Janssenen banaketa atzeratu dute Europan, AEBk txertaketa eten ostean
Johnson and Johnson farmazia enpresak iragarri du atzeratu egingu duela covid-19aren aurka atera duen Janssen txertoaren banaketa Europa mailan, AEBk odolbildu kasu "arraro eta larriak" agertu ostean txertaketa eten duelako.
"Kasu horiek Europako osasun agintariekin aztertzen aritu gara. Gure txertoaren banaketa Europan atzeratzea erabaki dugu", adierazi du enpresak ohar batean.
AEBko Gaixotasunen Kontrolerako eta Prebentziorako eta Drogen eta Elikagaien erakundeek Johnson & Johnsonen sendagaiaren erabilera bertan behera uztea aholkatu dute gaur odolbildu mota "arraro eta larrien" sei kasu atzeman ostean.
Emakume bat hil egin da eta beste bat larri dago kaltetutako sei kasuen artean.
Hala eta guztiz ere, Europako Sendagaien Agentziak azpimarratu du oraindik "ikertzen" ari direla odolbildu kasuak, eta "uneotan" ez dagoela "argi kausa harremanik ba ote dagoen" txertoaren eta gaitzen artean.
Bestalde, Pedro Sanchez Espainiako Gobernuko presidenteak jakinarazi du AEBko Elikagaien eta Sendagaien Erakundearen (FDA) erabakiaren zain daudela.
Carolina Darias Espainiako Osasun ministroak aurreko astean esan zuen Janssenen 300.000 dosi iritsi behar zirela asteazkenean Espainiako Estatuan. Gainera, EAEk dosi bakarrarekin immunizatzen duen sendagaiaren 6.850 ale jaso behar zituen bihar.
Baina, gaur arratsaldean, Ministerioak erkidegoei jakinarazi die jada jakina zena, hau da, bihar ez zaiela sendagai horren dosirik iritsiko. Hala, Eusko Jaurlaritzaren Osasun Sailak ohar bat bidali du baieztatzeko jaso duela Ministerioaren abisua.
AEBk txertaketa eten du
AEBko Gobernuak Johnson & Jonshonek covid-19aren aurka garatu duen txertoaren banaketa bertan behera uztea aholkatu du gaur, sei emakumetan burmuineko odolbilduak atzeman ostean.
Sendagai horren txertaketa, dosi bakarrekoa, eten egin dute herrialdearen hainbat puntutan, osasun agintariek "badaezpadako neurri gisa" eta kasuak aztertzen dituzten bitartean hala aholkatuta.
18 eta 48 urte arteko sei emakume dira albo kalteen biktimak, eta txertoa jaso eta astebete edo hiru astera azaldu zitzaizkien odolbilduak.
Johnson & Johnsonen txertoaren banaketarako baimenean ez dira agertzen aipatu albo kalteak, hedabide estatubatuarren arabera.
"Uneotan badirudi kasu horiek oso arraroak direla", azpimarratu du Peter Marks medikuak, FDA erakundearen arduradunak, prentsaurreko batean. Erakunde hori da, hain zuzen ere, covid-19aren aurkako txertoak baimentzen dituena.
Hala eta guztiz ere, Marksek aitortu du badirela albo kalte batzuk, AstraZenecaren antzekoak, baina oraindik ez dakitela zehazki zerk eragindakoak diren.
Bestalde, Anne Schuchat Gaixotasunen Kontrolerako eta Prebentziorako Zentroen (CDC) azpizuzendari nagusiak sintomekin adi egoteko eskatu die azken asteotan txertoa jaso duten herritarrei, eta joan daitezela medikuarenera buruko, hankako edo abdominaletako min handia edo arnasteko arazoak izanez gero.
BIDEOA: Janssenen txertoak ez dira bihar iritsiko EAEra
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.