak emango dituela ziurtzat jo du Sanchezek.
Bere iritziz, Felipe VI.ak "mezu ausarta" helarazi zuen joan den ostegunean, eta "argi eta garbi adierazi zuen zein norabide hartu nahi duen monarkiak eta Estatuko buruzagitzak". Sanchezek azpimarratu duenez, "gardentasunarekin, eredugarritasunarekin eta kontu-ematearekin lotuta egon behar da" berrikuntza hori.
Hala, Espainiako Gobernuko presidentearen arabera, Felipe VI.a bere erregealdiaren hasieratik jarraitzen ari den bide-orria da hori, eta, ondorioz, "bere erabakia errespetatzen du Espainiako Gobernuak". "Felipe VI.ak Exekutiboaren babesa izango du Estatuko Buruzagitza eskuratu zuenean hasitako berrikuntza lanarekin jarraitzeko", gaineratu du Sanchezek.
Alabaina, Sanchezek ez du xehetasunik eman nahi izan Zarzuelak edo Espainiako Gobernuak ildo horretatik har ditzaketen neurrien inguruan, baina berretsi du Espainiako Errege-etxeak erakundea "berritzeko" asmoarekin jarraituko duela, Felipe VI.ak "ekintzekin erakutsi duen bezala". Testuinguru horretan, "lagundu dezakegun guztian, Espainiako Gobernua Koroaren esanetara egongo da", ziurtatu du Sanchezek.
Bestalde, gai horretan PPren babesa lortzen saiatuko den edo ez ere ez du argitu nahi izan Sanchezek. Deitoratu duenez, azken urtean Espainiako Gobernua kritikatzen aritu dira, baina monarkia berritzeko erreformarako haien babesa izateko prest dagoela esan du.
Zure interesekoa izan daiteke
Hauteskunde eguna dute bihar Aragoin, PP-Vox lehia nola geratuko den ikuskizun
Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, beraz, ultraeskuina beharko du gobernatzeko. Hain zuzen ere, gorakada aurreikusi diete Vox, Chunta Aragonesista (CHA) eta IU-Sumar alderdiei; PSOEk, aldiz, behera egingo du, betiere galdeketen arabera.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo ekaitza
Gaurkoan Orain-en albiste izango direnen laburpena, bi hitzetan.