"Inpunitate frankista" salatu dute Gasteizen, eta "egia, justizia eta erreparazioa" eskatu dituzte
Dozenaka pertsonak "inpunitate frankista" salatu dute igande honetan Gasteizen, eta "egia, justizia eta biktimentzako erreparazioa" eskatu dute.
'Iragana Gogoan. Araba berria eraiki' lelopean, manifestua irakurri dute EH Bildu, Ahal Dugu-Podemos, Ezker Anitza-IU eta Equo-Berdeak alderdiek. Elkarretaratzean gogora ekarri dutenez, igande honetan "85 urte bete dira legalitate errepublikarra eta pertsonen zein herrien askatasunak defendatzen zituzten pertsonen eta estatu kolpe faxista babesten zutenen arteko gerra ekarri zuen altxamendu militarretik".
Testuinguru horretan, ondoren etorri zen 40 urteko diktadura salatu dute. Gainera, hamarkada batzuk geroago, krimen horien inpunitateak bere horretan jarraitzen duela eta milaka pertsonak "senideen gorpuak bilatzen" jarraitzen dutela azpimarratu dute.
"Etorkizuna ezin da isiltasunaren eta ahanzturaren gainean eraiki. Egia, justizia, erreparazioa eta berriz ez gertatzeko bermeak nazioarteko parametroekin betetzea eskatzen dugu. Errepublikaren legezkotasuna defendatu zuten pertsonen aitortza juridiko, politiko eta soziala eskatzen diegu erakunde publikoei, baita frankismoaren, faxismoaren eta nazismoaren aurka zein pertsonen eta herrien askatasunaren alde borrokatu zirenena ere", gaineratu dute.
Hori dela eta, Memoria Demokratikoaren Legearen aurreproiektua "motz" geratzen dela uste dute; izan ere, "Egia, justizia eta biktimen erreparazioa aitortzeko bidean aurrera egiteko aukera izan behar du".
"Egia ofizial eta kolektiboa sustatu behar du, egiaren batzorde baten bidez; 1977ko amnistia legea indargabetu behar da, biktimei erreparazioa eman behar zaie eta genero-ikuspegia txertatu behar da emakumeek jasan zituzten errepresio modu espezifikoak ikertzeko, zigortzeko eta erreparatzeko", defendatu dute.
Halaber, Eusko Legebiltzarrari eskatu diote Euskadiko Memoria Historiko eta Demokratikoaren Legearen eztabaidari eta tramitazioari berriz ekiteko, "Gerra Zibilean eta diktaduran zehar, arrazoi politiko, ideologiko edo erlijio-sinesmenagatik, jazarpena edo indarkeria pairatu zutenen oroimen pertsonal eta familiarraren erreparazio morala eta berreskurapena sustatzeko".
Zure interesekoa izan daiteke
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.
Pradalesek euskararen ofizialtasuna Europan defendatuko du, Frantziako Senatuan euskaraz egingo duen hitzaldian
Lehenengo aldiz izango da lehendakari bat Frantziako goi-ganberan, eta agertoki sinboliko hori baliatuko du, euskararen ofialtasunaren defentsan babes instituzional zabalagoa eskatzeko.