Alarma egoera amaituta, Gorenak izango du murrizketen inguruko azken hitza
Espainiako Gobernuko Ministroen Kontseiluak errege dekretu bat onartu du gaur alarma egoera amaituta sor daitekeen ziurgabetasun juridikoari bide emateko. Hala, maiatzaren 10etik aurrera, erkidegoetako gobernuek Auzitegi Gorenera jo ahalko dute, tokiko auzitegiek pandemiaren aurkako murrizketaren bat bertan behera utziz gero. Horrenbestez, Gorenak edukiko du neurrien inguruko azken hitza.
Carmen Calvo Espainiako Gobernuko lehen presidenteordeak prentsaurrekoan azaldu duenez, dekretu horri esker, Gorenean kasazio errekurtsoa aurkeztu ahalko dute erkidegoetako gobernuek euren lurraldeetako epaitegiek (EAEren kasuan, Euskadiko Auzitegi Nagusiak eta Nafarroaren kasuan, Nafarroako Auzitegi Nagusiak) koronabirusari aurre egiteko neurriren bat baliogabetuz gero.
Izan ere, behin alarma egoera bukatuta, oinarrizko eskubideak mugatzen dituzten murrizketa guztiek (dela mugikortasuna, dela etxeratze agindua edo herritarren bilkuren mugak) auzitegien babesa beharko dute.
Calvoren hitzetan, Gorenera jotzeko aukera "lasaitasun eta aterki juridikoa da" maiatzaren 9az haragoko egoerarekin arduraduta zeuden erkidegoentzat.
Halaber, dekretu berarekin alarma egoeraren baitan hartutako beste neurri sozial batzuk hiru hilabetez luzatuko dituzte, hala nola, alokairuaren luzamendua eta talde zaurgarrienen etxegabetzeak bertan behera uztea. Neurriok hiru hilabetez, alegia, abuztuaren 9ra arte, egongo dira indarrean.
Jaurlaritza, "zuhur"
Calvoren agerraldia hasi baino minutu batzuk lehenago auziaz galdetu diote Bingen Zupiria Eusko Jaurlaritzako bozeramaileari gobernu bileraren ondotik eskaini ohi duen prentsaurrekoan.
Aitortu duenez, Jaurlaritzak ez du onartutako "dokumentua ezagutzen, eta edukia ezagutu barik ezin du baloraziorik egin". Hori horrela, "zuhur" azaldu da maiatzaren 10etik aurrera Gorenera jotzeko duten aukeraz.
Gogora ekarri behar da Eusko Jaurlaritza alarma egoeraren amaieraren ondotik, neurri prebentiboak egokitzeko dekretua prestatzen ari dela. Ostiralean da onartzekoa, eta Zupiriak nabarmen duenez, "mugikortasunarekin, gaueko ordutegiekin eta pertsonen bilkuren inguruko neurriak" jasotzea du helburu, betiere "Gernikako Estatutuak aitortutako eskuduntzen baitan".
Galdetu dioten arren, Jaurlaritzaren bozeramaileak ez du lehendakariaren dekretu horren inguruko xehetasunik eman nahi izan. "Ostiralera arte itxaron beharko duzue edukia ezagutzeko", erantsi du.
"Egoera hau kudeatzeko garai zailak izango dira datozen hilabeteak, baina denon lankidetzarekin, pausoz pauso, ahalik eta hobeto egiten saiatuko gara", azpimarratu du.
Zure interesekoa izan daiteke
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.