Euskal Herriaren eta Kataluniaren "askatasunaren aldeko ekintza bateratua" aurkeztuko dute larunbat honetan
Erabakitzeko eskubidea lege bilakatzeko "aukera historiko batean" gaudela uste du Gure Esku plataformak, eta hori dela eta, mobilizazio fase berri bati ekin dio. Joan den asteburuan, jendetza batu zen Bilbon, 'Hamaika gara erreferendumaren alde' lelopean egin zen ekimenean, eta gaur, berriz, 2022k udarako aurreikusita duten mobilizazio handia aurkeztuko dute: Pirinioetako Bidea.
Kataluniako herri eragileekin elkarlanean antolatzen ari diren ekimena da, eta gaur iluntzean jakinaraziko dituzte xehetasunak. Helburu politikoak aurkezteaz gain, mobilizazioaren ezaugarriak azalduko dituzte. Ekintza "ikusgarria, parte-hartzailea eta sinbolismo handikoa" izango dela aurreratu dute antolatzaileek, eta gaurko ekitaldia "datorren urteko mobilizazioaren lagin txiki" izango dela iragarri du Gure Eskuk.
Errenterian egingo da aurkezpen ekitaldia, Orereta Ikastolaren inguruan, Aiako Harrira begira dagoen behatoki batean, 21:30ean hasita. Besteak beste, Josu Etxaburu Gure Esku mugimenduko bozeramaileak, David Fernandez ACko presidenteordeak eta Blanca de Llobe Omnium Cultural plataformako zuzendaritzako kideak hartu dute parte, eta datorren urtean egin asmo duten ekimenaren gako politikoen berri emango dute. Ondoren, 21:45 aldera, Aiako Harria argiztatuko dute, hainbat tokitatik ikusi ahal izateko moduan.
Antolatzaileek zabaldu dutenez, Aiako Harrian egingo den ekintzan parte hartzeko, aurre izena ematea beharrezkoa da. Ekitaldi politikoa, berriz, herritar ororentzat irekia izango da.
Aldi berean, Katalunian Pedraforca mendia argiztatuko dute, eta Molers els Plans gunean ekitaldi politiko bat egingo dute. Han izango da Amalur Alvarez Gure Eskuren bozeramailea, eragile kataluniarrekin batera.
Sinadura bilketa
Iaztik, erabakitzeko eskubidearen aldeko sinadura bilketa martxan du Gure Esku plataformak, Covid-19a dela eta prozesua hainbat hilabetez etenda egon bazen ere.
Hamaika Gara ekimena urte amaiera arte egongo da martxan, eta "Euskal Herrian inoiz egin den sinadura bilketa handiena" izatea nahi dute.
Albiste gehiago politika
ETAko preso, iheslari eta deportatuak etxeratzeko eskatu du Sarek Bilbon, "gatazkaren ondorioak" gainditzeko
Urtero bezala, ETAko preso, iheslari eta deportatuak etxeratzeko eskatu du Sare mugimenduak Bilboko Aste Nagusian, “badelako garaia sufrimendua gainditu eta elkarbizitzarako zubiak eraikitzeko, indarkeria guztietako biktimak gogoan izanda”.
Ezkaban fusilatutako anarkista gazte baten gorpuzkiak familiari eman dizkiote
Nafarroako Gobernuko bigarren presidenteorde eta Memoria eta Bizikidetzako, Kanpo Ekintzako eta Euskarako kontseilari Ana Ollo izan du buru Ignacio Francisco Canedaren gorpuzkiak senitartekoei emateko ekitaldiak. AEBn jaiotako anarkista gazte hori Gerra Zibilean San Kristobal gotorlekutik ihes egiten saiatu ondoren fusilatu zuten. 1936ko ekainetik zegoen bertan preso, bere aktibismo politikoagatik.
Txiki eta Otaegiren oroimenezko muralari eraso egin diote Durangon
Haien aurpegiak eta muraleko leloa zirriborraturik agertu dira eta etarras idatzi dute erasotzaileek. Ernaik salatu duenez, "eraso faxistek eta espainolistek ez dute tokirik", eta murala auzolanean berregiteko deia egin dute.
Pernando Barrena: “Maliko etorkin guztiak gerratik ihesi datoz. Zein alde dago Malikoa eta Ukrainakoa izatearen artean?”
Erantzunean “oso jarrera arrazistak” ikusten ditu EH Bilduren europarlamentariak, eta, horiek desagerrarazi ezea, Europak asilo eskubidearen zentzua zaborrera botata izango duela salatu du Euskadi Irratian.
Ernaik independentziaren aldeko manifestazioa deitu du Donostian, irailaren 14an
'Ekin eta bultza' lelopean, Euskal Herriaren independentzia aldarrikatu nahi dute. Txiki eta Otaegiren fusilamenduaren 50. urteurrena ere oroituko dute.
:eitb-banner?$eitb-banner$&fmt=webp-alpha&qlt=80)
ETAko presoen aldeko 135 ekintza dokumentatu ditu Covitek udako jaietan
"Horrelako mezuek espetxetik ateratzea helburu legitimoa dela eta hilketengatik zein bestelako krimen batzuengatik ezarritako zigorrak bidegabeak izan ziren ideia sustatzen dute", deitoratu du Consuelo Ordoñezek.
Peinado epaileak Begoña Gomez inputatu gisa deklaratzera deitu du, diru publikoa bidegabe erabiltzea egotzita
Irailaren 11n deklaratu beharko du Sanchezen emazteak Madrilgo Auzitegian. Cristina Alvarez, haren aholkulariak berriz, bezperan, irailaren 10ean.
Udaltzain bat txosnetatik kanporatu dutela salatu du Ondarroako Udalak
Udalaren ustez, gertatutakoa "oso larria" da, eta neurriak hartuko dituela jakinarazi du.
Sarek "salbuespeneko espetxe-politikak" amaitzeko eskatu du Donostian
Urtero legez, Sarek manifestazioa egin du Donostiako Aste Nagusian, "euskal preso, iheslari eta deportatuak etxeratzea" eskatzeko. Azken urtean lortu diren aurrerapausoak azpimarratu dituzte bertan, baina oraindik bide luzea dagoela egiteko gaineratu dute. Sarek espetxe-legeak eta -politikak aldatzeko eskatu du "benetako bizikidetza" lortze aldera.
Eusko Jaurlaritzak babes ofizialeko 225 etxebizitza lizitatu ditu Gasteizko Larrein auzoan
Visesak lehiaketara atera ditu alokairuko etxebizitza babestuaren sustapen honen obrak, 38,5 milioi euroko aurrekontuarekin eta 24 hilabeteko egikaritze-epearekin. Kontratua, eranskinak eta urbanizazioa barne, irailaren 26ra arte aurkeztu ahal izango da.