Konstituzionalak oniritzia eman dio poliziaren biktimen Nafarroako legeari
Auzitegi Konstituzionalak oniritzia eman dio eskuin muturraren edo funtzionario publikoen biktimen lege nafarrari; hau da, ez du onartu Voxek eta PPk sartutako helegitea.
Nafarroako Parlamentuak gaur jaso du ebazpena, eta Ana Ollo Herritarren Harremanetarako kontseilaria "oso gustura" agertu da, edukia sakonean aztertu ez badu ere.
Aurreko legegintzaldian onartu zuen legea Foru Parlamentuak (Geroa Baik, EH Bilduk, Podemosek eta Ezkerrak alde bozkatu zuten; PSN abstenitu egin zen, eta UPN eta PP kontra agertu ziren), baina PPk eta Voxek helegitea jarri zuten, alde batetik, eta Ciudadanosek, bestetik. Azken horren kasuan, oraindik ez dute ebazpena jaso, baina Gobernuak uste du "antzekoa" izango dela, helegiteak ere "antzekoak" zirelako.
Ollok aurreratu du Auzitegi Konstituzionalaren ebazpenarekin "biktimen egiarako, justiziarako eta konponketarako eskubideetan aurrerapausoa" emateko aukera izango dutela.
Horixe adierazi du eskuin muturraren eta poliziaren biktimei buruz, Nafarroan lehendik ere bazeudelako terrorismoaren biktimen legea eta Memoria Historikoarena.
Orain, kontseilariaren arabera, "balioa eman behar diogu biktima guztiekiko konpromiso etikoari, zein indarkeria den gorabehera, bakoitza bere testuinguruan jarrita eta parekatu gabe".
Legea indarrean jartzen denean hartuko den lehenengo neurrietako bat Batzordea sortzea izango da, biktima horiek zeintzuk izango diren zehazteko. Orain arte geldirik egon da "zuhurtziagatik eta segurtasun juridikoagatik".
Horregatik, Ollok berretsi du ebazpenak, biktimen errekonozimendurako eta konponketarako "segurtasun juridikoa" emateaz gain, "gizarte demokratikoago baten alde lan egiteko ardura" aurrera eramatea ahalbidetuko diela erakunde nafarrei.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.