Gure Eskuk erreferendumaren aldeko sinadura bilketari helduko dio berriro
Gure Esku erabakitzeko eskubidearen aldeko plataformak erreferendumaren aldeko sinadura bilketari ekingo dio berriro, gaur iragarri duenez. Kanpaina bertan behera geratu zen martxoan, COVID-19a tarteko.
"Hamaika gara" ekimena ekainera arte egongo da martxan eta "Euskal Herrian inoiz egin den sinadura bilketa handiena bilakatu" nahi dute, Josu Etxaburu eta Amalur Alvarez Gure Eskuko bozeramaileek prentsaurrekoan azaldu dutenez.
Euren ustez, pandemia garaian "hamaika arrazoi gehiago pilatu ditugu burujabetzan sakontzeko bidea egiteko". "Osasun krisiaren kudeaketak agerian utzi du zein ahula den gure herriaren autogobernua, zein erraz ken diezazkiguketen Madrildik eta Paristik gure eskumen mugatuak. Areago, herritarrok hautatutako lehendakariak ere inhabilita ditzakete, Quim Torra presidentearekin egin duten bezala", azaldu dute.
Nabarmendu dutenez, "ez da zer gertatuko zain geratzeko unea, eskubideak defendatu eta zabaltzearen alde egiteko unea hauxe da. Eta aukerak badaude. Erabakitzeko eskubidea modu eraginkorrean legeztatzeko legealdia izan behar da datorrena. Argi esango dugu: estatus politiko berriak erabakitzeko eskubidea izan behar du ardatz, eta herritarrok prozesuaren oinarri".
Hori horrela, "erreferendumak egiteko ahalmena beren gain hartu, arautu eta garatzeko” eskaerak egingo dizkiete Eusko Legebiltzarrari edo Nafarroako Parlamentuari.
"Gizartean erabakitzearen alde dagoen adostasun zabala lege bilakatzea dagokie alderdi politekoei. Aukera historiko hau galtzea akats larria litzateke", argudiatu dute.
Ekitaldi politiko eta kultural handia, hilaren 31n
Hamaika Gara ekimenaren "lehen mugarri handia" egingo dutela iragarri dute Alvarezek eta Etxaburuk. Urriaren 31n, ekitaldi "politiko eta kultural bat" eskainiko dute (18:00etan) Bi eratara ikusi ahalko da: hamaikagara.eus webgunearen bidez eta Euskal Herri osoko herri askotan antolatuko dituzten zuzeneko proiekzioetan.
Gure Eskuk azaldu du alor anitzetako 24 eragile batu dituztela Hamaika Gara ekimenaren atzean, eta gero eta agente gehiago biltzen ari zaizkiela.
Zure interesekoa izan daiteke
18 pertsona hil dira Israelgo Armadak Libano hegoaldearen aurka egindako bonbardaketetan
Iranek eskatu du Israelek atzera egitea eta erasoak bertan behera uztea, Estatu Batuekin lortutako akordio-memorandumari eutsiz. Bestalde, Israelgo Gobernuak behin baino gehiagotan adierazi du akordio horrek ez duela lotzen.
Sanchez, aurrekontuen harira: "Negoziatuko dugu, eta erabakiak hartu behar badira, hipotesi horiek ematean hartuko ditugu"
Espainiako Gobernuko presidenteak berretsi du kontu publikoak aurrera ateratzeko negoziatuko duela, eta adierazi du erabakiak "hipotesi horiek gertatzen direnean" hartuko direla; Exekutiboko iturriek, berriz, azpimarratu dute asmoa legealdia agortzea dela, eta testuinguru honetan baztertu egin dute aurten hauteskundeak deitzea.
Musikaren sektorerako laguntzen banaketaren gardentasuna defendatu du Bengoetxeak, hainbat artistaren kritiken aurrean
Euskal musikaren sektorerako laguntza publikoen banaketaren inguruan sortutako polemikaren aurrean, Eusko Jaurlaritzak hainbat artistak egindako kritikei erantzun die. Laguntzak esleitzeko irizpideei buruzko zalantzen aurrean, Ibone Bengoetxeak prozesua zorrotza dela eta gardentasun osoz gauzatzen dela adierazi du.
Sanchezek "konfiantza" helarazi dio Zapaterori eta haren familiaren egoerarekin "enpatizatu" du
Gobernuko presidenteak Bruselan adierazi duenez, Zapaterok "dagokion unean emango ditu azalpenak". Egunotan berarekin hitz egin duela eta "lasai" dagoela adierazi du.
Kongresuak "blokeo" politikoaren gaineko mozioa onartu du, eta eskatu dio Sanchezi ustelkeriagatik "ardura hartzeko"
Mozioa aurrera atera da PP, Vox, UPN eta Junts alderdien aldeko 177 botoekin, eta EAJ eta Coalicion Canaria abstenitu egin dira. Gainerako talde parlamentarioek idatzi horren kontra bozkatu dute.
Epaileak Zapateroren alabak eta idazkaria inputatu ditu
Ustelkeriaren aurkako Fiskaltzak eskatuta hartu du erabakia epaileak, beren defentsarako eskubidea baliatu ahal izan dezaten.
Chivitek Foru Hobekuntzaren erreforman euskara berezko hizkuntza gisa aitortzea proposatu du
Nafarroako presidenteak proposamen hori defendatuko du Foru Hobekuntzaren erreforman, eta hizkuntza hezkuntzatik, aniztasunetik eta ezagutzatik lantzearen aldeko apustua egingo du, eztabaida politikotik urrun.
Trumpek akordioa sinatu du Iranekin, Versaillesera egindako bisitan
AEBko presidenteak aurreikusitakoa baino bi egun lehenago zigilatu du ituna. Iranek dio Israelek Libanoko hegoaldetik erabat erretiratzeari uko eginez gero, akordioa bertan behera geratuko litzatekeela. Akordioak, 14 puntuz osatua, 60 egun ematen dizkie aldeei beste atal batzuk negoziatzeko.
EAJk Sanchezen gaineko presioa areagotu du, eta PPk "Parlamentua isilaraztea" leporatu dio
Kongresuan egin duten Gobernuaren kontrol saiak bi gai nagusi izan ditu. Batetik, EAJk Sanchezi aurrekontu batzuk aurkezteko edo hauteskundeak deitzeko eskaria egin dio. Bestetik, PPk kritika ugari egin dizkio hauteskundeak aurreratzeko bere bozketa proposamena atzera bota ondoren.
Aske utzi dute Enrique Maya Iruñeko alkate ohiari egindako erasoarekin lotuta atxilotu duten gizona
Joan den ekainaren 9an, Iruñeko alkate ohia iraindu eta bularrean kolpatu zuten Estafeta kalean, inolako kalterik jasan gabe. Egun batzuetako ikerketaren ostean, atzo, asteartea, gizon bat atxilotu zuten autoritatearen aurkako atentatu delitu bat egotzita.