"Beste baloreetan eta parametro politikoetan eraikitako herria" nahi du Otegik
Arnaldo Otegi EH Bilduko koordinatzaile nagusiak esan duenez, "beste baloreetan eta parametro politikoetan eraikitako herria behar dugu", eta koalizio independentista da "aniztasunetik herri honi eskaintzen zaion helduleku bat herri hau beste loki batera eramateko". Otegik "berdinen euskal errepublika" eraikitzeko apustua azpimarratu du, herritarrek erabakiak hartzeko gaitasuna duten gobernantza eredu berri batean.
Otegik Gasteizen koalizioaren 10. urteurrenari buruzko erakusketa baten inaugurazioan parte hartu du. Bere hitzaldian EH Bilduren sorrera gogorarazi du, Sorturen, Earen, Alternatibaren eta desagertutako Aralarren arteko akordio bezala. Inoiz elkarrekin egon ez ziren aukera politikoen arteko elkargune bat izan zen, "etorkizunari begira" gehitzen jakin zutenak.
"EH Bilduk dohain bat izan zuen sortu zenean: gehitzeko eta biderkatzeko geundela ulertzea. Hori zen gure bokazioa", esan du Otegik.
Koordinatzaile nagusiak esan duenez, EH Bilduren printzipioak dira aniztasuna, berdintasuna, elkartasuna, eskuzabaltasuna eta justizia soziala. Gainera, koalizioak "soberania eraiki bahi duen herri baten askatasun nazionala" defendatzen du, eta beste gobernantza eredu baten alde dago, herritarrek erabakiak hartzen duten ereduaren alde, hain zuzen.
Zentzu horretan, Durangon (Bizkaia) egin berri den herri galdeketa aipatu du, trenbidearen lursaileko proiektu urbanistikoaren inguruan. Esan duenez, hori dira koalizio abertzalearen "aktibitate politikoaren santu-zeinuak".
"Hemen ez da erabakitzen bulego ezkutuetan, ezta luxuzko jatetxeetan, ezta otordu pribatuetan ere; hemen jendeak erabakitzne du, eta hori da EH Bilduk herri honen politikari ematen diona", esan du.
Udaberrian koalizioak egingo duen bigarren batzarrari begira, Otegik "erantzukizuna" eskatu du. Esan duenez, gauzak asko aldatuko dira, eta ez onerako, hurrengo hamarkadan, autoritarismoa hazten ari den testuinguruan.
Horregatik, bere ustez independentismoak modu "zintzoan" esan behar die herritarrei esparru guztietan defendatzen duten eredua zein den, nola "euskal errepublika jantzi" nahi duten eta nola defendatzen duten proposamen "sinesgarriekin".
"Hori da hurrengo batzarrean dugun erronka handia. Hamar urte ez da ezer, hurrengo hamarretarako prestatzen ari gara, eta hurrengo hamar horietan berdinen euskal errepublika batera eraman nahi dugu herria", laburbildu du.
Zure interesekoa izan daiteke
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.