Matutek babesa adierazi die Tubacexeko langileei: "Borroka honetan ondoan gaituzue"
EH Bilduko diputatu Oskar Matutek Tubacexeko langileen aldarrikapenen alde egin du. Grebalariei esan dienez, "patronalaren interesen aurrean, etorkizuna eta duintasuna aldarrikatzen ari zarete", eta modu horretan Euskal Herriko langile guztientzat "erreferentea" direla esan du. Lan erregulazioko espedienteak kaltetutako langileei EH Bilduren "indarra, determinazioa eta bultzada" eskaini die "berriz onartutak izan daitezen".
"Eskualde honetan erakusten ari zareten duintasuna sugarra izan behar da Euskal Herriarentzat, ez baita izango mozkinak pertsonen bizitzen duintasunaren aurretik jartzen dituen lehenengo enpresa, ezta azkena ere", ohartarazi du.
Laudion (Araban) egindako adierazpenetan, EH Bilduren 10. urteurrenaren harira egindako erakusketa ibiltarian, Matutek Aiaran sufritzen ari diren enplegu krisia izan du hizpide. Valvospain enpresa itxi dute eta Tubacexen lan erregulazioko espedientea onartu dute, Laudion eta Murrion 129 langile kaleratuta.
Matutek nabarmendu duenez, azken egunetan Aiarako herrietan "beldurra eta kezka" dira nagusi Tubacexekin gertatzen ari denarekin, baina uste du enpresa horretako langileen aldarrikapenak "erreferente bat izaten ari dira Euskal Herriko langile guztientzat".
"Zuen borrokarekin erakusten ari zarete ez zaudela amore emateko prest, orainaldi hau baino grisagoa den etorkizun bat izateko prest, ez duzuelako onartzen zuen seme-alabek zuek bano bizitza okerragoa izatea, eta ez zaudetelako isiltzeko prest zuen bizitzek enpresarien mozkinek baino gutxiago balio dutela ikusten duzuenean", esan du.
"Enpresariek dirutza irabazi dezakete erruz, erruz dirua irabazten jarraitzeko erakunde publikoen laguntza izan dezakete, eta langileak kaleratzea erabakitzen dutenean beren mozkinak ez murrizteko, berriz botere publikoen laguntza dute langileak kolpez zapaltzeko", kritikatu du.
Tubacexeko langileei eta eskualdeko herritarrei esan die EH Bilduren "indarra, determinazioa eta bultzada" dutela "berriz onartuak izan daitezen eta norbaitek behingoz esateko, nola bizi behar garen erabaki duten horiei, gure bizitzak gureak direla eta geuk erabakiko dugula nola bizi nahi ditugun: kalitatezko lan duinarekin".
"Gure eskuan dagoen guztia egingo dugu zuek bakarrik eta abandonatuta ez sentitzeko, eta zure lanpostura itzultzeko, inork ez dizuelako ezer oparitzen, daukazuen guztia zuena baita", esan du.
Matutek nabarmendu duenez, EH Bildu "ez zuten gutxi batzuek pentsatu boterea lortzeko; jendearen, batez ere langile klasearen kezketatik, desiretatik, ametsetatik eta interesetatik jaiotzen bada soilik du zentzua".
"EH Bildu ez zen jaio Euskal Herriko alderdi politikoen konstelazioan sigla bat gehiago izateko; ez zen jaio soilik hauteskunde emaitza onak izaten saiatzeko; baizik eta langileen erreminta izateko, Euskal Herri librea eraikitzeko eta, batez ere, guztiontzako duina eta bizigarria den gizarte bat eraikitzeko", esan du.
Zure interesekoa izan daiteke
GKSk milaka gazte mobilizatu ditu Bilbon eta Iruñean, "faxismoaren aurka"
"Faxismoaren eta estatuen autoritarismoaren aurka" lelopean manifestazio jendetsuak egin dira bi hiriburuetan. Dozenaka bandera gorri eraman dituzte bertaratuek eta faxismoaren zein inperialismoaren kontrako oihuak bota dituzte.
EAJk liskarretik at dagoen euskal politika defendatu du, Anduezak Pasaiako Portuari buruz egindako adierazpenen ostean
Datozen hauteskundeen atarian PSE-EE urduri egon daitekeela uste du Joseba Diez Antxustegik, EAJk Eusko Legebiltzarrean duen bozeramaileak, eta azpimarratu du jeltzaleek ez dutela liskar politikotik sustatuko euskal politikan.
EAJk eta EH Bilduk ikuspuntu kontrajarriak dituzte iraungitako txertoen inguruan
Zer gertatu den eta zer egin behar den argitu ostean kaltetuekin hitz egin dutela esan du Joseba Diez Antxustegik, Eusko Legebiltzarreko EAJren bozeramaileak. EH Bilduk horren berri jakitera eman izan ez balu, paziente horiek berriro txertatuko ote lituzketen galdetu du Arkaitz Rodriguez EH Bilduko legebiltzarkideak.
Zaldibar Argitu plataformak auziaren mamia ikertzeko eskatu eta hortik "desbideratzeko ahaleginak" salatu ditu
Arantza Baigorri EH Bilduren Zaldibarko alkate ohia ikerketapean dagoela jakin ostean, oharra atera du herritarren plataformak. Horren ustez, alkate izandakoak edo horren alderdiak azalpenak eman beharko dituzte, baina lehentasuna da luizia eta bi langileren heriotza eragin zuten faktoreak ikertzea.
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".
'Herritu' ekimena aurkeztu die Gure Eskuk gizarte eragileei
Euskal komunitatea sendotzeko beste jauzi bat emateko sortu zen udazkenean 'Herritu' dinamika, eta atxikimendu gehiago eskuratzeko lanean jarraitzen du Gure Eskuk. Gaur Euskal Herriko hainbat gizarte eragileren aurrean egin dute aurkezpena, Bilbon. "Norberaren euskal herritartasuna adierazteko tresna bat da eta euskal komunitatea trinkotzea du helburu", esan du Gure Eskuk.