Ehunka ahotsek burujabetzaren aldeko aldarria egin dute Bilbon
Ehunka pertsona bildu dira gaur Bilboko Areatzan, Gure Esku eta Hamaika Gara ekimenek deituta, estatus politikoa erreferendum bidez erabakitzeko eskubidearen aldeko mobilizazioan.
'Hamaika Gara erreferendumaren alde' lelopean, Euskal Herriak erabakitzeko gogoa, ahalmena eta beharra duela aldarrikatu dute mobilizazioko antolatzaile zein parte hartzaileek.
Burujabetzaren aldeko mobilizazioetan ohikoak diren aldarriez gain, aurtengoek covid-19aren krisiarekin izan dute lotura, halabeharrez. Bada, Gure Eskuko ordezkarien aburuz, egungo urgentziek zerikusi handia dute etorkizuneko erronkekin.
Amalur Alvarez Gure Eskuko bozeramaileak Euskadi Irratiko elkarrizketan azaldu zuenez, koronabirusaren krisiak agerian utzi ditu "EAEren autogobernu mailaren ahulezia", baita erakundeen mugak ere.
Gaurko mobilizazioa hasi aurretik, agerraldia egin du Alvarezek, komunikabideen aurrean. Azpimarratu du herritarrek ozen aldarrikatu dutela "erabakitzeko eskubidearen aldeko borondate argia". Ildo beretik, Gure Eskuren bozeramaileak nabarmendu du Euskal Herrian ez dagoela "erabakitzeko eskubidea bezalako adostasun sozial zabalik".
Euskal Autonomia Erkidegoko estatus politiko berriari buruzko eztabaidari buruz ere aritu da Alvarez, eta argi utzi du Gure Eskuk ez duela onartuko erreferenduma kontuan ez duen estatus berririk.
Eguneko ekitaldiei amaiera emateko, Josu Etxaburu Gure Eskuko bozeramaileak manifestua irakurri du. Salatu du egungo erronkei aurre egiteko konpetentziak urriak direla Euskal Herrian. Bide beretik, bozeramaileak "erabateko burujabetza" aurrera eramateko eskubidea aldarrikatu du.
Gainetik, Etxaburuk azaldu du lurraldeen arteko gatazkak "jendeak hitz egin dezala utzita" soilik konpondu daitezkeela, eta herriaren iritzia onartu eta errespetatu egin behar dela.
Ekitaldi politikoaz gain, antolatzaileek tarte berezia egin diote euskal kulturari. Hala, Zetak taldeak, Dupla bikoteak, Olatz Salvadorrek eta Itziar Ituñok kontzertuak eskaini dituzte Bilboko itsasadarrean barrena ibili den itsasontzian.
Ekimena aurrera eraman ahal izateko, konpromiso txartelak saldu dituzte Hamaika Gararen webgunean. Horrela, 5 euro ordainduta, Bilboko mobilizazioa finantzatzen eta segurtasun neurriak egokitzen lagundu dute hainbat pertsonek.
Iriarte: "Gehiengoa gara, gehiengo nabarmena, hori ezkutatzeko ahalegina egiten badute ere"
EH Bilduk bat egin du Gure Eskuk eta Hamaika Garak antolatutako mobilizazioarekin, Maddalen Iriarteren hitzetan, erabakitzeko eskubideak demokraziaren oinarrizko printzipioekin bat egiten duelako.
"Gehiengoa gara, gehiengo nabarmena, hori ezkutatzeko ahalegina egiten badute ere. Edo eskubide hori praktikan jartzea galarazteko ahaleginak egiten dituzten arren", esan du EH Bilduko bozeramaileak.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.