Fernandez: Bilakaera 'bereziki negatiboak' murrizketak ekarriko lituzke Aste Santuan
Jonan Fernandez LABIko Batzorde Teknikoaren koordinatzaileak Radio Euskadiko "Boulevard informativo" saioan egindako elkarrizketa batean adierazi duenez, "kezkatuta" daude EAEn azken egunetan izandako kutsatzeen gorakadarekin; izan ere, beheranzko joeraren ostean, eta egun batzutako geldialdiaren ondotik, berriz ere kutsatzeek gora egin dute.
Datuek okerrera egiten jarraitzen badute, Fernandezek ez du zalantzarik Aste Santuari begira: "Bilakaera bereziki negatiboa izango balitz, ez dugu baztertzen neurri gehiago hartzea". Aste Santurako hiru aste falta direnean, ez dela "abenturazalea" izan behar esan du koordinatzaileak eta "ezer baztertu gabe" egoera baloratzen joan behar dela.
"Datuen bilakaera egunez egun aztertzen ari gara", adierazi du Jonan Fernandezek, eta gaineratu du "Europako hainbat herrialdetan goranzko joera hori gertatzen ari da, baita zenbait autonomia erkidegotan ere". Dena dela, esperantza badu indarrean dauden neurri murriztaileekin intzidentzia-tasa jaisteko.
"Erakundeok onartzen dugu saiakuntza-errorea metodoa oinarri hartuta jarduten dugula, eta ez dugu beti asmatzen, ezezaguna den zerbaiti aurre egin behar diogulako". Jonan Fernandezek aitortu duenez, udan "mundu guztiak" uste zuen ekainaren amaieran "pandemia kontrolpean" zegoela, eta horrek nolabaiteko "lasaitzea" eragin zuen. "Behar baino lehenago" egin zen deseskalatzea Fernandezen ustez eta "ikasi dugun akatsa izan zela", esan du.
EAEn eta Nafarroan AstraZenecaren txertaketaren aldi baterako geldialdiaren harira, Fernandezek esan du arazoa "egun gutxi barru" konpontzea espero dutela. "Zuhurtasunaren eta jarduketa-batasunaren irizpideari erreparatzen diogu Europa osoan".
Zure interesekoa izan daiteke
Zupiria: “Istilu horietan bidegabeko biktima bat egon zen”
Zabarte auziaren harira, Bingen Zupiria Segurtasun sailburuak adierazi du auzitegiei dagokiela zer gertatu zen argitzea, eta familiak errekurritzeko eskubide osoa duela. Hala ere, argi du bidegabeko biktima bat egon zela istilu haietan.
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.