Aurreikusitako txertaketa egutegia beteko dela hitzeman du Sanchezek
Koronabirusaren aurkako txertoen inguruko gorabeherak gorabehera, aurreikusitako txertaketa egutegia eta Europar Batasunarekin batera jarritako helburuak beteko direla ziurtatu du Pedro Sanchez Espainiako Gobernuko presidenteak.
Diputatuen Kongresuko osoko bilkuran, ez du hitz erdirik esan Johnson & Johnson ekoizleak Janssen txertoaren banaketa Europan atzeratu izanaz. Gaur Janssen etxeko 300.000 txerto heltzekoak ziren estatu espainiarrera, baina bidalketa hori bertan behera gelditu da momentuz. Dena dela, txertaketa denborak beteko direla defendatu du Sanchezek.
Espainiak "apirila eta ekaina bitartean 38 milioi dosi" jasoko dituela esan du Sanchezek, aurreko hiruhilekoan baino 3,5 milioi dosi gehiago.
Sanchezen esanetan, ordea, txertaketa-estrategia ez da prozedura itxi bat, "bizia" baizik, eta, adibide gisa jarri du AstraZenecaren txertoaren inguruan izandako aldaketak. Gaur-gaurkoz, AstraZeneca txertoa 60 eta 69 urte bitarteko pertsonei jartzen ari zaie.
Eszenatoki aldakorrek hori dutela esanez justifikatu du bidalketetan edo irizpideetan izandako aldaketak. Gobernuburuak azpimarratu duenez, Gobernuaren helburua "berme eta segurtasun osoz" txertoa jartzea da.
Europako Batzordeak lau txerto erabiltzeko baimena eman du oraingoz, eta Sendagaien Europako Agentzia beste hiru aztertzen ari da, tartean Sputnik txerto errusiarra.
"Historiako mundu mailako txertaketa-kanpainarik handienaren aurrean gaude", adierazi du presidenteak. Txertaketa erritmoa goraka doala eta 2021a "txertoaren urtea" izango dela gehitu du, Espainiak 182 milioi dosi jasoko dituelako.
Joan den apirilaren 6an, Sanchezek ziurtatu zuen bere aurreikuspenen arabera, txertaketa erritmoa handituz joango dela, eta abuztuaren amaieran biztanleriaren % 70 immunizatuta egongo dela.
Hala ere, "adi" egoteari ez uztea eskatu du, kutsatzeak gora egiten ari direlako. "Birusak hor jarraitzen du", gogorarazi du Sanchezek, eta "tunelaren amaieran" ez lasaitzeko galdegien die herritarrei.
Albiste gehiago politika
Pentsioei buruzko eztabaidari "bizkarra ez emateko" eskatu die EH Bilduk EAJri eta PSEri
EH Bilduk pentsioen inguruko eztabaidari bide emateko eskatu die EAJri eta PSEri. Akats larritzat eta kezkagarritzat jo dute 145.000tik gora lagunek egindako eskaerari bizkarra ematea.
PPk "autogobernuari buruz" hausnartzea eskatu du, "ondo kudeatu" behar baita, "ongizatea ekarri ekartzen duen arren"
Laura Garridok EAEk dituen eskumenei eta horiek kudeatzeko moduari buruzko "hausnarketa" egiteko eskatu du, "arazoak" ditugulako eskumenak ditugun eremuetan. Legebiltzarreko PPren bozeramailearen ustez, "oso argia" da etxebizitzaren auzian, besteak beste. "40 urte daramatzagu EAJrekin eta PSErekin Jaurlaritzan, eta jarraitu dituzten politikek ez dute etxebizitzaren arazoa konpondu, haien legeek tenkarazi dute merkatua", gaineratu du.
Begoña Gomez herri epaimahai batek epaitzea proposatu du Peinado epaileak, diru publikoa bidegabe erabiltzea egotzita
Datorren larunbatean epaitegira joateko dei egin dio, 18:00etan, aurretiazko agerraldia egin dezan. Espainiako Gobernuak Peinadoren erabakia kritikatu du, "surrealista" dela iritzita, eta epaimahai inpartzial batek "gauzak dagokien tokian" jarriko dituela espero du.
Kongresuak atzera bota du migrazio eskumena Kataluniako Gobernuaren esku uzteko Juntsek eta PSOEk adostutako lege proposamena
Podemosek lege testuaren aurka bozkatu du PPrekin eta Voxekin batera, "arrazista" dela iritzita. Horiei Sumarreko bi diputatu batu zaizkie, boto diziplina hautsita. Miriam Nogueras Juntseko bozeramaileak muturreko eskuina eta muturreko ezkerra kritikatu ditu Kataluniaren aurkakoak direla iritzita.
Albiste izango dira: EAEko aireportuen kudeaketa, Palestinaren aldeko manifestazioa Zinemaldian, eta NBEren Batzar Orokorra
Gaurkoan Orain-en albiste izango direnen laburpena, bi hitzetan.
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.