Francisco Javier Nuñez polizia abusuen biktima aitortu du Espainiako Gobernuak
Fernando Martinez Espainiako Gobernuko Memoria Demokratikoko Estatu idazkariak Ines Nuñez de la Parteri, Francisco Javier Nuñez zenaren alabari, harrera egin zion atzo, Madrilen, Espainiako Gobernuak EAEn duen Ordezkaritzak antolatutako ekitaldi batean. Francisco Javier Nuñez polizia abusuaren biktima 1977an hil zen.
Denis Itxaso Espainiako Gobernuak Euskal Autonomia Erkidegoan duen ordezkariak ere bileran parte hartu zuen. Haren esanetan, Francisco Javier Nuñezen historiak "ikaratu egiten du, hunkitu eta lotsatu".
"Espainiako Poliziaren agente batzuek eragindako kaltea aitortzea aukera bat da biktimen, memoriaren eta bizikidetzaren arloan aurrera egiteko. Horrelako ankerkeriek guztion memoria kritikoa, argia eta zintzoa eskatzen dute. Horrek ezinbestean eskatzen du Francisco Javier Nuñezi egindako kalte bidegabea aitortzea", azaldu zuen.
Francisco Javier Nuñez 1977an hil zen, Espainiako Poliziak jipoia eman eta eta errizino olioa eta koñak litro bana edatera behartu ostean. 1977ko Amnistiaren Aldeko Astearen azken biktima izan zen Bilbon.
Bi polizia agentek bere etxeko atarian jipoitu egin zuten eta egun batzuetara salaketa jartzera joan zenean, berriro ere jipoitu egin zuten. Egun gutxira hil zen ospitalean.
Eusko Jaurlaritzak polizia abusuen biktima izaera aitortu zion, 2012an, Francisco Javier Nuñez matematikako irakasleari.
1977ko Amnistiaren Aldeko Astearen baitan, Francisco Javier Nuñez (38 urte) eta hiru urte eta erdiko Ines alaba manifestazio baten parean igaro ziren. Une batean, bi agentek jipoitu egin zuten bere atariaren inguruan. Bi egunez ohean egon ondoren, gertatutakoa salatzera joan zen epaitegira. Ondoren, erasotzaileei abisua eman zieten, eta horiek furgoneta batean sartzera behartu zuten. Bertan, errizino olioa eta botila bat koñak edatera behartu zuten. Ondorioz, ospitaleratu egin zuten eta egun batzuk geroago hil zen.
Zure interesekoa izan daiteke
27ek Makroeskualde Atlantikoa osatzeko estrategia eskatu diote Europako Batzordeari
Urteko azken goi-bileran bildutako estatuburu eta gobernuburuek 2027ko ekainerako estrategia hori garatzea eskatu dute. Imanol Pradalesek "urtetako lanaren, aliantzen eta lidergoaren emaitza" dela azpimarratu du.
Makroeskualde Atlantikoaren sorrerarako urratsak ematea eskatuko dute 27ek
Lehendakaritzan "baikor" daude baina "zuhurrak" izan nahi dute, "Euskadirentzat garrantzi handia duen" albiste hau baieztatu arte. Izan ere, Europar Batasuneko estatuburuak eta gobernuburuak Bruselan bilduta daude, urteko azken goi-bileran, gai nagusia Ukrainaren finantziazioa dutela. Hala ere, ondorioen zirriborroak beste puntu bat ere jasotzen du: Europako Batzordeari Makroeskualde Atlantikoa sortzea eskatuko diote.
Ernaik kartelez bete du "El Correo" egunkariaren Bilboko egoitzako atea
Sare sozialetan bideo batean hartu dute astelehen gaueko ekintza bere gain.
Onartu dira Nafarroako 2026ko aurrekontuak, bazkideen babesarekin eta UPN, PPN eta Voxen kontrako botoekin
2026rako aurrekontuak 6.471 milioi eurokoak dira, iazkoak baino % 4,8 gehiago, eta Nafarroan inoizko aurrkontu altuenak. Azken asteotan 19,1 milioi euroko balioa duten 368 zuzenketa gehitu zaizkio Gobernuaren proposamenari, guztiak ere Gobernu-bazkideen alderdiek (PSN, Geroa Bai eta Contigo-Zurekin) eta EH Bilduk proposatutakoak.
Gogorak Txomin Letamendi EAJko militantea omendu du
Ondarroan eta Bilbon egingo dituzte omenaldiak, abenduaren 19an eta 22an, haren ohorea eta duintasunaren alde.
Eztabaida sutsua piztu da EH Bildu eta PPren artean ararteko berria aukeratzeko unean
"Jakin ezazue lehenago edo beranduago indar politiko gisa akabatuko zaituztela", ohartarazi dio De Andresek (PP) koalizio subiranistari. Otxandianok aurreratu du "neurri politikoak eta legalak" aztertuko dituztela haren aurka.
Mancisidor ararteko berria, euskaraz: "Guztion arartekoa izan nahi dut"
Mikel Mancisidor legelaria ararteko izendatu du Eusko Legebiltzarrak, EAJren, PSE-EEren eta PPren botoekin. Izendapenaren aurretik, PPk eta EH Bilduk akusazioak bota dizkiete elkarri, eta koalizioak kritikatu du Mancisidorrek ez duela "euskara maila egokia", eta zalantzan jarri du PPk hautagaitza babestu izana.
Melgosak egiturazko plan bat eskatu dio Sanchezi, populismoaren aurrean migrazioaren erronkari heltzeko
Ongizate sailburuak ohartarazi du diskurtso populistak arriskutsuak direla, are gehiago integrazioan oinarritutako estrategia komun, ordenatu bat bultzatzen ez bada.
Osakidetza hobetzeko proposamenei "oztoporik ez" jartzeko eskatu dio Pradalesek Osasun Ministerioari
Imanol Pradales lehendakariak Espainiako Gobernuko Osasun Ministerioari eskatu dio Eusko Jaurlaritza Osakidetzaren egoera hobetzeko egiten ari den proposamenak "entzuteko", eta, "gutxienez, oztoporik ez jartzeko". "Osasun Ministerioari exijitu nahi diot entzun dezala, eta egiten utz dezala", esan du.
Podemos prest dago Sumarrekin, IUrekin eta EH Bilduren aliantzak egiteko, Kongresuan hala erabakitzen badute
Gainera, Richar Vaquero Podemos Euskadiren koordinatzaile nagusiak adierazi duenez, "aurrera egingo dute" Gasteizko aurrekontuarekin, EAJrekin eta PSE-EErekin negoziatzen ari diren bitartean proposamen "interesgarriak" egiten bazaizkie.