Ertzaintzak beharrezko neurriak hartuko ditu Arrasaten "liskarrak" saihesteko, Erkorekaren arabera
Josu Erkoreka Segurtasun sailburu eta lehendakariordeak adierazi duenez, Ertzaintzak beharrezko neurriak hartuko ditu "liskarrak" saihesteko; Izan ere, larunbat honetan, Arrasaten, Sarek antolatutako martxa bat egingo da, euskal preso ugariri eragiten dien salbuespen legedia salatzeko, eta Voxek, beste bat egingo du, ekimen horren aurka.
Sailburuak Bilbon prentsaurreko batean adierazi du ezin duela dispositiboaren edukiaren berri eman, ez dagoelako "guztiz osatuta". Erkorekaren arabera, horretarako egun horretarako egiten diren "elkarretaratzeen edo manifestazioen mapa zehatza" zein den ikusi behar da.
Gaur bertan, Euskadiko PPk beste ekitaldi bat iragarri du Arrasaten, goizeko 10: 00etan, Jose Antonio Ortega Lara bahituta egon zen lantegian.
Voxen eta Sareren ekitaldiei dagokienez, Erkorekak esan du "denboran gainjar daitezkeela, baina agian ez kokapenean". Vox joango den ekitaldia 12:00etarako deitu dute; Sarek eta herriko talde batek, berriz, egun osorako egitaraua prestatu dute. Ekitaldiak 11:00etan hasiko dira, eta 12:00etarako, esaterako, 31 kilometroko martxa bat antolatu dute, arratsaldean mitin batekin amaituko dena.
Sarek behin eta berriz ukatu du Arrasateko manifestazioa Parot ETAko presoa omentzeko izatea, eta azaldu du mobilizazioa salbuespenezko legediak salatzeko egingo. Hala ere, martxak ezinegona sortu du hainbat sektoreren artean, eta zenbaitek galarazteko ere eskatu dute.
"Omenaldia" bertan behera uzteko eskatu dio Dignidad y Justiciak Auzitegi Nazionalari
Sarek larunbaterako deitutako manifestazioa bertan behera uztea eskatu dio Diginidad y Justicia elkarteak Manuel Garcia-Castellon Auzitegi Nazionaleko epaileari, ETAren "biktimentzako iraina" delako.
Elkartearen ahotan, "ETA erakunde terroristako preso bat goratzeko ekitaldia da", "haren hilketak" justifikatzen eta "espetxean zigorra betetzen jarraitu behar ez" duela uste duten pertsonen eskutik.
Gainera, Sare Sorturen Preso Batzordearen tresna ote den ikertzeko eskatu du elkarteak. "Pertsona fisiko deitzaileak" eta sare sozialen bidez manifestazioa zabaltzeko egindako deia identifikatzeko exijitu du.
EAEko Auzitegi Nagusiaren ahotan, "ezin da helegiterik aurkeztu"
Bestalde, Unai Parot ETAko presoaren aldeko manifestazioaren aurka "helegitea aurkezterik ez" dagoela ebatzi du Euskal Autonomia erkidegoko Auzitegi Nagusiak (EAEAN).
Espainiako Poliziaren Jupol sindikatuak eta Guardia Zibilaren Jucil elkarteak erabaki judizialaren berri eman dute, ebazpenarekin "kezkatuta" agertzeko.
Bi elkarteen esanetan, "edozein elkarretaratze motarentzako baimena beharrezkoa da", kasu honetan Eusko Jaurlaritzarena; ondorioz, "errekurtsoa aurkezteko aukerarik ez duen ekitaldiaz ezin da hitz egin, auzitegiaren arabera, aldez aurretik komunikatzea soilik nahikoa delako".
Eusko Jaurlaritzaren "erabateko anbiguotasuna" salatu du PPk
Raquel Gonzalez Bizkaiko PPren presidenteak "EAJren eta haren bazkideen erabateko anbiguotasuna" salatu du, "terrorismoaren biktimak etengabe jasaten ari diren irainen aurrean".
Horregatik, alderdia larunbatean Arrasatera joango dela ziurtatu du, Sarek antolatutako martxan, "kalte-ordain" gisa Unai Parot ETAko presoaren biktimei omenaldia egiteko.
Gonzalezen hitzetan, "PP Arrasaten egongo da, biktimengatik kezkatuta dagoelako", eta ez Aitor Estebanek esan bezala, "probokatzeko".
Albiste gehiago politika
Kongresuak atzera bota du migrazio eskumena Kataluniako Gobernuaren esku uzteko Juntsek eta PSOEk adostutako lege proposamena
Podemosek lege testuaren aurka bozkatu du PPrekin eta Voxekin batera, "arrazista" dela iritzita. Horiei Sumarreko bi diputatu batu zaizkie, boto diziplina hautsita. Miriam Nogueras Juntseko bozeramaileak muturreko eskuina eta muturreko ezkerra kritikatu ditu Kataluniaren aurkakoak direla iritzita.
Albiste izango dira: EAEko aireportuen kudeaketa, Palestinaren aldeko manifestazioa Zinemaldian, eta NBEren Batzar Orokorra
Gaurkoan Orain-en albiste izango direnen laburpena, bi hitzetan.
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.