Iñaki Bilbao ETAko presoa ospitaleratu dute, abuztuaren 6tik gose greba egin ostean
Iñaki Bilbao Goikoetxea presoa Salamancako ospitale batean sartu dute, abuztuaren 6an Topasko espetxean hasi zuen gose greba baten ondorioz larri dagoelako. La Gaceta de Salamancak jakitera eman duenez, Espetxe Zaintzako epaileak elikagaiak hartzera behartu du, zainetatik, presoaren borondatearen kontra.
Amnistia Ta Askatasuna taldeak azaldu duenez, Bilbao Goikoetxeak gose eta komunikazio greba mugagabea abiatu zuen duela 20 egun, ohiko helburuarekin: "Independentzia eta Sozialismoa aldarrikatzea euskal langileriarentzat eta Euskal Herriarentzat".
Ia bi astez, presoak ez du ezer jan nahi izan; horren osasun egoera larria ikusita, baina, espetxeko agintariek ospitalean sartzea erabaki dute, eta zainetatik elikatzera behartu dute. Horren aurrean, Amnistiaren Aldeko eta Errepresioaren Aurkako Mugimenduak esan du presoaren egoera "muturrekoa" dela.
Bilbao Goikoetxea 2002ko martxoaren 31n sartu zuten kartzelan, eta 68 urteko zigorra betetzen ari da Juan Priede Perez zinegotzi sozialistaren hilketagatik, talde armatuarekin kolaboratzeagatik, mehatxuengatik eta kalteengatik.
Albiste gehiago politika
Sanchezek migrazio "seguru, arautu eta ordenatua" aldarrikatu du Mauritanian, Torre Pachecoko olatu arrazistaren aurrean
"Gaur egun, Espainiaren aurrerabideak eta egoera ekonomiko onak asko zor diote bizitza proiektu bat garatzera etorri den migrazioaren ekarpenari", aitortu du Espainiako gobernuburuak.
Kongresuak Gorenari jakinarazi dio 750.000 eurotik gora ordaindu zizkiola Abalosi, soldata eta dieta artean
'Koldo auziko' instrukzio epaileak egindako errekerimenduari erantzun dio horrela Diputatuen Kongresuak. Izan ere, Leopoldo Puente magistratuaren arabera, buruzagi sozialistaren kontu korronteetako zifrak ez zetozen bat Ogasunak emandako informazioarekin.
Mikel Torresek uste du Sanchezek borondatea duela Diazen Ministerioak kudeatutako transferentzietan oztopoak gainditzeko
Lehendakariorde eta Ekonomia, Lan eta Enplegu sailburuaren arabera, Lan Ministerioaren egungo kudeaketak konpondu beharreko erronkak ditu aurretik, baina atzo Bitariko Batzordean lortutako akordioek etorkizunerako "ate garrantzitsuak" irekitzen dituela iritzi dio.
Epaitegi batek Leire Diezen aurkako auzia ireki du, ustezko influentzia-trafikoagatik
PSOEko militante ohiak UCOri buruz hitz egiten duen audioen berri izan ondoren, Guardia Zibilaren elkarte batek haren aurkako salaketa jarri du eta bertan beste delitu batzuk ere aipatzen ditu, hala nola, eroskeria eta justizia oztopatzea.
Pradalesek "lidergo eta koordinazio handiagoa" eskatu dizkio Sanchezi, oztopo administratiboak eta eragozpen politikoak gainditzeko
"Akordioak betetzeko daude", adierazi du Pradales lehendakariak Lankidetza Iraunkorreko Aldebiko Batzordearen bileraren amaieran. Imanol Pradalesek "borondate politikoa" aitortu du Pedro Sanchezen aldetik, baina "ordena jartzeko" eskatu dio. "Erritmoa bizitu eta edukietan aurrera egin behar dugu, adostutako egutegia betetzeko", gaineratu du lehendakariak.
Eusko Jaurlaritzak eta Espainiako Gobernuak Itsas Salbamenduaren transferentzia adostu dute, eta Gizarte Segurantzaren eskualdaketan aurrera egin dute
Era berean, bi gobernuek kotizazio gabeko lau prestazio adostu dituzte (hiru familia-prestazio eta jaiotzagatiko sorospen berezia), baita eskola-aseguruaren prestazio ekonomikoen kudeaketa ere.
Deport Them Now talde neonaziko buruzagia atxilotu dute, Torre Pachecoko magrebtarren aurkako "ehizaldia" dei egiteagatik
Guardia Zibilak atxilotuaren etxebizitza miatu du Mataron (Bartzelona), eta bi ordenagailu atzeman ditu. Era berean, Deport Them Now talde supremazistak erabilitako bi Telegram kanal itxi dituzte.
Kargu tekniko batek onartu du "zurrumurruak" zeudela Belateren kontratua Accionak eta Servinabarrek eramango zutela
Lorenzo Serena Belateko tuneletako lanen kontratazio-mahaiko idazkaria izandakoak esleipen-prozesuarekinn ez zegoela ados azaldu zuen, eta eskaintzaren balorazioa argudiatzeko eskatu zuen, "susmoak" saihesteko.
Pradales lehendakaria Pedro Sanchezekin bildu da
Pedro Sanchez Espainiako Gobernuko presidenteak Imanol Pradales lehendakaria hartu du Moncloa Jauregian, Estatuaren eta Euskadiren arteko Aldebiko Lankidetza Iraunkorreko Batzordearen buru izan aurretik egindako bileran. Bertan, egiteke dauden transferentziak, euskararen ofizialtasuna Europan, makroeskualde atlantikoa, euskal industriaren ahalmen elektrikoa eta migrazioa aztertuko dira.
Auzitegi Gorenak ez du Bolaños ministroa ikertuko, Begoña Gomezen kasuaren baitan
Bolaños dirua bidegabe erabiltzea eta lekukotza faltsua ematea leporatuta zen ikertzekoa Juan Carlos Peinado instrukzio-epailea.