AstraZenecaren txertaketa aldi baterako geldiarazi dute EAEn eta Nafarroan
Eusko Jaurlaritzak eta Nafarroako Gobernuak AstraZenecaren txertoarekin egiten ari ziren kanpaina aldi baterako gelditzeko agindua eman dute. Aurrez, premiazko bilera batean, lurraldeen arteko Osasun Batzordean AstraZenecaren txertaketa 15 egunez eteteko erabakia hartu dute.
Hainbat herrialdetan zenbait tronbosi kasu izan dira eta Sendagaien Europako Agentziak eta Osasunaren Munduko Erakundeak txertaketarekin lotuta dauden argitzeko ikerketa bana abiatu dituzte.
Bitartean, Espainia, Frantziak, Alemaniak, Frantziak eta beste hainbat herrialdek AstraZenecarekin egiten ari ziren txertaketak behin-behinean geldiaraztea erabaki dute.
Eusko Jaurlaritzak emandako datuen arabera, Euskal Autonomia Erkidegoak enpresa-farmazeutiko horren 54.800 dosi jaso ditu eta horietatik 50.474 jarri ditu. Denak lehendabiziko dosiak izan dira, bigarrena hiru hilabetera eman behar baita.
Osasun Sailak joan den ostiralean jakinarazi zuenez, Araban, Bizkaian eta Gipuzkoan ez da kasu larririk izan eta txerto hori hartu dutenen % 1ak soilik izan ditu bigarren mailako ondorio arinak.
AstraZenecaren txertoa 55 urtetik beherakoei zuzenduta dago. Lehen lerroan aritzen ez diren ospitaleetako lehen arretako langileei eta eguneko zentro sozio-sanitarioetako beharginei jarri zieten lehendabiziko txandan.
Ondoren, beste hainbat kolektibotako kideei jartzen aritu dira: ertzainei, udaltzainei, irakasleei, farmazeutikoei, migratzaileentzako zentroetako langileei edo fisioterapeutei, besteak beste.
Osakidetzaren egutegiaren arabera, hurrengo txandan garraio publikoko langileei, supermerkatuetako beharginei, presoei edota etxez etxe ibiltzen diren gizarte-langileei jarri behar zieten.
Nafarroan ere aldi baterako eten dute AstraZenecarekin egiten ari ziren txertaketa kanpaina. Orain arte 17.251 dosi jarri dituzte eta inork ez du tronbosirik izan, ezta bestelako ondorio larririk ere.
Nafarroako Gobernuak enpresa-farmazeutiko horren dosi guztiak atxiki ditu eta aste honetan txertoa eman behar zieten lagunei -700 bat pertsona- hitzordua bertan behera geratu dela jakinarazten hasi dira gaur arratsaldean.
Joan den otsailaren 8tik hona, 23.600 dosi iritsi dira Nafarroara eta 17.251 jarri dituzte (% 73). Astelehen honetan beste 3.200 heldu dira.
Koronabirusaren aurkako borrokan lehen lerroan aritzen ez diren osasun esparruko beste langile batzuk immunizatzeko erabili dute AstraZenecaren txertoa, hala nola fisioterapeutak, podologoak edo haginlariak.
Halaber, funtsezkoak diren beste kolektibo batzuetako langileei ere jarri diete AstraZenecaren txertoa: irakasleak eta foruzainak, besteak beste.
Zure interesekoa izan daiteke
Iruñeko Udalak sexu-eraso bat gaitzesteko elkarretaratzea egin du
Erasoa ekainaren 5ean izan zen, ostegun goizaldean, Taconera parkean. Bertan, bi gizonek gizon gazte bati eraso egin zioten, eta sexu-abusuak egin zizkioten. Gizonetako bat espetxean dago, eta Polizia bigarrena identifikatzen saiatzen ari da.
Onik aurkitu dute Bilbon desagertutako 13 urteko neskatoa
Familiak salaketa bat aurkeztu zuen neskatoaren desagerpenagatik igandean, eta asteartean topatu dute.
Urriaren 7a jaieguna izango da 2027an, lehen Eusko Jaurlaritzaren 90. urteurrenaren omenez
Urteurrena oroitzeko 40 ekimen baino gehiagoko agenda antolatu du Jaurlaritzak eta, besteak beste, solasaldiak, erakusketak, kultur eta kirol ekitaldiak egingo dira urte osoan zehar. Horien bidez, Agirre lehendakariaren eta bere lantaldearen ondarea gogoraraziko da eta Gobernu haren sorreraren oinarri izan ziren demokrazia, askatasuna eta justizia sozialaren balioak etorkizunerantz proiektatuko dira.
Barrualde-Galdakaoko eta Gurutzetako Osakidetzako emaginek 9 eguneko greba deitu dute profesional falta salatzeko
SATSE sindikatuak ekainaren 17tik uztailaren 2ra bitarteko mobilizazioen egutegiaren berri eman du. Sindikatuaren arabera, arazoa "profesionalen kontratazio eta planifikazio falta" da. Ez da baztertzen beste ESI batzuek deialdiarekin bat egitea.
ETSk Bilboko Aste Nagusian joko du
Talde arabarra Europa parkeko oholtzara igoko da datorren abuztuaren 26an.
Euskal gazteen % 57k deskonexio digitalerako eskubidea aldarrikatzen dute
Nerabeei eta ongizate digitalari buruz Unicefek kaleratutako txosten batek ondorioztatu duenez, Euskadiko adingabe eta gazteen erdiak baino gehiago gogaituta daude hiperkonexioarekin. Azterlanaren datuek erakusten dute pantailak itzaltzeko beharra gero eta handiagoa dela, eta mugikorrei lotutako arrisku-jokabideak (sextinga, bikote-indarkeria digitala...) nabarmen gutxitu direla.
2026ko lehen hiruhilabetean Donostiako alokairuko etxebizitzen % 40 24 orduan baino gutxiagoan alokatu ziren
Astearte honetan argitaratutako ikerketa baten arabera, EAEko hiriburuak "alokairu espresa" gehien jasaten dutenen artean daude: Gasteizko tasa % 24koa da, eta Bilbokoa, % 23koa.
Emakume bat atxilotu dute, Artaxoan 41 edukiontzi eta ibilgailu bat erretzea leporatuta
2023 eta 2026 urteen artean 15 sute eragitea leporatzen diote. 17.000 eurotik gorako kalteak eragin zituzten suteek.
EAEko neskek mutilek baino ia bi aldiz arrisku handiagoa dute ondoeza pairatzeko eta beren buruaz beste egiteko
Neskek adierazle okerragoak dituzte antsietateari eta depresioari dagokienez (% 17,5; mutilek, % 9,8), baita suizidio-arriskuari dagokionez ere (% 7,8; mutilek, % 4,1), astearte honetan Bilbon Unicefek aurkeztu duen Haurrak, nerabeak eta ongizate digitala txostenaren arabera.
Tudelanoren presidente ohia atxilotu dute, kirol-ustelkeria sare bat osatzea leporatuta
Halaber, sei pertsona atxilotu ditu Espainiako Polizia Nazionalak, Europol eta Interpolekin elkarlanean Nafarroan egindako operazioan.